కోహ్లీ ఫెయిల్ అవడం మంచిదే.. భారత బ్యాటింగ్ కోచ్ ఇంట్రెస్టింగ్ కామెంట్స్!

విరాట్ కోహ్లీ.. సాధారణ సిరీస్​ల్లోనే చెలరేగి ఆడుతుంటాడు. అవతల ఉన్నది ఏ జట్టు అనేది పట్టించుకోకుండా బ్యాట్​తో విధ్వంసం సృష్టిస్తుంటాడు. క్రీజులో దిగిందే తడవు పరుగుల వర్షం కురిపిస్తాడు. గత దశాబ్దంన్నరగా అతడు ఇదే విధంగా ఆడుతూ ప్రస్తుత జనరేషన్​లో టాప్ బ్యాటర్​ రేంజ్​కు చేరుకున్నాడు. ద్వైపాక్షిక సిరీస్​ల్లోనే పరుగుల మోత మోగించే కింగ్.. ఇంక ఐసీసీ టోర్నమెంట్స్ అంటే చాలు తనలోని సిసలైన బ్యాటర్​ను బయటకు తీసుకొస్తాడు. మెగా టోర్నీల్లో టీమిండియా గెలిచినా, ఓడినా కోహ్లీ మాత్రం బ్యాట్​తో ఊచకోత కోస్తాడు. ఎన్నోమార్లు వరల్డ్ కప్ లాంటి ఐసీసీ టోర్నీల్లో బెస్ట్ బ్యాటర్​గా నిలిచాడు విరాట్. హయ్యెస్ట్ రన్ స్కోరర్​గా నిలిచి అభిమానులను ఉర్రూతలూగించాడు. కానీ ప్రస్తుత టీ20 ప్రపంచ కప్​లో మాత్రం అతడి బ్యాట్ మ్యాజిక్ చేయడం లేదు.

పొట్టి కప్పులో కోహ్లీ ఫెయిల్యూర్ కొనసాగుతోంది. ఆడిన మూడు మ్యాచుల్లో కేవలం 5 పరుగులు మాత్రమే చేశాడు విరాట్. యూఎస్​ఏతో మ్యాచ్​లోనైతే గోల్డెన్ డకౌట్​గా వెనుదిరిగాడతను. అమెరికాలోని ట్రిక్కీ పిచ్​లపై అనవసర హిట్టింగ్​కు వెళ్తూ ఔట్ అవుతున్నాడు కింగ్. క్రీజులో కుదురుకోవడంపై ఫోకస్ చేయకుండా.. ఫస్ట్ బాల్​ నుంచే భారీ షాట్లకు ప్రయత్నించి బౌలర్లకు దొరికిపోతున్నాడు. రెగ్యులర్​గా ఆడే థర్డ్ డౌన్ కాకుండా ఓపెనర్​గా రావడం కూడా అతడిపై ఒత్తిడి పెంచుతోంది. వేగంగా పరుగులు చేయాలనే ప్రయత్నంలో చెత్త షాట్లు ఆడి కోహ్లీ వెనుదిరుగుతున్నాడు. దీంతో అతడిపై విమర్శలు పెరుగుతున్నాయి. టాప్ స్కోరర్​గా నిలుస్తాడనుకుంటే ఇలా జట్టుకు భారమవడం ఏంటని కొందరు మాజీ క్రికెటర్లు కూడా అతడిపై సీరియస్ అవుతున్నారు. ఈ విషయంపై తాజాగా భారత బ్యాటింగ్ కోచ్ విక్రమ్ రాథోడ్ రియాక్ట్ అయ్యాడు.

కోహ్లీ ఫెయిల్ అవడం టీమ్​కు మంచిదేనని అన్నాడు విక్రమ్ రాథోడ్. విఫలమవడం వల్ల పరుగులు చేయాలనే కసి, తపన మరింత పెరుగుతాయని చెప్పాడు. విరాట్ ఇప్పుడు ఫుల్ ఆకలి మీద ఉన్నాడని తెలిపాడు. ‘కోహ్లీ ఇప్పుడు మరింత ఆకలితో ఉన్నాడు. ఎలాగైనా ఫామ్​ను అందిపుచ్చుకోవాలని, పరుగులు చేయాలని అతడు పట్టుదలతో ఉన్నాడు. రాబోయే మ్యాచుల్లో టచ్​లోకి రావాలని అతడు ప్రయత్నిస్తున్నాడు. ఈ వరల్డ్ కప్​లో కోహ్లీ నుంచి తప్పకుండా మంచి ఇన్నింగ్స్​లు వస్తాయనే నమ్మకం నాకు ఉంది. ఐపీఎల్​లో అతడు ఎంత అద్భుతంగా ఆడాడో మనం చూశాం. మెగా టోర్నీ ఫస్టాఫ్​లో ఫెయిలైనంత మాత్రాన ఏమీ మారదు. అతడు నెట్స్​లో బాగా బ్యాటింగ్ చేస్తున్నాడు. అతడు ఊపందుకోవడానికి ఒక్క మ్యాచ్ చాలు’ అని విక్రమ్ రాథోడ్ స్పష్టం చేశాడు. సూపర్-8 మ్యాచుల్లో పిచ్​లు, పరిస్థితులకు తగ్గట్లు టీమ్ కాంబినేషన్​ను ఎంచుకుంటామని పేర్కొన్నాడు. మరి.. కోహ్లీ ఫెయిలైనా మంచిదేనని, అంతే ధీటుగా బౌన్స్ బ్యాక్ అవుతాడంటూ బ్యాటింగ్ కోచ్ చేసిన వ్యాఖ్యలపై మీ ఒపీనియన్​ను కామెంట్ చేయండి.

• ఇదీ చదవండి: విరాట్ కోహ్లీకి ‘వామిక’ ఫాదర్స్ డే గిఫ్ట్ ఏమిచ్చిందో తెలుసా? పోస్ట్ వైరల్..

India’s Batting coach said – “Actually, it’s good that Virat Kohli is more hungrier now. He is really keen to do well and really switched on. Looking forward to some good games & we’ve watched some good innings from him in this T20 World Cup 2024”. (Star Sports). pic.twitter.com/LiK0ZzbZ6f

— Tanuj Singh (@ImTanujSingh) June 17, 2024