Nidhan
భారత జట్టుకు నయా హెడ్ కోచ్గా గౌతం గంభీర్ రాక దాదాపుగా ఖాయమైంది. బీసీసీఐ ఇంకా అధికారికంగా ప్రకటించకపోయినా క్రికెట్ వర్గాలు అతడే కోచ్ అని అంటున్నాయి.
భారత జట్టుకు నయా హెడ్ కోచ్గా గౌతం గంభీర్ రాక దాదాపుగా ఖాయమైంది. బీసీసీఐ ఇంకా అధికారికంగా ప్రకటించకపోయినా క్రికెట్ వర్గాలు అతడే కోచ్ అని అంటున్నాయి.
Nidhan
టీమిండియా నయా హెడ్ కోచ్గా ఎవరు వస్తారనే అంశంపై భారత క్రికెట్ బోర్డు ఇంకా క్లారిటీ ఇవ్వలేదు. ప్రస్తుత కోచ్ రాహుల్ ద్రవిడ్ పొట్టి కప్పు తర్వాత ఆ బాధ్యతల నుంచి తప్పుకుంటున్నాడు. దీంతో కొత్త కోచ్ ఎంపిక ప్రక్రియను మొదలుపెట్టింది బోర్డు. కోచ్ పోస్ట్ మీద ఆసక్తి ఉన్నవారు అప్లై చేసుకోవాలంటూ ప్రకటన చేసింది. ఎవరెవరు దరఖాస్తు చేసుకున్నారనేది ఇంకా తెలియదు. కోచ్ రేసులో రికీ పాంటింగ్, జస్టిన్ లాంగర్, స్టీఫెన్ ఫ్లెమింగ్ లాంటి విదేశీ దిగ్గజాల పేర్లు బాగా వినిపించాయి. అయితే వీళ్లెవరూ కాదని.. టీమిండియా లెజెండ్ గౌతం గంభీర్ వైపే బోర్డు మొగ్గు చూపుతోందని తెలిసింది. కోచ్గా గౌతీ పేరు దాదాపుగా ఖాయమైందని.. జూన్ చివరి వారంలో దీనిపై అఫీషియల్ అనౌన్స్మెంట్ రానుందని క్రికెట్ వర్గాల సమాచారం.
గంభీర్కు ఇవాళ బీసీసీఐ ఇంటర్వ్యూ నిర్వహించనుందని వినికిడి. అయితే ఇంటర్వ్యూతో సంబంధం లేకుండా కోచ్గా అతడ్ని ఫిక్స్ చేశారని, ఇదంతా నామమాత్రపు ప్రక్రియ అని రూమర్స్ వస్తున్నాయి. ఈ తరుణంలోనే గంభీర్కు సంబంధించిన మరో వార్త నెట్టింట చక్కర్లు కొడుతోంది. దాని ప్రకారం.. ఇక మీదట టీమిండియాలో గౌతీ డామినేషన్ నడవనుందట. సాధారణంగా కొత్త కోచ్ నియామకం టైమ్లో అవసరమైతే తప్ప మిగతా స్టాఫ్ను మార్చరు. పదవీకాలం ముగిస్తే తప్ప అలాంటి డెసిషన్స్ తీసుకోరు. కానీ గంభీర్ రాకతో భారత క్రికెట్లో ప్రక్షాళన జరగనుందట. హెడ్ కోచ్ సహా మిగతా స్టాఫ్ మొత్తాన్ని మార్చేయనున్నారని సమాచారం. బ్యాటింగ్ కోచ్తో పాటు బౌలింగ్, ఫీల్డింగ్ కోచెస్, సపోర్ట్ స్టాఫ్ను ఎంచుకునే స్వేచ్ఛను గౌతీకి బోర్డు ఇచ్చిందని టాక్ నడుస్తోంది.
గంభీర్ రాకతో టీమిండియాలో నయా మేనేజ్మెంట్ కొలువుదీరనుందని తెలుస్తోంది. కోచింగ్ స్టాఫ్, సపోర్ట్ స్టాఫ్గా తనకు నచ్చిన వారిని గౌతీ సెలెక్ట్ చేస్తున్నాడని.. ఇంకా టీమ్లోకి రాకముందే అతడి పెత్తనం మొదలైందని క్రికెట్ వర్గాలు అంటున్నాయి. అందులో భాగంగానే ఐపీఎల్లో లక్నో సూపర్ జియాంట్స్ ఫ్రాంచైజీలో తనతో కలసి పనిచేసిన జాంటీ రోడ్స్ను భారత కొత్త ఫీల్డింగ్ కోచ్గా తీసుకోవాలని బీసీసీఐకి గౌతీ రిఫర్ చేశాడని చెబుతున్నారు. బోర్డు సెక్రెటరీ జైషా అండతో తనకు నచ్చిన వారిని మేనేజ్మెంట్లో ఉండేలా గంభీర్ చూసుకుంటున్నాడని వినిపిస్తోంది. ఇక మీదట జట్టులో గౌతీ డామినేషన్ షురూ అవనుందని, పొట్టి కప్పు తర్వాత భారత క్రికెట్లో మరిన్ని అనూహ్య మార్పులు తథ్యం అనే అభిప్రాయాలు వ్యక్తం అవుతున్నాయి. మరి.. టీమిండియా కోచ్గా బాధ్యతలు చేపట్టక ముందే గౌతీ హవా మొదలవడంపై మీ ఒపీనియన్ను కామెంట్ చేయండి.
