వరల్డ్ కప్లో భారత పేసర్ మహ్మద్ సిరాజ్ బాగా బౌలింగ్ చేస్తున్నాడు. అంతగా వికెట్లు తీయకున్నా స్టార్టింగ్లో అద్భుతమైన స్పెల్స్ వేస్తూ ప్రత్యర్థులను భయపెడుతున్నాడు. అలాంటి సిరాజ్ మియా ఓ అరుదైన ఘనత సాధించాడు.
వరల్డ్ కప్లో భారత పేసర్ మహ్మద్ సిరాజ్ బాగా బౌలింగ్ చేస్తున్నాడు. అంతగా వికెట్లు తీయకున్నా స్టార్టింగ్లో అద్భుతమైన స్పెల్స్ వేస్తూ ప్రత్యర్థులను భయపెడుతున్నాడు. అలాంటి సిరాజ్ మియా ఓ అరుదైన ఘనత సాధించాడు.
వన్డే వరల్డ్ కప్-2023లో టీమిండియా జోరును అడ్డుకోవడం ఎవరి వల్లా కావడం లేదు. ఎదురొచ్చిన ప్రతి టీమ్ను చిత్తు చిత్తుగా ఓడిస్తూ పాయింట్స్ టేబుల్లో టాప్ ప్లేస్లో కూర్చుంది భారత్. ఆఫ్ఘానిస్థాన్, బంగ్లాదేశ్ లాంటి చిన్న జట్లతోపాటు ఆస్ట్రేలియా, న్యూజిలాండ్, పాకిస్థాన్ లాంటి ఫేవరెట్స్ కూడా రోహిత్ సేనను ఆపలేకపోయాయి. ఇంకో మ్యాచ్ గెలిస్తే ఈ ప్రపంచ కప్లో సెమీస్ చేరిన తొలి టీమ్గా భారత్ నిలుస్తుంది. ఈ నేపథ్యంలో నెక్స్ట్ ఇంగ్లండ్తో జరిగే మ్యాచ్లో కీలకంగా మారనుంది. మన టీమ్ ఇంత పవర్ఫుల్గా మారడానికి ఆల్రౌండ్ పెర్ఫార్మెన్సే ప్రధాన కారణంగా చెప్పొచ్చు.
ఈ వరల్డ్ కప్లో ఇప్పటిదాకా ఆడిన ఐదు మ్యాచుల్లోనూ బ్యాటింగ్, బౌలింగ్, ఫీల్డింగ్లో టీమిండియా అదరగొట్టింది. భారత్ బలం బ్యాటింగ్ అనేది తెలిసిందే. అయితే ఇప్పుడు బౌలర్లు మన టీమ్ సక్సెస్లో కీలక పాత్ర పోషిస్తున్నారు. అద్భుతమైన బౌలింగ్తో ప్రత్యర్థులను కట్టడి చేస్తున్నారు. దీంతో రోహిత్ అండ్ కోకు ఛేజ్ చేయడం మరింత ఈజీ అవుతోంది. పేసర్లు బుమ్రా, సిరాజ్, షమీతో పాటు స్పిన్నర్లు జడేజా, కుల్దీప్ ప్రత్యర్థి బ్యాటర్లను ముప్పుతిప్పలు పెడుతున్నారు. ఇదే ఊపును ఇంగ్లండ్తో జరిగే మ్యాచ్లోనూ కొనసాగిస్తే రోహిత్ సేనకు తిరుగుండదు. ఇక, ఐసీసీ ర్యాంకింగ్స్లో భారత క్రికెటర్ల హవా నడుస్తోంది. ఐసీసీ ర్యాంకింగ్స్లో అటు బ్యాటర్లతో పాటు ఇటు బౌలర్లు కూడా సత్తా చాటుతున్నారు. తాజా ర్యాంకింగ్స్ ప్రకారం.. వన్డేల్లో బ్యాటర్ల లిస్టులో టీమిండియా ఓపెనర్ శుబ్మన్ గిల్ (823 పాయింట్లు) రెండో స్థానానికి చేరాడు.
వన్డే బ్యాటర్ల ర్యాంకింగ్స్లో టీమిండియా స్టార్ విరాట్ కోహ్లీ (747) ఆరో ప్లేసులో ఉన్నాడు. బౌలర్ల జాబితాలో హైదరాబాదీ పేసర్ మహ్మద్ సిరాజ్ (668) రెండో స్థానంలో నిలిచాడు. బౌలర్ల ర్యాంకింగ్స్లో ఆస్ట్రేలియా స్పీడ్స్టర్ జోష్ హేజల్వుడ్ (670) టాప్లో ఉన్నాడు. సిరాజ్కు హేజల్వుడ్కు మధ్య ఉన్న తేడా 2 పాయింట్లు మాత్రమే. వరల్డ్ కప్లో నెక్స్ట్ జరిగే మ్యాచుల్లో మరింత రాణిస్తే సిరాజ్ ఫస్ట్ ప్లేస్కు చేరుకునే ఛాన్స్ ఉంది. టీమిండియాకు బ్యాటర్లే బలం అనుకుంటారు. కానీ బుమ్రా, సిరాజ్ లాంటి వాళ్లు బౌలింగ్లోనూ భారత్కు ఎవరూ సాటిలేరని నిరూపిస్తున్నారు. ర్యాంకింగ్స్లో సిరాజ్ అరుదైన ఘనత గురించి తెలిసిన ఫ్యాన్స్ అతడ్ని మెచ్చుకుంటున్నారు. సిరాజ్ మియా డామినేషన్ మామూలుగా లేదని నెట్టింట కామెంట్స్ చేస్తున్నారు. మరి.. సిరాజ్ పెర్ఫార్మెన్స్పై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: ఇంగ్లండ్తో మ్యాచ్కు ముందు గిల్ వార్నింగ్.. బయటకు తీస్తానంటూ..!
Mohammad Siraj moves to No.2 position in the ICC ODI bowling rankings.
– Miyan Magic is coming for No.1 in the World again…!!!! pic.twitter.com/JkXuNXFRsR
— CricketMAN2 (@ImTanujSingh) October 25, 2023
