ఒక క్రికెట్ మ్యాచ్ను రికార్డు చేయడానికి ఎన్ని కెమెరాలు వాడతారో మీకు తెలుసా? క్రికెట్ మ్యాచ్ లైవ్ టెలికాస్ట్ ఇవ్వడం వెనుక ఎన్ని కెమెరాలు పనిచేస్తాయో ఇప్పుడు తెలుసుకుందాం..
ఒక క్రికెట్ మ్యాచ్ను రికార్డు చేయడానికి ఎన్ని కెమెరాలు వాడతారో మీకు తెలుసా? క్రికెట్ మ్యాచ్ లైవ్ టెలికాస్ట్ ఇవ్వడం వెనుక ఎన్ని కెమెరాలు పనిచేస్తాయో ఇప్పుడు తెలుసుకుందాం..
క్రికెట్ను ఆదరించే దేశాల్లో భారత్ అందరికంటే ముందంజలో ఉంటుంది. జెంటిల్మన్ గేమ్కు గుండె చప్పుడు ఇండియా అనడంలో ఎలాంటి సందేహం లేదు. మన దేశ ప్రజల జీవితాల్లో ఈ గేమ్ అంతర్భాగంగా మారింది. గల్లీ నుంచి ఢిల్లీ దాకా ప్రతి ఒక్కరు తమ స్కూల్ లేదా కాలేజ్ లైఫ్లో బ్యాట్ పట్టి షాట్ కొట్టిన వారే అయి ఉంటారు. క్రికెట్ బాల్తో దాదాపుగా అందరికీ రిలేషన్ ఉంటుంది. క్రికెట్ మన దేశంలో ఎందుకంత ఫేమసో చెప్పేందుకు రీసెంట్గా జరిగిన వన్డే వరల్డ్ కప్-2023ని బిగ్ ఎగ్జాంపుల్గా చెప్పొచ్చు. మెగా టోర్నీకి ఆడియెన్స్ నుంచి ఊహించని రీతిలో రెస్పాన్స్ లభించింది. క్రికెట్ హిస్టరీలోనే అత్యధిక మంది ప్రేక్షకులు స్టేడియాల్లో వీక్షించిన వరల్డ్ కప్గా ఇది రికార్డు నమోదు చేయడం విశేషం.
45 రోజుల పాటు సాగిన వరల్డ్ కప్ క్రికెట్ లవర్స్ను ఎంతగానో అలరించింది. లీగ్ స్టేజ్ నుంచి ఫైనల్స్ వరకు ఎన్నో ఉత్కంఠ రేపే మ్యాచ్లు, సీట్ ఎడ్జ్ థ్రిల్లర్స్తో ఆడియెన్స్ను ఉక్కిరిబిక్కిరి చేసింది. మెగా టోర్నీలో ప్రతి మ్యాచ్ చూసేందుకు ప్రేక్షకులు భారీగా తరలివచ్చారు. ముఖ్యంగా టీమిండియా ఆడిన మ్యాచులకైతే స్టేడియాలు నిండిపోయాయి. వరల్డ్ కప్ జరిగింది భారత్లో కాబట్టి ఈ సిచ్యువేషన్ ఉంది. వేరే దేశాల్లోనూ జరిగితే పరిస్థితి ఇలాగే ఉంటుందని చెప్పలేం. అందుకే క్రికెట్కు భారత్ చాలా కీలకమని అంటుంటారు. ఇక, జెంటిల్మన్ గేమ్ అంటే పడిచచ్చే వాళ్లు మన దేశంలో చాలా మందే ఉన్నారు.
క్రికెట్కు సంబంధించిన అంశాలను తెలుసుకోవాలనే ఉత్సాహం చాలా మందిలో ఉంటుంది. టీమ్స్, ప్లేయర్స్కు సంబంధించిన ప్రతి విషయం తెలుసుకోవాలనే కుతూహలం క్రికెట్ లవర్స్కు ఎక్కువగా ఉంటుంది. అందుకే టీమ్ సెలక్షన్, మ్యాచ్ ప్రాక్టీస్ దగ్గర నుంచి మ్యాచులు, రిజల్ట్స్, అవార్డ్స్ వరకు క్రికెట్తో ముడిపడిన ప్రతి విషయంపై ఆసక్తి చూపిస్తుంటారు. అలాంటి వారికో ప్రశ్న. జెంటిల్మన్ గేమ్లో ఎన్ని కెమెరాలు వాడతారో మీకు తెలుసా? గేమ్ను ఫాలో అయ్యే చాలా మంది మైండ్లో ఈ క్వశ్చన్ వచ్చే ఉంటుంది. అలాంటి వారు ఇది తెలుసుకోవాల్సిందే.
క్రికెట్లో ఒకప్పుడు కొన్ని కెమెరాలు మాత్రమే వాడేవారు. అయితే ఈ మధ్య టెక్నాలజీ వినియోగం బాగా పెరగడంతో వినియోగించే కెమెరాల సంఖ్య కూడా బాగా పెరిగింది. ఒక క్రికెట్ మ్యాచ్ను రికార్డు చేయడానికి, లైవ్గా టెలికాస్ట్ చేయడానికి 29 కెమెరాలను వాడతారట. ఇందులో 19 నుంచి 20 కెమెరాలు మ్యాన్యువల్గా ఉంటాయట. ఇవి మనుషులు దగ్గర ఉండి ఆపరేట్ చేస్తేనే పనిచేస్తాయట. సో, వీటి వాడకానికి మనుషులు కంపల్సరీ అన్నమాట. మిగిలిన 9 కెమెరాలకు మనుషులు అవసరం ఉండదట. అంటే వీటిని మనుషులు ఆపరేట్ చేస్తారు. కానీ ఈ కెమెరాల వెంట ఎవరూ తిరగాల్సిన అవసరం ఉండదు.
మ్యాన్యువల్ కాని కెమెరాలను ఒక చోట నుంచి రిమోట్ లేదా ఇతర టెక్నాలజీ సాయంతో ఆపరేట్ చేయొచ్చట. అలాంటి కెమెరాల్లో స్పైడర్ కెమెరా, బగ్గీ కెమెరా, హ్యాట్ కెమెరా, స్టంప్ కెమెరా, బ్యాట్స్మన్ కెమెరా, డ్రోన్ కెమెరాలు వస్తాయి. ఇందులో స్పైడర్ కెమెరా టాప్ యాంగిల్స్ను, బాల్తో పాటు ఫాస్ట్గా మూమెంట్స్ ఇవ్వగలదట. ఇక, బగ్గీ కెమెరాను బౌండరీల దగ్గర రికార్డింగ్ కోసం వినియోగిస్తారు. మంచి వ్యూ కోసం బ్యాట్స్మన్ పెట్టుకునే హెల్మెట్లలో హ్యాట్ కెమెరాను అమర్చుతారు. స్టంప్ కెమెరా గురించి తెలిసిందే. డ్రోన్ కెమెరాను మనం మ్యాచుల్లో రెగ్యులర్గా చూస్తూనే ఉంటాం. మరి.. క్రికెట్లో మీకు ఇష్టమైన కెమెరా ఏంటో కామెంట్ల రూపంలో తెలియజేయండి.
ఇదీ చదవండి: టీ20 క్రికెట్కు రోహిత్ దూరం.. ఇక టీమ్ ఫ్యూచర్ అతడి చేతుల్లోనే..!
View this post on Instagram
