బాదంపప్పు రోజూ తినడం వల్ల ఎన్ని లాభాలో తెలుసా??

ఈమధ్యకాలంలో తృణధాన్యాలు, నట్స్, డ్రై ఫ్రూట్స్ ని అందరూ ఆహారంలో భాగంగా తీసుకుంటున్నారు. దానికి కారణం పోషకవిలువలు ఉన్న ఆహారాన్ని అందరూ తినాలని అనుకుంటున్నారు. దీనివల్ల అనారోగ్యానికి దూరంగా ఉంటామని భావిస్తున్నారు. ఎక్కువమంది తీసుకునే డ్రై ఫ్రూట్, సులువుగా దొరికేది బాదంపప్పు. బాదంపప్పుని రోజూ తినడం వల్ల ఎన్ని లాభాలు ఉన్నాయో తెలుసా??

బాదంపప్పు పోషకవిలువలు, ఆరోగ్యకరమైన కొవ్వులు, విటమిన్లు, ఖనిజాలు కలిగి ఉంటాయి. అలాగే బాదం ఒమెగా౩, విటమిన్ E, ప్రోటీన్ పీచుతో నిండి ఉంటుంది. బాదంపప్పులో మెగ్నీషియం కూడా ఉంటుంది.

బరువు తగ్గడం, రక్తపోటుని అదుపులో ఉంచడం, గుండె ఆరోగ్యంగా ఉండటం, క్యాన్సర్ ముప్పు నుండి కాపాడడంలో బాదం ఎంతో మేలు చేస్తుంది. బాదంపప్పు రోజూ తీసుకోవడం వల్ల ఎముకలు బలపడతాయి. మధుమేహం కూడా అదుపులో ఉంటుంది. నానబెట్టిన బాదంపప్పు తినడం వల్ల జ్ఞాపకశక్తి పెరుగుతుంది. కడుపుతో ఉన్న మహిళలు నానబెట్టిన బాదం తినడం వల్ల బిడ్డ ఎదుగుదల బాగుంటుంది. నానబెట్టిన బాదం తినడం వలన జీర్ణక్రియను సులభతరం చేస్తుంది. కాబట్టి అందరూ కూడా బాదంపప్పు లేదా నానబెట్టిన బాదంపప్పు తినడం వల్ల ఆరోగ్యంగా ఉండొచ్చు.