విషాదం: అనారోగ్యంతో మాజీ ఎమ్మెల్యే మృతి!

ఏపీలో విషాదం చోటు చేసుకుంది. వినాయక చవితి పండగ రోజు మాజీ ఎమ్మెల్యే కాకర నూకరాజు అనారోగ్యంతో సోమవారం తెల్లవారు జామున మృతి చెందారు. ఈ విషయం తెలుసుకున్న ఆయన బంధువులు, అభిమానులు శోక సంద్రంలో మునిగిపోయారు. అసలేం జరిగిందంటే? మాజీ ఎమ్మెల్యే కాకర నూకరాజు ఇటీవల తీవ్ర అస్వస్థతకు గురైనట్లు తెలుస్తుంది. దీంతో ఆయన కుటుంబ సభ్యులు వెంటనే అప్రమత్తమై విశాఖలోని ఆ ఆస్పత్రికి తరలించారు. ఇక పరిస్థితి విషమించడంతో ఆయన సోమవారం తెల్లవారుజామున చికిత్స పొందుతూ ప్రాణాలు కోల్పోయారు. ఇదే విషయాన్ని ఆయన కుటుంబ సభ్యులు తెలియజేశారు.

అనకాపల్లి జిల్లా ఎస్.రాయవరం మండలం చినగుమ్మలూరుకు చెందిన కాకర నూకరాజు రాజకీయాల్లో తనకంటూ ఓ ప్రత్యేక గుర్తింపును సంపాదించుకున్నారు. పాయకరావుపేట నుంచి 1985,1989,1994లో టీడీపీ నుంచి పోటీ చేసి వరుసగా మూడుసార్లు ఎమ్మెల్యేగా గెలిపొందారు. ఇక మాజీ ఎమ్మెల్యే కాకర నూకరాజు లేడన్న వార్త తెలియడంతో రాజకీయ ప్రముఖులు, అభిమానులు శోకసంద్రంలో మునిగిపోయారు. ఆయన మృతిపై పలువురు రాజకీయ నేతలు స్పందించి ఆయన ఆత్మకు శాంతి చేకూరాలని ఆ భగవంతుడిని ప్రార్థిస్తున్నారు.

• ఇది కూడా చదవండి: పవన్‌కు పిచ్చి పరాకాష్టకు చేరింది.. ఆరోగ్య శ్రీ కింద వైద్యం చేయిస్తా : మంత్రి రోజా