గుజరాత్ టీమ్​లో ఇదీ హార్దిక్ పరిస్థితి.. నెహ్రా కామెంట్​తో అసలు నిజం బయటపడింది!

ఐపీఎల్ పండుగకు ఇంకో వారం రోజుల సమయం కూడా లేదు. ఈ సమ్మర్​ హీట్​ను మరింత పెంచేందుకు క్యాష్ రిచ్ లీగ్ రెడీ అవుతోంది. మార్చి 22వ తేదీ నుంచి ఈ మెగా లీగ్​కు తెరలేవనుంది. అందుకోసం ఇప్పటికే ఏర్పాట్లు కూడా పూర్తయ్యాయి. లీగ్ నిర్వాహకులు యాడ్స్ మీద యాడ్స్ ఇస్తూ ఐపీఎల్ సందడిని మరింత పెంచేస్తున్నారు. ఫ్రాంచైజీలు కూడా ప్లేయర్ల రాక, ప్రాక్టీస్ తదితర విషయాలను ఎప్పటికప్పుడు అభిమానులతో షేర్ చేసుకుంటున్నాయి. గుజరాత్ టైటాన్స్ జట్టు కూడా సన్నాహకాలను మొదలుపెట్టింది. ఆ టీమ్ ఆటగాళ్లు ఒక్క చోట చేరి జోరుగా ప్రాక్టీస్ చేస్తున్నారు. ఈ తరుణంలో టైటాన్స్ హెడ్ కోచ్ ఆశిష్ నెహ్రా షాకింగ్ కామెంట్స్ చేశాడు. హార్దిక్ పాండ్యా గుజరాత్​ను వీడటంపై ఆయన ఫస్ట్ టైమ్ రియాక్ట్ అయ్యాడు.

గతేడాది ఆఖర్లో నిర్వహించిన ఐపీఎల్ మినీ ఆక్షన్​లో హార్దిక్ పాండ్యా గుజరాత్ నుంచి ముంబై ఇండియన్స్​కు వెళ్లిపోయాడు. పాండ్యాను వదులుకున్న గుజరాత్.. బదులుగా ముంబై నుంచి మరో ఆటగాడ్ని తీసుకోలేదు. కానీ హార్దిక్​ను ఇచ్చేసిందుకు ఎంఐ నుంచి భారీ మొత్తాన్ని అందుకుందని సమాచారం. అయితే గుజరాత్ కెప్టెన్​గా రెండేళ్లు బాధ్యతలు నిర్వర్తించిన హార్దిక్ సడన్​గా టీమ్​ను వదిలేయడంతో అప్పట్లో అంతా షాక్ అయ్యారు. పిలిచి కెప్టెన్సీ ఇచ్చి అంత పుష్ చేస్తే అతడు ఎందుకు మధ్యలో వదిలేసి వెళ్లాడో అర్థం కాలేదు. దీనిపై పాండ్యా ఇప్పటిదాకా స్పందించలేదు. అయితే ఈ విషయం మీద తాజాగా గుజరాత్ కోచ్ నెహ్రా రియాక్ట్ అయ్యాడు. టైటాన్స్​లోనే ఉండమని హార్దిక్​ను తాను ఒప్పించేందుకు ప్రయత్నించలేదన్నాడు.

‘టీమ్​తోనే ఉండిపొమ్మని హార్దిక్​ను నేను కన్విన్స్ చేయలేదు. ఫ్రాంచైజీ క్రికెట్​లో ఇలాంటివి సాధారణమే. ఫుట్​బాల్ లీగ్స్​ మాదిరిగానే ఐపీఎల్​లోనూ ఇలాంటి ట్రాన్స్​ఫర్స్ మనం మరిన్ని చూడబోతున్నాం’ అని నెహ్రా చెప్పుకొచ్చాడు. అయితే గుజరాత్ కోచ్ కామెంట్స్ ఇప్పుడు వైరల్ అవుతున్నాయి. పాండ్యా వెళ్లిపోతానంటే కనీసం ఆపకపోవడం, మాట మాత్రంగానైనా ఉండిపొమ్మని చెప్పకపోవడంపై అందరూ ఆశ్చర్యాన్ని వ్యక్తం చేస్తున్నారు. గుజరాత్​ టీమ్​లో హార్దిక్ పరిస్థితి ఇదని.. మాట వరసకు కూడా ఆగమనలేదని సోషల్ మీడియాలో నెటిజన్స్ అంటున్నారు. హార్దిక్ వెళ్తేనే బెటర్ అనుకున్నారా? అని అనుమానాలు వ్యక్తం చేస్తున్నారు. నెహ్రా కామెంట్స్​తో అసలు నిజం బయటపడిందని చెబుతున్నారు. పాండ్యాను పొమ్మనలేకే పొగపెట్టారని నెటిజన్స్ కామెంట్స్ చేస్తున్నారు. ఒకసారి కప్ గెలిపించి, ఇంకోసారి రన్నరప్​గా నిలిపిన కెప్టెన్ వెళ్లిపోతానంటే కనీసం ఆపకపోవడం ఏంటని షాక్ అవుతున్నారు. మరి.. పాండ్యా మీద నెహ్రా చేసిన వ్యాఖ్యలపై మీ ఒపీనియన్​ను కామెంట్ల రూపంలో తెలియజేయండి.

ఇదీ చదవండి: IPL కోసం ఎదురుచూస్తున్నారా? ఇది పక్కా గుడ్ న్యూస్!

Nehra said “I never tried to convince Hardik to stay back, the way this sport is moving, we will see more such transfers like it happens in football”. [PTI] pic.twitter.com/suBObjFYpd

— Johns. (@CricCrazyJohns) March 16, 2024