Nidhan
రెండో టెస్ట్లో సౌతాఫ్రికా బ్యాటర్లకు ఊపిరి తీసుకునేంత టైమ్ కూడా ఇవ్వలేదు భారత్. మన బౌలర్లు అందులోనూ సిరాజ్ దెబ్బకు ప్రొటీస్ బ్యాటర్ల స్కోర్ మొబైల్ నంబర్ను తలపించింది.
రెండో టెస్ట్లో సౌతాఫ్రికా బ్యాటర్లకు ఊపిరి తీసుకునేంత టైమ్ కూడా ఇవ్వలేదు భారత్. మన బౌలర్లు అందులోనూ సిరాజ్ దెబ్బకు ప్రొటీస్ బ్యాటర్ల స్కోర్ మొబైల్ నంబర్ను తలపించింది.
Nidhan
సఫారీ టూర్లో టీ20లు, వన్డేల్లో అదరగొట్టిన టీమిండియా.. టెస్ట్ సిరీస్లో తుస్సుమంది. రెండు టెస్టుల సిరీస్లో భాగంగా సెంచూరియన్లో జరిగిన తొలి మ్యాచ్లో ఏకంగా ఇన్నింగ్స్ 32 పరుగుల భారీ తేడాతో రోహిత్ సేన చిత్తయింది. దీంతో భారత్ పనైపోయిందని.. స్వదేశంలో పులులు, విదేశాల్లో పిల్లులు అనే విమర్శలు వినిపించాయి. హిట్మ్యాన్ కెప్టెన్సీ నుంచి తప్పుకోవాలనే డిమాండ్లు ఊపందుకున్నాయి. బౌలింగ్ యూనిట్ను కూడా మార్చాలనే కామెంట్స్ వచ్చాయి. ఈ నేపథ్యంలో అందరికీ స్ట్రాంగ్ కౌంటర్ ఇస్తూ సెకండ్ టెస్ట్లో చెలరేగి ఆడుతోంది భారత్. కేప్టౌన్ ఆతిథ్యం ఇచ్చిన ఈ మ్యాచ్లో టాస్ నెగ్గిన ప్రొటీస్ కెప్టెన్ డీన్ ఎల్గర్ బ్యాటింగ్ ఎంచుకున్నాడు. అయితే అతడి డెసిజన్ రాంగ్ అయింది. బౌలింగ్కు సహకరిస్తున్న పిచ్ మీద ఆతిథ్య టీమ్ను 55 రన్స్కే కుప్పకూల్చింది భారత్.
సఫారీ బ్యాటర్లను హైదరాబాదీ మహ్మద్ సిరాజ్ ఒక రేంజ్లో పోయించాడు. మొదటి టెస్టులో చేసిన తప్పుల్ని సరిదిద్దుకున్న ఈ స్పీడ్స్టర్ స్వింగింగ్ డెలివరీస్తో ప్రత్యర్థి బ్యాటర్లను ముప్పుతిప్పలు పెట్టాడు. పర్ఫెక్ట్ లైన్ లెంగ్త్లో బాల్స్ వేస్తూ షాట్ కొట్టాలంటే భయపడేలా చేశాడు. రన్స్ రాకపోవడం, బాల్ ఇరువైపులా స్వింగ్ అవుతుండటంతో సఫారీ బ్యాటర్లకు ఏం చేయాలో తోచలేదు. దీంతో బ్యాట్లను అడ్డంగా ఊపుతూ దొరికేశారు. అవుట్ స్వింగర్తో ఓపెనర్ ఎయిడెన్ మార్క్రమ్ (2)ను ఔట్ చేశాడు సిరాజ్. ఆ తర్వాత ప్లాన్ ప్రకారం బాల్స్ వేసి కెప్టెన్ ఎల్గర్ (4)ను క్లీన్ బౌల్డ్ చేశాడు. ఆ తర్వాత డేవిడ్ బెడింగ్హామ్ (12)ను ఔట్ స్వింగర్తోనే మార్క్రమ్లాగే ఔట్ చేశాడు. కైల్ వెరైన్ (15), మార్కో జాన్సన్ (0), కేశవ్ మహారాజ్ (3)ను కూడా సిరాజే పెవిలియన్కు చేర్చాడు.
కేప్టౌన్ టెస్ట్ మొదటి రోజు లంచ్లోపే 5 వికెట్లు తీసిన సిరాజ్.. మొత్తంగా ఆరు వికెట్లు తన ఖాతాలో వేసుకున్నాడు. అతడికి జస్ప్రీత్ బుమ్రా, ముకేష్ కుమార్ మంచి సహకారం అందించారు. వీళ్లిద్దరూ చెరో రెండు వికెట్లు పడగొట్టారు. స్టబ్స్ (3), బర్గర్ (4)ను బుమ్రా వెనక్కి పంపాడు. కేశవ్ మహారాజ్ (3), రబాడ (5)ను ముకేష్ పెవిలియన్కు చేర్చాడు. దీంతో ఆ టీమ్ 55 రన్స్కే ఆలౌట్ అయింది. ఫస్ట్ ఇన్నింగ్స్లో సౌతాఫ్రికా టాపార్డర్ బ్యాటర్ల స్కోర్లు ఇలా ఉన్నాయి.. 2, 4, 2, 3, 0, 3. ఇది మొబైల్ నంబర్ను తలపించింది. దీన్ని బట్టే ఆ టీమ్ సిచ్యువేషన్ ఎలా ఉందో అర్థం చేసుకోవచ్చు. పిచ్ నుంచి బౌలర్లకు సపోర్ట్ దొరుకుతుందని తెలిసినా ఆ జట్టు సారథి ఎల్గర్ తీసుకున్న డెసిజన్ రాంగ్ అని నెటిజన్స్ అంటున్నారు. అదే టైమ్లో సిరాజ్తో పాటు మిగిలిన భారత బౌలర్లు బౌలింగ్ చేసిన విధానాన్ని మెచ్చుకుంటున్నారు. సిరాజ్ మ్యాజికల్ స్పెల్ అద్భుతమని ప్రశంసిస్తున్నారు. మరి.. కేప్టౌన్ టెస్ట్లో భారత బౌలర్ల బౌలింగ్పై మీరేం అనుకుంటున్నారో కామెంట్ చేయండి.
ఇదీ చదవండి: IND vs SA: వీడియో: రోహిత్ మాస్టర్ ప్లాన్.. చిచ్చర పిడుగును బుట్టలో భలే పడేశాడు!
MOHAMMED SIRAJ NATION…!!! pic.twitter.com/mzVLCafGeH
— Mufaddal Vohra (@mufaddal_vohra) January 3, 2024