Nidhan
ఒకే ఒక్క నిర్ణయం ముంబై ఇండియన్స కొంపముంచేలా కనిపిస్తోంది. కెప్టెన్సీ మార్పు అంశం ఈ పాపులర్ ఫ్రాంచైజీకి తలనొప్పిగా మారింది. అటు అభిమానులతో పాటు ఇటు సొంత ఆటగాళ్ల నుంచి విమర్శలు వ్యక్తం అవుతుండటంతో ఎంఐకి ఏమీ తోచడం లేదు.
ఒకే ఒక్క నిర్ణయం ముంబై ఇండియన్స కొంపముంచేలా కనిపిస్తోంది. కెప్టెన్సీ మార్పు అంశం ఈ పాపులర్ ఫ్రాంచైజీకి తలనొప్పిగా మారింది. అటు అభిమానులతో పాటు ఇటు సొంత ఆటగాళ్ల నుంచి విమర్శలు వ్యక్తం అవుతుండటంతో ఎంఐకి ఏమీ తోచడం లేదు.
Nidhan
ఫ్రాంచైజీ క్రికెట్లో ఎప్పుడు ఏం జరుగుతుందో ఎవరూ చెప్పలేం. ఎందుకంటే అక్కడ టీమ్కు ఏది అవసరమైతే దాని కోసం ఎక్కువ ఆలోచించకుండా క్విక్ డెసిజన్స్ తీసుకుంటారు. క్లబ్, ఫ్రాంచైజీ క్రికెట్లో లాయల్టీ అనే పదానికి ఆస్కారం ఉండదు. ప్లేయర్లకు ఫ్యాన్స్ నమ్మకంగా ఉంటారు. కానీ ఆటగాళ్లు, ఫ్రాంచైజీల మధ్య లాయల్టీకి పెద్దగా ఇంపార్టెన్స్ ఉండదు. అందుకే ప్లేయర్లు తరచూ టీమ్స్ మారడం చూస్తూనే ఉంటాం. అయితే లాయల్టీ గేమ్లో స్టార్ ఆటగాళ్లతో ఫ్రాంచైజీలు సరిగా వ్యవహరించకపోతే ఫ్యాన్స్ తట్టుకోలేరు. ముంబై ఇండియన్స్ సరిగ్గా దీన్నే ఫేజ్ చేస్తోంది. రోహిత్ శర్మను తీసేసి హార్దిక్ పాండ్యాను కెప్టెన్ చేయడంతో ఆ ఫ్రాంచైజీపై పెద్ద ఎత్తున విమర్శలు వస్తున్నాయి. సూర్యకుమార్ యాదవ్, జస్ప్రీత్ బుమ్రా నుంచీ అసంతృప్తిని ఎదుర్కోవాల్సి రావడం ముంబైకి ఇబ్బందిగా మారింది. ఈ నేపథ్యంలో ముంబైని బుమ్రా వీడనున్నాడనే వార్తలు హల్చల్ చేస్తున్నాయి.
రోహిత్ శర్మ విషయంలో ముంబై ఇండియన్స్ వ్యవహరించిన తీరు మీద బుమ్రా సీరియస్గా ఉన్నట్లు తెలుస్తోంది. హిట్మ్యాన్ను అర్ధాంతరంగా కెప్టెన్సీ నుంచి తీసేసి హార్దిక్ పాండ్యాకు సారథ్య బాధ్యతలు అప్పగించిన నేపథ్యంలో బుమ్రా ఇన్స్టాగ్రామ్లో ఓ షాకింగ్ పోస్ట్ పెట్టాడు. నిశ్శబ్దమే అన్నింటికీ జవాబు ఇస్తుందంటూ ఇన్స్టా పోస్ట్లో రాసుకొచ్చాడు పేసు గుర్రం. కొన్నిసార్లు నమ్మకంగా ఉండటం కంటే అత్యాశకు పోవడమే బెటర్ అంటూ మరో పోస్ట్ పెట్టాడు. రోహిత్ విషయంలో ఎంఐ తీరుపై తాను అసంతృప్తిగా ఉన్నట్లు ఈ పోస్టుతో బుమ్రా పరోక్షంగా చెప్పకనే చెప్పాడు. ఇదే కాదు.. ఇటీవల హార్దిక్ పాండ్యాను ప్లేయర్ల రిటెన్షన్ టైమ్లో ముంబై దక్కించుకున్నప్పుడు కూడా బుమ్రా ఓ ఇంట్రెస్టింగ్ పోస్ట్ పెట్టాడు. అలాగే ఇన్స్టాలో ముంబై అకౌంట్ను అన్ఫాలో చేశాడు. దీంతో అతడు ఎంఐను వీడటం ఖాయమని వార్తలు వచ్చాయి. ఇప్పుడు మరోమారు షాకింగ్ పోస్ట్ చేయడంతో అది కన్ఫర్మ్ అంటూ న్యూస్ వస్తోంది. పదేళ్ల పాటు కెప్టెన్గా సేవలు అందించి, ఇన్ని ట్రోఫీలు గెలిపించిన రోహిత్ను అవమానించడం బుమ్రాకు నచ్చలేదని తెలుస్తోంది.
ఇతర ఫ్రాంచైజీలతో బుమ్రా చర్చలు కూడా జరుపుతున్నాడని సోషల్ మీడియాలో రూమర్స్ వస్తున్నాయి. ఇదే అదనుగా కొన్ని ఫ్రాంచైజీలు అతడితో టచ్లోకి వెళ్లాయని కూడా క్రికెట్ వర్గాల్లో జోరుగా వినిపిస్తోంది. త్వరలో ముంబైకి అతడు గుడ్ బై చెప్పడం ఖాయమని టాక్. ఇందులో ఎంత నిజం ఉందో తెలియదు గానీ ఒకవేళ బుమ్రా వెళ్లిపోతే మాత్రం ముంబైకు పెద్ద ఎదురుదెబ్బేనని చెప్పాలి. బుమ్రాతో పాటు సూర్యకుమార్ కూడా టీమ్ను వీడతాడంటూ నెట్టింట రూమర్స్ వినిపిస్తున్నాయి. దీంతో ముంబై ఇండియన్స్లో అసలు ఏం జరుగుతోంది? హార్దిక్ కోసం పట్టుదలకు పోయి ఫ్రాంచైజీ తప్పు చేసిందా? అనే క్వశ్చన్స్ వస్తున్నాయి. కెప్టెన్సీ రేసులో ఉన్న బుమ్రా, సూర్య లాంటి సీనియర్లను కూర్చోబెట్టి విషయాన్ని వివరించాల్సిందని ఎక్స్పర్ట్స్ అంటున్నారు. రోహిత్ను కూడా గౌరవప్రదంగా బాధ్యతల నుంచి తొలగించాల్సిందని చెబుతున్నారు. ప్రస్తుతం జరుగుతున్న పరిణామాలు ముంబై బ్రాండ్ ఇమేజ్ను దెబ్బతీస్తున్నాయని కామెంట్స్ చేస్తున్నారు. మరి.. ముంబైని వదిలి బుమ్రా బయటకు వెళ్లిపోతాడంటూ వస్తున్న వార్తలపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: Rohit Sharma: ముంబై ఇండియన్స్ కి రోహిత్ గుడ్ బై! ఇంత రచ్చ జరుగుతుందా?
Jasprit Bumrah’s Instagram story pic.twitter.com/n7RmqQ0KOE
— CricketMAN2 (@lmtanujsingh) December 16, 2023
Bumrah – Silence
Surya – 💔Kya hora hey bhai? @mipaltan @Jaspritbumrah93 @surya_14kumar pic.twitter.com/XDA1dS0h1I
— Nidhan Singh Pawar (@NidhanPawar) December 16, 2023
