Shivam Dube: ఆయన నాకు స్ఫూర్తి! టీమిండియాను గెలిపించిన దూబె ఇంట్రెస్టింగ్‌ స్టేట్‌మెంట్‌..

టీమ్​లో అతడు అవసరమా? అన్నారు. అతడ్ని తీసేసి ఇతర యంగ్​స్టర్స్​కు ఛాన్స్ ఇవ్వాలని చెప్పారు. కానీ ఇప్పుడు అతడే పనికొచ్చాడు. సింగిల్ హ్యాండ్​తో టీమిండియాకు విక్టరీని అందించాడు. అతడే ఆల్​రౌండర్ శివమ్ దూబె. మొహాలీ వేదికగా గురువారం రాత్రి ఆఫ్ఘానిస్థాన్​తో జరిగిన మ్యాచ్​లో దూబె అద్భుతంగా ఆడాడు. అటు బంతితో రాణించడమే గాక ఇటు బ్యాట్​తోనూ రఫ్ఫాడించాడు. ఆఫ్ఘాన్ ఇన్నింగ్స్​లో కీలక టైమ్​లో కెప్టెన్ ఇబ్రహీం జాద్రాన్​ను వెనక్కి పంపాడు దూబె. రెండు ఓవర్లు వేసి 9 పరుగులు ఇచ్చిన అతడు.. ఒక వికెట్ పడగొట్టాడు. ఆ తర్వాత బ్యాటింగ్​లో 40 బంతుల్లో 60 రన్స్ చేసి జట్టుకు విజయాన్ని అందించాడు. ఆఖరి వరకు క్రీజులో నిలబడి మ్యాచ్​ను ఫినిష్ చేసి టీమ్ మేనేజ్​మెంట్​ తన మీద పెట్టుకున్న నమ్మకాన్ని నిలబెట్టుకున్నాడు. అలాంటి దూబె తనకు ఒక లెజెండరీ ప్లేయర్ స్ఫూర్తి అన్నాడు.

ఫస్ట్ టీ20 అనంతరం మాజీ ప్లేయర్, కామెంటేటర్ సురేష్ రైనాతో కాసేపు ముచ్చటించాడు దూబె. ఈ సందర్భంగా తన క్రికెటింగ్ జర్నీ గురించి ఇంట్రెస్టింగ్ కామెంట్స్ చేశాడు. లెజెండరీ క్రికెటర్ మహేంద్ర సింగ్ ధోని తనకు ఇన్​స్పిరేషన్ అన్నాడు. ‘ఈ మ్యాచ్​లో ఆడే అవకాశం రావడం సంతోషంగా ఉంది. ఈ ఛాన్స్​ను ఎట్టి పరిస్థితుల్లోనూ వదులుకోకూడదని ఫిక్స్ అయ్యా. బ్యాటింగ్​కు వచ్చినప్పుడు మ్యాచ్​ను ఫినిష్ చేయాలని డిసైడ్ అయ్యా. మ్యాచులు ఎలా ముగించాలో మాహీ భాయ్ (ఎంఎస్ ధోని) నుంచి నేను నేర్చుకున్నా. అనుకున్నట్లే మ్యాచ్​ను ఫినిష్​ చేశా. మాహీ భాయ్​తో నేను తరచూ మాట్లాడుతూ ఉంటా. ఆయనో పెద్ద లెజెండ్. ఆయన నుంచి చాలా విషయాలు నేర్చుకున్నా. నేనెలా ఆడుతున్నానో ఎప్పటికప్పుడు చెబుతుంటారు. ఆయన మెచ్చుకోవడం వల్లే నేను మరింత బాగా పెర్ఫార్మ్ చేస్తున్నా. దీని వల్లే నా కాన్ఫిడెన్స్​ పెరిగింది’ అని దూబె చెప్పుకొచ్చాడు. తనను నడిపిస్తోంది ధోనీనే అని పేర్కొన్నాడు.

ఈ మధ్య కాలంలో బౌలింగ్ మీద తాను ఎక్కువగా ఫోకస్ చేశానని దూబె తెలిపాడు. దాని రిజల్ట్ ఈ మ్యాచ్​లో కనిపించిందన్నాడు. ఇది ఓవర్​నైట్​ వచ్చింది కాదన్నాడు. అందుకోసం చాలా కష్టపడ్డానని చెప్పాడు. ఇక దూబేతో చిట్​చాట్ సందర్భంగా సురేష్ రైనా కూడా ఇంట్రెస్టింగ్ కామెంట్స్ చేశాడు. ఇవాళ దూబె బాగా బౌలింగ్ చేశాడని.. ఈ పెర్ఫార్మెన్స్​ను గనుక ధోని చూస్తే ఐపీఎల్​లో అతడికి మూడు ఓవర్లు ఇవ్వడం పక్కా అని చెప్పాడు. ఇక, బౌలింగ్​తో పాటు బ్యాటింగ్​లోనూ అద్భుత ఇన్నింగ్స్​తో అలరించిన దూబేకు మ్యాన్ ఆఫ్ ది మ్యాచ్ అవార్డు లభించింది. దీంతో టీమిండియా ఫ్యాన్స్ అతడ్ని ప్రశంసల్లో ముంచెత్తుతున్నారు. ఇంత టాలెంట్ ఉన్నోడ్ని ఇన్నాళ్లూ ఎందుకు పక్కన పెట్టారని ప్రశ్నిస్తున్నారు. దూబేను టీ20 వరల్డ్ కప్​లోనూ ఆడించాలని కోరుతున్నారు. మరి.. ధోనీనే తనకు స్ఫూర్తి అంటూ దూబె చేసిన వ్యాఖ్యలపై మీరేం అనుకుంటున్నారో కామెంట్ చేయండి.

ఇదీ చదవండి: గిల్‌ తనను రనౌట్‌ చేయడంపై స్పందించిన రోహిత్‌! ఏమన్నాడో చూడండి..

Shivam Dube said, “I learned it from MS Dhoni, I wanted to finish the match well. I always keep talking to Mahi bhai. He’s such a big legend. I always keep learning from him. He always rates me and that gives me motivation to keep playing well”. pic.twitter.com/BXV2G9RD5j

— Mufaddal Vohra (@mufaddal_vohra) January 12, 2024