Dinesh Karthik: టీమిండియా ప్రత్యర్థికి దినేష్ కార్తీక్ సాయం.. తేడా కొట్టిందా ఇక అంతే సంగతులు!

క్రికెట్​లో కొందరు ఆటగాళ్లపై భారీ ఎక్స్​పెక్టేషన్స్ ఉంటాయి. మంచి స్కిల్స్, టాలెంట్ ఉన్న వాళ్లు కెరీర్​లో అత్యున్నత దశకు చేరుకోవడం పక్కా అని అందరూ అనుకుంటారు. కానీ కొందరి విషయంలో ఇది జరగదు. అన్నీ ఉన్నా అల్లుడి నోట్లో శని అన్నట్లు టాలెంట్, పెర్ఫార్మ్ చేసే సత్తా ఉన్నా ఎందుకో వారికి ఏదీ కలసిరాదు. దానికి స్పెషల్ రీజన్ అంటూ ఇదని చెప్పలేం. టీమిండియా స్టార్ క్రికెటర్ దినేష్ కార్తీక్ ఈ కోవలోకే వస్తాడు. భారత్ తరఫున టీ20లు, వన్డేలతో పాటు టెస్టుల్లోనూ ప్రాతినిధ్యం వహరించిన కార్తీక్.. కెరీర్​లో అనుకున్నంతగా సక్సెస్ కాలేదు. తమిళనాడు సచిన్​గా పేరు తెచ్చుకున్న కార్తీక్.. కొన్ని మెరుపు ఇన్నింగ్స్​ల ద్వారా మంచి గుర్తింపు తెచ్చుకున్నాడు. సింగిల్ హ్యాండ్​తో భారత్​కు పలు మ్యాచుల్లో విజయాలు అందించాడు. కానీ కెరీర్​ను సుదీర్ఘంగా మలచుకోలేకపోయాడు. అలాంటి కార్తీక్ ఇప్పుడు టీమిండియా ప్రత్యర్థికి సాయం చేసేందుకు సిద్ధమవుతున్నాడు.

భారత పర్యటన కోసం వస్తున్న ఇంగ్లండ్-ఏ (ఇంగ్లండ్ లయన్స్) టీమ్​లో దినేష్ కార్తీక్ చేరనున్నాడు. ఇంగ్లండ్ లయన్స్​ ప్రిపరేషన్స్​లో సాయం చేయనున్నాడతను. 9 రోజుల పాటు ఆ జట్టుతోనే ఉండి భారత కండీషన్స్​కు ఎలా అలవాటు పడాలి? ఇక్కడి పిచ్​లపై ఎలా ఆడాలి? లాంటి విషయాల మీద వారికి సలహాలు, సూచనలు ఇవ్వనున్నాడు. భారత్-ఏతో టూర్ మ్యాచ్, మూడు టెస్టుల సిరీస్ ఆడనుంది ఇంగ్లండ్ లయన్స్. ఈ సిరీస్​లోని అన్ని మ్యాచులు అహ్మదాబాద్​లోనే జరగనున్నాయి. ఈ నేపథ్యంలో జనవరి 10 నుంచి 18 వరకు ఇంగ్లండ్ టీమ్​తో జర్నీ చేయనున్నాడు కార్తీక్. ఆ తర్వాత ఆ జట్టు రెగ్యులర్ కోచ్ ఇయాన్ బెల్ తిరిగి టీమ్​లోకి వస్తాడు. బిగ్​బాష్ లీగ్​లో మెల్​బోర్న్ రెనెగేడ్స్​ టీమ్​కు అసిస్టెంట్ కోచ్​గా తన వర్క్ పూర్తయ్యాక జనవరి 18న జట్టులో చేరతాడు బెల్.

ఇంగ్లండ్ లయన్స్ టీమ్​ కోచింగ్ బృందంలో దినేష్ కార్తీక్ చేరడంపై భిన్నాభిప్రాయాలు వ్యక్తం అవుతున్నాయి. కొందరు అతడ్ని సపోర్ట్ చేస్తుండగా.. మరికొందరు కార్తీక్​ను విమర్శిస్తున్నారు. ప్రత్యర్థి జట్లకు కోచింగ్ ఇవ్వడంలో తప్పులేదని.. మన జట్లు విదేశాలకు వెళ్లినప్పుడు అక్కడి క్రికెటర్లు, కోచ్​ల సాయం తీసుకుంటాయని సోషల్ మీడియాలో కొందరు నెటిజన్స్ చెబుతున్నారు. అయితే మరికొందరు మాత్రం కార్తీక్ సలహాల వల్ల భారత-ఏ జట్టు ఓడిపోయే ప్రమాదం ఉందని అంటున్నారు. తేడా కొడితే కార్తీక్ విమర్శలపాలయ్యే అవకాశం ఉందని హెచ్చరిస్తున్నారు. ఇక, ఈ సిరీస్​లో ఆడనున్న ఇండియా-ఏ టీమ్​కు అభిమన్యు ఈశ్వరన్ కెప్టెన్​గా వ్యవహరించనున్నాడు. కేఎస్ భరత్, నవ్​దీప్ సైనీ లాంటి టీమిండియాకు ఆడిన ప్లేయర్లు ఈ సిరీస్​లో బరిలోకి దిగనుండటం విశేషం. మరి.. ఇంగ్లండ్​-ఏకు దినేష్ కార్తీక్ సాయం చేయడంపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: ఆఫ్ఘానిస్థాన్​తో తొలి టీ20.. టీమిండియా ప్లేయింగ్ ఎలెవన్ ఇదే..!

Dinesh Karthik will join the England coaching team as batting consultant for 9 days against India A series (10-18th January).#Cricket #India #Karthik #INDAvENGA pic.twitter.com/3SbTcfMIub

— Sportskeeda (@Sportskeeda) January 10, 2024