IND vs AFG: టీమ్‌లోకి తీసుకోవడమే దండగ అన్నారు! అతనే గెలిపించాడు!

ఆఫ్ఘానిస్థాన్​తో జరిగిన తొలి టీ20లో భారత్ విక్టరీ కొట్టింది. ఈ విజయంతో మూడు టీ20ల సిరీస్​లో 1-0తో ఆధిక్యంలోకి దూసుకెళ్లింది. గురువారం మొహాలీ వేదికగా జరిగిన ఈ మ్యాచ్​లో టాస్ నెగ్గిన టీమిండియా కెప్టెన్ రోహిత్ శర్మ ప్రత్యర్థి జట్టును బ్యాటింగ్​కు ఆహ్వానించాడు. భారత బౌలర్లు కట్టుదిట్టంగా బౌలింగ్ చేయండంతో ఆఫ్ఘాన్ 20 ఓవర్లలో 5 వికెట్లకు 158 పరుగులు మాత్రమే చేయగలిగింది. బ్యాటింగ్ ఫ్రెండ్లీ వికెట్​పై మోస్తరు టార్గెట్​ను ఛేజ్ చేసేందుకు దిగిన భారత్​కు మొదట్లోనే రోహిత్ శర్మ (0) రూపంలో భారీ షాక్ తగిలింది. అయితే కెప్టెన్ గోల్డెన్​ డక్​గా వెనుదిరిగినా మిగిలిన యంగ్​స్టర్స్ అందరూ బాగా ఆడటంతో టీమిండియా సిరీస్​లో శుభారంభం చేసింది. అయితే ఈ విజయంలో ఎక్కువ క్రెడిట్ ఒక ప్లేయర్​కు ఇవ్వాలి. టీమ్​లోకి తీసుకోవడం దండగ అనుకున్న ఆ ఆటగాడే సింగిల్ హ్యాండ్​తో భారత్​ను గెలిపించాడు. అతడే బ్యాటింగ్ ఆల్​రౌండర్ శివమ్ దూబె.

భారత్-ఆఫ్ఘాన్ మధ్య జరిగిన ఫస్ట్ టీ20లో మ్యాన్ ఆఫ్ ది మ్యాచ్​ గెలుచుకొని హీరోగా నిలిచాడు శివమ్ దూబె. మొదట బంతితో రాణించిన ఈ ఆల్​రౌండర్.. ఆ తర్వాత బ్యాట్​తోనూ దుమ్మురేపాడు. రాకరాక వచ్చిన అవకాశాన్ని రెండు చేతులా ఒడిసిపట్టుకున్న దూబె అదరగొట్టాడు. ఆఫ్ఘాన్ ఇన్నింగ్స్​ సమయంలో ఇబ్రహీం జాద్రాన్ (25) వికెట్ తీశాడు. మంచి స్టార్ట్ అందుకున్న జాద్రాన్ భారీ స్కోరు చేసేలాగే కనిపించాడు. ఈ టైమ్​లో దూబె అతడ్ని వెనక్కి పంపాడు. 2 ఓవర్లు వేసిన అతడు.. కేవలం 9 పరుగులే మాత్రమే ఇచ్చి ఒక వికెట్ పడగొట్టాడు. ఆ తర్వాత భారత ఇన్నింగ్స్​ సమయంలో బ్యాట్​తో చెలరేగిపోయాడు దూబె. గిల్ ఔట్ అయ్యాక క్రీజులోకి వచ్చిన అతడు ఆఖరి వరకు నిలబడి మ్యాచ్​ను ఫినిష్ చేశాడు. సింగిల్స్, డబుల్స్ తీస్తూనే చెత్త బంతులకు భారీ షాట్లు బాదాడు. చివర్లో నవీనుల్ హక్ బౌలింగ్​లో వరుసగా ఒక సిక్స్, ఫోర్ కొట్టి మ్యాచ్​ను ఫినిష్ చేశాడు. తిలక్ వర్మ (26), జితేష్ శర్మ (31), రింకూ సింగ్ (16)తో కలసి మంచి భాగస్వామ్యాలు నెలకొల్పాడు. తిలక్, జితేష్ ఔటైనా దూబె సంయమనం కోల్పోలేదు.

మ్యాచ్​ పూర్తయ్యే వరకు క్రీజులో ఉండాలనే పట్టుదల దూబేలో కనిపించింది. అనవసర షాట్లకు పోకుండా బాల్ మెరిట్​ను బట్టి ఆడాడు. మంచి బంతుల్ని గౌరవిస్తూనే, చెత్త బంతులకు షాట్స్ కొట్టాడు. బౌలింగ్​లోనూ కీలక బ్రేక్ త్రూతో ఆకట్టుకున్నాడు. అయితే ఈ మధ్య కాలంలో దూబేను పూర్తిగా బెంచ్​కే పరిమితం చేశారు. వన్డే వరల్డ్ కప్ తర్వాత జరిగిన ఆస్ట్రేలియా టీ20 సిరీస్, సౌతాఫ్రికా టూర్​లోనూ ఈ ఆల్​రౌండర్​కు అవకాశాలు ఇవ్వలేదు. దీంతో దూబె కెరీర్​తో ఆడుకుంటున్నారనే విమర్శలు వచ్చాయి. అయితే టీమ్ మేనేజ్​మెంట్ మొత్తానికి అవకాశం ఇవ్వడంతో చెలరేగి ఆడాడు. తన విలువ ఏంటో చూపించాడు దూబె. బ్యాట్​తో పాటు బాల్​తోనూ రాణించి టీ20 వరల్డ్ కప్​లో తనను తీసుకోవాల్సిందేనని సెలక్టర్లకూ హెచ్చరికలు పంపాడు. టీమ్​లో అవసరమా? ఇతడ్ని తీసేయండి.. వేస్ట్ అంటూ విమర్శించిన వారికి ఒక్క మ్యాచ్​తో గట్టిగా బదులిచ్చాడు. దూబె ఆటతీరుపై నెట్టింట ఫ్యాన్స్ హర్షం వ్యక్తం చేస్తున్నారు. ఇంత మంచి ప్లేయర్​ను ఇన్నాళ్లూ ఎందుకు బెంచ్ మీద కూర్చోబెట్టారని క్వశ్చన్ చేస్తున్నారు. మరి.. ఫస్ట్ టీ20లో దూబె పెర్ఫార్మెన్స్ మీకెలా అనిపించిందో కామెంట్ చేయండి.

ఇదీ చదవండి: ఆఫ్ఘనిస్థాన్‌తో తొలి టీ20.. కొత్త చరిత్ర లిఖించిన రోహిత్‌ శర్మ!

Shivam Dube, The Star. 🇮🇳

– Dube won the Player of the match in his return match for India. pic.twitter.com/0IVsaGXxbC

— Johns. (@CricCrazyJohns) January 11, 2024