Nidhan
క్రికెట్ ఫ్యాన్స్ను ఫుల్గా ఎంటర్టైన్ చేస్తోంది ఐపీఎల్. హైస్కోరింగ్ మ్యాచులు, ఫైనల్ ఓవర్ థ్రిల్లర్స్తో క్యాష్ రిచ్ లీగ్ అందరికీ మస్తు వినోదాన్ని పంచుతోంది. అలాంటి ఈ లీగ్లో మరో కొత్త రూల్కు రూట్ క్లియర్ అయిందని తెలుస్తోంది.
క్రికెట్ ఫ్యాన్స్ను ఫుల్గా ఎంటర్టైన్ చేస్తోంది ఐపీఎల్. హైస్కోరింగ్ మ్యాచులు, ఫైనల్ ఓవర్ థ్రిల్లర్స్తో క్యాష్ రిచ్ లీగ్ అందరికీ మస్తు వినోదాన్ని పంచుతోంది. అలాంటి ఈ లీగ్లో మరో కొత్త రూల్కు రూట్ క్లియర్ అయిందని తెలుస్తోంది.
Nidhan
క్రికెట్ ఫ్యాన్స్ను ఫుల్గా ఎంటర్టైన్ చేస్తోంది ఐపీఎల్. హైస్కోరింగ్ మ్యాచులు, ఫైనల్ ఓవర్ థ్రిల్లర్స్తో క్యాష్ రిచ్ లీగ్ అందరికీ మస్తు వినోదాన్ని పంచుతోంది. అలాంటి ఈ లీగ్లో మరో కొత్త రూల్కు రూట్ క్లియర్ అయిందని తెలుస్తోంది. సాధారణంగా క్రికెట్లో అప్పుడప్పుడూ కొత్త నిబంధనలు తీసుకురావడం చూస్తూనే ఉంటాం. ఇంటర్నేషనల్ క్రికెట్లోనైతే ఆ బాధ్యతను ఐసీసీ చూసుకుంటుంది. కానీ లీగ్స్లో మాత్రం ఆయా దేశ బోర్డులే చూసుకుంటాయి. ఈ క్రమంలోనే ఐపీఎల్ను మరింత రసవత్తరంగా మార్చేందుకు ప్రయత్నిస్తున్న బీసీసీఐ ఓ కొత్త రూల్కు స్వీకారం చుట్టిందని తెలుస్తోంది. అది గానీ అమల్లోకి వస్తే ఇక బ్యాటర్ల పని ఫినిష్ అని అంటున్నారు. ఈ నేపథ్యంలో అసలు ఏంటా రూల్? అనేది ఇప్పుడు తెలుసుకుందాం..
క్రికెట్ ఇప్పుడు బ్యాటర్స్ గేమ్లా మారిపోయింది. ఫ్లాట్ పిచ్లు ఎక్కువవడంతో బ్యాటర్లు పండుగ చేసుకుంటున్నారు. భారీగా పరుగులు బాదుతూ బౌలర్లను వణికిస్తున్నారు. అయితే ఇప్పటికీ కూడా కొందరు స్మార్ట్ బౌలర్స్ ఉన్నారు. వాళ్లు పిచ్తో సంబంధం లేకుండా తెలివిగా బౌలింగ్ చేస్తూ బ్యాట్స్మెన్ను భయపెడుతున్నారు. అలాంటి వాళ్లకు మరింత ఊతం ఇచ్చేలా ఐపీఎల్లో ఓ కొత్త రూల్ రానుందని తెలుస్తోంది. ఇక మీదట లీగ్లో ఒక్కో బౌలర్కు 5 ఓవర్లు ఇవ్వాలని భావిస్తున్నారట. దీని వల్ల బాల్కు బ్యాట్కు మధ్య మరింత బ్యాలెన్స్ ఏర్పడుతుందని అనుకుంటున్నారట. త్వరలో ఈ రూల్ను ఐపీఎల్లో అమలు చేసేందుకు నిర్వాహకులు డిసైడ్ అయ్యారని క్రికెట్ వర్గాల్లో జోరుగా వినిపిస్తోంది.
ఒకవేళ ఒక్కో బౌలర్కు 5 ఓవర్ల రూల్ గనుక అమల్లోకి వచ్చిందా ఇక బ్యాటర్ల పని ఖతం అనే చెప్పాలి. ఎందుకంటే పిచ్తో సంబంధం లేకుండా తమ బలాన్ని నమ్ముకొని బౌలింగ్ చేసే జస్ప్రీత్ బుమ్రా, పతిరానా, ట్రెంట్ బౌల్ట్, సునీల్ నరైన్, ముస్తాఫిజుర్ రెహ్మాన్ లాంటి కొందరు డేంజరస్ బౌలర్స్ ఉన్నారు. వీళ్లు ఏ పిచ్ మీదనైనా వికెట్లు తీయడంలో సిద్ధహస్తులు. సింగిల్ హ్యాండ్తో మ్యాచ్ స్వరూపాన్ని మార్చేసే ఇలాంటి బౌలర్లకు ఆ కొత్త రూల్ బ్రహ్మాస్త్రంలా మారుతుంది. 5 ఓవర్లు వేసే అవకాశం వస్తే వీళ్లు మ్యాచ్ ఫలితాలను మార్చడం కాదు.. ఏకంగా శాసిస్తారని చెప్పొచ్చు. సాధారణంగా ఇలాంటి బౌలర్లను ఎదుర్కొని రన్స్ చేయడం కష్టం.. అలాంటిది వాళ్లు ఊపు మీద ఉన్నప్పుడు ఐదు ఓవర్లు వేసే ఛాన్స్ వస్తే ఏ టీమ్ అయినా తక్కువ స్కోర్లకే కుప్పకూలడం ఖాయం. అయితే ఈ రూల్ ఎప్పుడు అమల్లోకి వస్తుందనేది మాత్రం క్లారిటీ లేదు. మరి.. ఐపీఎల్లో కొత్త రూల్ మీద మీ ఒపీనియన్ను కామెంట్ చేయండి.
