Aditya N
ఐకాన్ స్టార్ అల్లు అర్జున్ ‘పుష్ప 2’ మూవీ కోసం పాన్ ఇండియా లెవల్లో ఆడియెన్స్ ఎంతగానో ఎదురు చూస్తున్నారు. అలాంటి ఈ మూవీ షూటింగ్కు సంబంధించి ఓ ఇంట్రెస్టింగ్ అప్డేట్ బయటకు వచ్చింది.
ఐకాన్ స్టార్ అల్లు అర్జున్ ‘పుష్ప 2’ మూవీ కోసం పాన్ ఇండియా లెవల్లో ఆడియెన్స్ ఎంతగానో ఎదురు చూస్తున్నారు. అలాంటి ఈ మూవీ షూటింగ్కు సంబంధించి ఓ ఇంట్రెస్టింగ్ అప్డేట్ బయటకు వచ్చింది.
Aditya N
ఐకాన్ స్టార్ అల్లు అర్జున్ హీరోగా నేషనల్ క్రష్ రష్మికా మందన్న హీరోయిన్గా క్రియేటివ్ జీనియస్ సుకుమార్ దర్శకత్వం వహిస్తున్న భారీ చిత్రం ‘పుష్ప 2’. ఈ ఫిల్మ్ కోసం కేవలం తెలుగు ప్రేక్షకులే కాకుండా మొత్తంగా ఇండియన్ సినిమా ఆడియెన్స్ ఆసక్తిగా ఎదురు చూస్తున్నారు. ఇక చిత్ర యూనిట్ సభ్యులు ఈ మూవీకి ఇంటర్నేషనల్ రీచ్ ఉండేలా అన్ని జాగ్రత్తలు తీసుకుంటున్నారు. కాగా, లేటెస్ట్ ఇన్సైడ్ టాక్ ప్రకారం ‘పుష్ప: ది రూల్’ నెక్స్ట్ షూటింగ్ షెడ్యూల్ ఉత్తరాంధ్రలో జరగనుందని తెలుస్తోంది.
ప్రస్తుతం హైదరాబాద్లో శరవేగంగా షూటింగ్ కంప్లీట్ చేసుకుంటున్న ‘పుష్ప 2’ నెక్స్ట్ షెడ్యూల్ కోసం వైజాగ్కు షిఫ్ట్ అవ్వనున్నట్టుగా తెలుస్తోంది. అంటే పుష్పరాజ్ అడుగు ఉత్తరాంధ్రలో పడనుంది అన్నమాట. ఇక, షూటింగ్ స్పాట్ వద్ద అభిమానుల హంగామా భారీ స్థాయిలో ఉంటుంది. అందులోనూ వైజాగ్ అల్లు అర్జున్కు చాలా స్ట్రాంగ్ ఏరియాగా చెబుతుంటారు ట్రేడ్ పండితులు. ఆగస్టు 15వ తేదీన ప్రపంచ వ్యాప్తంగా ‘పుష్ప 2’ థియేటర్లలో విడుదల కానున్న సంగతి తెలిసిందే. నిజానికి షూటింగ్లో పెండింగ్ వర్క్ ఇంకా చాలా ఉందన్న పుకార్లు వినిపిస్తున్నా.. చిత్ర యూనిట్ మాత్రం అవేవీ పట్టించుకోకుండా ప్రస్తుతం తమ పనిలో నిమగ్నమై ఉన్నారు.
ఇప్పటికే ఈ సినిమా ఇంటర్వెల్ వద్ద వచ్చే జాతర ఎపిసోడ్ గురించి ఎన్నో ఇంట్రెస్టింగ్ రూమర్స్ వచ్చాయి. దర్శకుడు సుకుమార్ మూవీ మొత్తానికే ఆ సీన్స్ హైలైట్గా నిలిచేలా తెరకెక్కిస్తున్నారని టాక్. ఫస్ట్ లుక్ విడుదలైనప్పుడే జాతర గెటప్లో అల్లు అర్జున్ లుక్ చూసి ప్రేక్షకులు ఆశ్చర్యపోయారు. కాగా, ఆ ఎపిసోడ్లో విలన్ గ్యాంగ్తో ఇంటెన్స్ ఫైట్ ఉంటుందని కూడా అంటున్నారు. దాంతో పాటు ఫాహద్ ఫాజిల్-అల్లు అర్జున్ మధ్య వచ్చే ఫైట్కు బ్యాక్ గ్రౌండ్లో ఎమోషనల్ సాంగ్ ప్లాన్ చేస్తున్నారని కూడా ఒక టాక్ గట్టిగా వినిపిస్తోంది. మరివన్నీ నిజమా? కాదా? అని తెలియాలంటే ఆగస్ట్ 15 వరకూ ఆగాల్సిందే.
ఇదీ చదవండి: కమల్ థగ్ లైఫ్ నుంచి తప్పుకున్న దుల్కర్ సల్మాన్