Nidhan
రోహిత్ శర్మ నుంచి ముంబై ఇండియన్స్ కెప్టెన్సీ పగ్గాలను హార్దిక్ పాండ్యాకు అప్పగించిన సంగతి తెలిసిందే. సారథ్య మార్పు నచ్చని హిట్మ్యాన్ ఫ్యాన్స్ పాండ్యాను ట్రోల్ చేస్తున్నారు. దీనిపై ఓ టీమిండియా మాజీ క్రికెటర్ రియాక్ట్ అయ్యాడు.
రోహిత్ శర్మ నుంచి ముంబై ఇండియన్స్ కెప్టెన్సీ పగ్గాలను హార్దిక్ పాండ్యాకు అప్పగించిన సంగతి తెలిసిందే. సారథ్య మార్పు నచ్చని హిట్మ్యాన్ ఫ్యాన్స్ పాండ్యాను ట్రోల్ చేస్తున్నారు. దీనిపై ఓ టీమిండియా మాజీ క్రికెటర్ రియాక్ట్ అయ్యాడు.
Nidhan
ఐపీఎల్-2024 ఆరంభానికి ముందు నుంచే ముంబై ఇండియన్స్ జట్టు వార్తల్లో ఉంది. ఆ టీమ్ కెప్టెన్సీ మార్పు అంశం సంచలనంగా మారింది. జట్టుకు 5 కప్పులు అందించిన లెజెండరీ ప్లేయర్ రోహిత్ శర్మను కెప్టెన్సీ నుంచి తొలగించి అతడి ప్లేస్లో హార్దిక్ పాండ్యాకు సారథ్య బాధ్యతలు అప్పజెప్పడం అప్పట్లో హాట్ టాపిక్గా మారింది. గుజరాత్ టైటాన్స్కు కెప్టెన్గా ఉన్న పాండ్యాను తీసుకొచ్చి మరీ కెప్టెన్ చేయడం, రోహిత్ను అవమానకర రీతిలో బాధ్యతల నుంచి తొలగించడంపై చాలా మంది అభిమానులు గుర్రుగా ఉన్నారు. ఇదే కోపాన్ని ముంబై మ్యాచుల సమయంలో చూపిస్తున్నారు. కొత్త కెప్టెన్ హార్దిక్ను ఎగతాళి చేస్తున్నారు. బూ.. అంటూ అతడ్ని హేళన చేస్తున్నారు. దీని వల్ల ఒత్తిడికి గురవుతున్న పాండ్యా సరిగ్గా పెర్ఫార్మ్ చేయడం లేదు. ఈ విషయంపై తాజాగా ఓ టీమిండియా మాజీ క్రికెటర్ రియాక్ట్ అయ్యాడు.
ముంబై కెప్టెన్సీ మార్పు వివాదంపై భారత మాజీ బ్యాటర్ రాబిన్ ఊతప్ప స్పందించాడు. ఓ పాడ్కాస్ట్ షోలో అతడు మాట్లాడుతూ ఆసక్తికర వ్యాఖ్యలు చేశాడు. హార్దిక్ను కెప్టెన్ చేయడానికి రోహితే కారణమని అన్నాడు. బ్యాటింగ్, కెప్టెన్సీలో హిట్మ్యాన్ ఫెయిల్ అయ్యాడని.. అతడి తప్పిదం వల్లే పాండ్యాకు సారథ్య బాధ్యతల్ని ఎంఐ అప్పగించిందని స్పష్టం చేశాడు. ‘అప్పట్లో రోహిత్ శర్మకు టోర్నమెంట్ మధ్యలోనే కెప్టెన్సీ ఇచ్చారు. అది కూడా రికీ పాంటింగ్ లాంటి లెజెండ్ను తప్పించి అతడికి బాధ్యతలు అప్పగించారు. ఈ నిర్ణయాన్ని పాంటింగ్తో పాటు హర్భజన్ సింగ్, సచిన్ టెండూల్కర్ కూడా స్వాగతించారు. గత 4 ఏళ్లుగా రోహిత్ సరిగ్గా ఆడటం లేదు. 2020 తర్వాత మళ్లీ ఆ టీమ్ కప్పు గెలవలేదు’ అని ఊతప్ప చెప్పుకొచ్చాడు.
ముంబై ఇండియన్స్ దృష్టి కోణంలో నుంచి చూస్తే గత నాలుగు సీజన్లుగా రోహిత్ బ్యాటర్గా, కెప్టెన్గా ఫెయిలయ్యాడని ఊతప్ప తెలిపాడు. ఈ నాలుగేళ్లలో అతడు 300 కంటే తక్కువ పరుగులు చేశాడని పేర్కొన్నాడు. బ్యాట్స్మన్గానూ కెప్టెన్గానూ అతడి సక్సెస్ రేట్ పడిపోయిందన్నాడు. ఇదే హార్దిక్కు ప్లస్ అయిందన్నాడు. కెప్టెన్సీ బాధ్యతలు తీసుకున్నాక పాండ్యా మానసికంగా చాలా ఇబ్బంది పడుతున్నాడని వ్యాఖ్యానించాడు ఊతప్ప. హార్దిక్ ఫిట్నెస్, పెర్ఫార్మెన్స్ గురించి వస్తున్న ట్రోల్స్, విమర్శలు, నెగెటివిటీ అతడ్ని హర్ట్ చేస్తోందన్నాడు. పాండ్యానే కాదు.. ఎవరైనా సరే ఇలాంటి సిచ్యువేషన్ను ఎదుర్కోవడం కష్టమని, ఇది చాలా ఇబ్బందికర పరిస్థితి అని ఊతప్ప వివరించాడు. మరి.. రోహిత్ ఫెయిల్యూర్ వల్లే హార్దిక్ వైపు ముంబై చూడాల్సి వచ్చిందంటూ ఊతప్ప చేసిన వ్యాఖ్యలపై మీ ఒపీనియన్ను కామెంట్ చేయండి.
— Out Of Context Cricket (@GemsOfCricket) April 21, 2024
