Virat Kohli: వీడియో: ఆ ప్లేయర్ పేరు వినగానే సీరియస్ అయిన కోహ్లీ! ఏం చేశాడంటే..?

టీమిండియా స్టార్ బ్యాటర్‌‌ విరాట్ కోహ్లీ అందరు ఆటగాళ్లతో మంచి రిలేషన్స్ మెయింటెయిన్ చేస్తుంటాడు. అపోజిషన్ టీమ్ ప్లేయర్లతోనూ అతడికి సత్సంబంధాలు ఉన్నాయి. మ్యాచుల సమయంలో గ్రౌండ్​లో సీరియస్​గా కనిపించే కోహ్లీ.. ఆఫ్​ ది ఫీల్డ్ మాత్రం చాలా సరదాగా ఉంటాడు. అందరితో ఇట్టే కలసిపోతాడు. క్రికెట్​తో పాటు ఇతర క్రీడలకు చెందిన ఆటగాళ్లతోనూ అతడు ఫ్రెండ్​షిప్ చేస్తుంటాడు. టెన్నిస్ దిగ్గజం నొవాక్ జొకోవిచ్, భారత స్టార్ ఫుట్​బాలర్ సునీల్ ఛెత్రితో కోహ్లీకి మంచి సాన్నిహిత్యం ఉంది. ఇలా ఇతర స్పోర్ట్స్ స్టార్స్​తోనూ స్నేహం చేస్తూ అందరికీ ఆదర్శంగా నిలుస్తున్నాడు. అలాంటోడు ఒకరి పేరు చెబితే మాత్రం సీరియస్ అవుతున్నాడు.

ఆ ప్లేయర్ పేరు వినగానే సీరియస్ అయ్యాడు కోహ్లీ. ఆయన పేరు ఇప్పుడు ఎందుకు తీశావ్ అన్నట్లుగా గుడ్లు ఉరిమి చూశాడు. ఈ ఘటన ఆర్సీబీ నిర్వహించిన ఓ ఇంటర్వ్యూలో చోటుచేసుకుంది. బెంగళూరు ఫ్రాంచైజీతో ఏళ్లుగా ట్రావెల్ అవుతూ అందర్నీ నవ్విస్తున్న మిస్టర్ నాగ్స్ తాజాగా కింగ్​ను ఇంటర్వ్యూ చేశాడు. ఇందులో చాలా విషయాలు షేర్ చేసుకున్నాడు విరాట్. తన కూతురు వామిక గురించి కూడా మాట్లాడాడు. అలా ఇంటర్వ్యూ ఆహ్లాదంగా సాగిపోతున్న సమయంలో సునీల్.. అంటూ టీమిండియా లెజెండ్ సునీల్ గవాస్కర్ ప్రస్తావన తీసుకొచ్చాడు నాగ్స్. అంతే ఆ మాట వినగానే కోహ్లీ సీరియస్ అయ్యాడు. నాగ్స్ వైపు ఉరిమి చూసిన కింగ్.. ఆ తర్వాత తన కోపాన్ని లోపలే అణచుకుంటూ బలవంతంగా ఓ నవ్వు నవ్వాడు.

‘నేను కామెంటేటర్​ను కాను.. కామన్​మ్యాన్​ను కాబట్టే నాతో ఫ్రెండ్​గా ఉన్నావ్ కదా? నీ గురించి నీ స్నేహితుడు చాలా మంచి విషయాలు చెప్పాడు’ అని నాగ్స్ అన్నాడు. దీంతో ఎవరి గురించి మాట్లాడుతున్నావ్ అని కోహ్లీ అడిగాడు. నాగ్స్ వెంటనే సునీల్.. అని ఆగిపోయాడు. దీంతో గవాస్కర్ అనుకొని కోహ్లీ సీరియస్​గా చూశాడు. అయితే కింగ్ ఆగ్రహాన్ని గ్రహించిన నాగ్స్.. సునీల్ ఛెత్రి అని కవర్ చేశాడు. దీంతో కోహ్లీ డిఫరెంట్​గా నవ్వాడు. దీనికి సంబంధించిన వీడియో వైరల్ అవుతోంది. కాగా, గవాస్కర్​-కోహ్లీకి మధ్య వార్ నడుస్తున్న సంగతి తెలిసిందే. ఈ ఐపీఎల్​ సీజన్ మొదట్లో విరాట్ నెమ్మదిగా ఆడటంతో అతడి స్ట్రైక్ రేట్​ను టార్గెట్ చేసుకొని గవాస్కర్ విమర్శలు గుప్పించాడు. దీంతో స్పీడ్​గా రన్స్ చేస్తూ బ్యాట్​తో కౌంటర్ ఇచ్చాడు కోహ్లీ. అలాగే పోస్ట్ మ్యాచ్ ప్రెజెంటేషన్​లో గవాస్కర్​కు ఇన్​డైరెక్ట్​ పంచ్​లు ఇచ్చాడు. ఈ నేపథ్యంలో విరాట్​ దగ్గర సరదాగా సునీల్ అంటూ గవాస్కర్ ప్రస్తావన తీసుకొచ్చి కవ్వించాడు మిస్టర్ నాగ్స్.

• ఇదీ చదవండి: ఆ అవమానాన్ని మర్చిపోలేకపోతున్నా.. ఏం చేయాలో నాకు తెలుసు: KL రాహుల్

No gavaskar was harmed here 😭😭pic.twitter.com/cwnkLndRfH

— ` (@chixxsays) May 17, 2024