AUS vs WI: కరోనాతో బాధపడుతూనే గ్రౌండ్​లోకి దిగిన ఆసీస్ స్టార్.. ఏం గుండె బాస్!

కొవిడ్-19.. ఈ పేరు వింటేనే అందరూ భయపడతారు. ఈ మహమ్మారి వల్ల కొన్నాళ్ల పాటు ప్రపంచం స్తంభించిపోయిన సంగతి తెలిసిందే. లాక్​డౌన్​ల వల్ల ప్రజలు ఇళ్లకే పరిమితం అయ్యారు. కొవిడ్ ఎఫెక్ట్ క్రికెట్ మీద కూడా పడింది. చాలా సిరీస్​లు వాయిదా పడ్డాయి. జనజీవనం మళ్లీ సాధారణ స్థితికి చేరుకునే వరకు క్రికెట్​ ఆగిపోయింది. అయితే అంతా నార్మల్ అయిపోవడంతో మ్యాచులు జరుగుతున్నాయి. కానీ ఎప్పటికప్పుడు కొత్తరూపు సంతరించుకుంటూ సబ్​వేరియంట్ రూపంలో వేగంగా విస్తరిస్తోంది కరోనా. ఇప్పటికీ కొన్ని దేశాలను ఈ వైరస్ ఇబ్బంది పెడుతోంది. నాలుగు గోడల మధ్య ఉంటూ గ్రౌండ్స్​కు మాత్రమే పరిమితమయ్యే క్రికెటర్లను కూడా ఈ మహమ్మారి వదలడం లేదు. ఆస్ట్రేలయా జట్టులో హెడ్ కోచ్ ఆండ్రూ మెక్​డొనాల్డ్​తో పాటు స్టార్ ఆల్​రౌండర్ కామెరాన్ గ్రీన్​ ఇప్పుడు కొవిడ్​తో బాధపడుతున్నారు. అయితే కరోనాతో బాధపడుతూనే గ్రౌండ్​లోకి దిగాడు గ్రీన్.

సాధారణంగా ఆటగాళ్లు ఆరోగ్యం విషయంలో చాలా జాగ్రత్తలు తీసుకుంటారు. హెల్త్ బాగోకపోతే గ్రౌండ్​లోకి దిగరు. కీలక మ్యాచ్ ఉంటే తప్ప అనారోగ్యంతో బాధపడుతూ ఆడరు. కానీ ఆసీస్ ప్లేయర్ గ్రీన్ మాత్రం కరోనాతో ఇబ్బంది పడుతూనే వెస్టిండీస్​తో జరుగుతున్న పింక్ బాల్ టెస్ట్​లో బరిలోకి దిగాడు. మ్యాచ్ ఆరంభానికి ముందు ఆస్ట్రేలియా జాతీయ గీతం పాడే సమయంలో గ్రీన్ మిగతా ప్లేయర్లు అందరికీ దూరంగా నిలబడ్డాడు. మ్యాచ్​ జరుగుతున్నప్పుడు కూడా విండీస్ బ్యాటర్లు ఔటైన సమయంలో ఇతర టీమ్​మేట్స్​తో కలసి అతడు సెలబ్రేట్ చేసుకోలేదు. ఒక్కడే బౌండరీ రోప్ దగ్గర దూరంగా ఉండిపోయాడు. అయితే ఇతరులను ముట్టుకోకున్నా అతడు 3 ఓవర్లు బౌలింగ్ చేయడం విశేషం. మూడు ఓవర్లు వేసి 3 పరుగులు మాత్రమే ఇచ్చిన గ్రీన్.. ఒక మెయిడిన్ వేశాడు.

కామెరాన్ గ్రీన్ కరోనాతో బాధపడుతూ గ్రౌండ్​లోకి దిగడం, బౌలింగ్ కూడా వేయడం మీద సోషల్ మీడియాలో భిన్నాభిప్రాయాలు వ్యక్తం అవుతున్నాయి. కొవిడ్​తో బాధపడుతూ ఆడటం అవసరమా? అతడి వల్ల మిగతా ప్లేయర్లకూ వ్యాధి అంటుకుంటే పరిస్థితి ఏంటని కొందరు అంటున్నారు. అయితే మరికొందరు మాత్రం టీమ్ కోసం వ్యాధి బాధిస్తున్నా గ్రౌండ్​లోకి దిగి ఆడటం సూపర్బ్ అని మెచ్చుకుంటున్నారు. ఏం గుండెరా అది.. అతడి డెడికేషన్​కు హ్యాట్సాఫ్ అని నెటిజన్స్ కామెంట్స్ చేస్తున్నారు. ఇక, ఈ మ్యాచ్​లో టాస్ నెగ్గిన విండీస్ కెప్టెన్ బ్రాత్​వైట్ బ్యాటింగ్ ఎంచుకున్నాడు. అయితే ఆ టీమ్​కు మంచి స్టార్ట్ దొరకలేదు. బ్రాత్​వైట్ (4) త్వరగా పెవిలియన్​కు చేరుకున్నాడు. ప్రస్తుతం వెస్టిండీస్ 5 వికెట్లకు 131 పరుగులతో ఉంది. హాడ్జ్ (32 నాటౌట్), జోషువా (35 నాటౌట్) క్రీజులో ఉన్నారు. మరి.. కరోనాతో బాధపడుతున్నా టీమ్ కోసం బరిలోకి దిగిన గ్రీన్ మీద మీ అభిప్రాయాలను కామెంట్ల రూపంలో తెలియజేయండి.

Cameron Green who tested positive for COVID19 is playing the Test match against West Indies.

– He’s keeping distance with his teammates during the national anthem. (Daniel Cherny). pic.twitter.com/bLy6zQ2pzt

— Mufaddal Vohra (@mufaddal_vohra) January 25, 2024

Cameron Green is maintaining distance as he is playing despite testing COVID19 positive. #CameronGreen #AUSvWI #Cricket #Australia #Sportskeeda pic.twitter.com/fgmrYmlstd

— Sportskeeda (@Sportskeeda) January 25, 2024