Nidhan
ఐపీఎల్-2024 ఫైనల్కు వర్షం ముప్పు పొంచి ఉందని తెలుస్తోంది. ఈ నేపథ్యంలో వాన వల్ల ఒకవేళ మ్యాచ్ రద్దయితే విజేతగా ఎవరు నిలుస్తారు అనేది ఇప్పుడు ఆసక్తికరంగా మారింది.
ఐపీఎల్-2024 ఫైనల్కు వర్షం ముప్పు పొంచి ఉందని తెలుస్తోంది. ఈ నేపథ్యంలో వాన వల్ల ఒకవేళ మ్యాచ్ రద్దయితే విజేతగా ఎవరు నిలుస్తారు అనేది ఇప్పుడు ఆసక్తికరంగా మారింది.
Nidhan
ఐపీఎల్-2024 ఇప్పుడు ముగింపు దశకు చేరుకుంది. లీగ్ స్టేజ్లో వరుస విజయాలతో హవా నడిపించాయి రెండు జట్లు. పాయింట్స్ టేబుల్లో టాప్లో నిలిచాయి. ఆ రెండే ప్లేఆఫ్స్లో సత్తా చాటి ఫైనల్స్కు చేరుకున్నాయి. అందులో ఒకటి కోల్కతా నైట్ రైడర్స్, మరొకటి సన్రైజర్స్ హైదరాబాద్. ఈ రెండు టీమ్స్ కప్పు కోసం ఆదివారం అమీతుమీ తేల్చుకోనున్నాయి. ఇందులో నెగ్గిన టీమ్ ఛాంపియన్గా నిలుస్తుంది. ఓడిన జట్టు రన్నరప్తో సరిపెట్టుకుంటుంది. ఫైనల్ మ్యాచ్కు సర్వం సిద్ధమైంది. క్వాలిఫైయర్-1లో నెగ్గి ఫుల్ కాన్ఫిడెన్స్తో ఉన్న కేకేఆర్, క్వాలిఫైయర్-2లో గెలిచి జోష్లో ఉన్న ఎస్ఆర్హెచ్ ఆఖరి యుద్ధానికి రెడీ అవుతున్నాయి. అయితే ఓ ప్రశ్న అభిమానుల మనసులను తొలచివేస్తోంది.
ఈ సీజన్ ఫైనల్ మ్యాచ్కు వర్షం ముప్పు పొంచి ఉందని తెలుస్తోంది. టైటిల్ ఫైట్కు చెన్నైలోని చెపాక్ స్టేడియం ఆతిథ్యం ఇస్తోంది. అయితే చెన్నైలో ఆదివారం తేలికపాటి నుంచి మోస్తరు వాన కురిసే అవకాశం ఉందని వాతావరణ శాఖ చెబుతోంది. దీంతో ఫైనల్ మ్యాచ్ కోసం ఎంతో ఎదురుచూస్తున్న క్రికెట్ లవర్స్ నిరాశకు లోనవుతున్నారు. ఒకవేళ వర్షం వల్ల మ్యాచ్ రద్దయితే ఎవరు విజేతగా నిలుస్తారో తెలుసుకోవాలని ఆసక్తిగా ఉన్నారు. ఫైనల్ మ్యాచ్కు రిజర్వ్ డే ఉంది. అంటే వాన ఆటంకం కలిగించి రేపు ఆట సాధ్యం కాకపోతే సోమవారం నాడు మ్యాచ్ను నిర్వహిస్తారు. కాబట్టి ఫ్యాన్స్ నిరాశకు లోనవ్వాల్సిన అవసరం లేదు. ఆదివారం కాకపోతే సోమవారం మ్యాచ్ జరుగుతుంది. ఒకవేళ ఎల్లుండి కూడా వాన వల్ల మ్యాచ్ రద్దయితే మాత్రం ఎస్ఆర్హెచ్కు తీవ్ర నిరాశే ఎదురవుతుంది.
రిజర్వ్ డే నాడు కూడా వర్షం పడి మ్యాచ్ రద్దయితే అప్పుడు ఇరు జట్ల పాయింట్లను చూస్తారు. గ్రూప్ దశలో అత్యధిక పాయింట్ల సాధించిన జట్టును విజేతగా ప్రకటిస్తారు. దాని ప్రకారం చూసుకుంటే.. పాయింట్స్ టేబుల్లో టాప్లో ఉన్న కేకేఆర్ టైటిల్ను ఎగరేసుకుపోతుంది. పాయింట్ల పట్టికలో ఎస్ఆర్హెచ్ రెండో స్థానంలో ఉంది కాబట్టి రన్నరప్తో సరిపెట్టుకోవాల్సి ఉంటుంది. పూర్తి మ్యాచ్ జరిగితే కేకేఆర్తో తాడోపేడో తేల్చుకోవచ్చు. ఆదివారంతో పాటు రిజర్వ్ డే అయిన సోమవారం కూడా మ్యాచ్ సాధ్యం కాకపోతే అయ్యర్ సేనను ఛాంపియన్గా నిలవకుండా ఎవరూ ఆపలేరు. అందుకే ఆరెంజ్ ఆర్మీ అభిమానులు వర్షం పడొద్దని కోరుకోవాలి. మరి.. ఈసారి సన్రైజర్స్ కప్పు గెలుస్తుందని మీరు భావిస్తే కామెంట్ చేయండి.
