వన్డే వరల్డ్ కప్-2023లో భారత్ ఆడాల్సిన ఫస్ట్ మ్యాచ్. ఎదురుగా ఆస్ట్రేలియా లాంటి బలమైన ప్రత్యర్థి. భీకరమైన ఫామ్లో ఉన్న యంగ్ ఓపెనర్ శుబ్మన్ గిల్ టీమ్లో లేడు. అనారోగ్యంతో బాధపడుతున్న గిల్ లేకపోవడంతో ఓపెనింగ్ పొజిషన్లో ఇషాన్ కిషన్ ఆడటం ఖాయమైంది. అతడు ఎలా ఆడతాడోననే సందేహం. సొంతగడ్డపై ఒత్తిడిలో ప్లేయర్లు అందరూ ఎలా పెర్ఫార్మ్ చేస్తారోననే టెన్షన్. ఇలా కొన్ని సందేహాలు, మరికొన్ని అనుమానాల మధ్య ఆదివారం నాడు కంగారూ జట్టుతో జరిగిన మ్యాచ్లో బరిలోకి దిగింది రోహిత్ సేన. కానీ ఎక్స్పెక్టేషన్స్కు మించి పెర్ఫార్మ్ చేసింది. స్టార్లతో నిండిన ఆసీస్ బ్యాటింగ్ను తక్కువ స్కోరుకే పరిమితం చేసింది. ఆ తర్వాత ఛేజింగ్లో రెండు రన్స్కే మూడు వికెట్స్ పడిపోయినా పట్టువదలకుండా ఆడి మ్యాచ్ను చేజిక్కించుకుంది.
ఈ మ్యాచ్లో తొలుత బ్యాటింగ్కు దిగిన ఆస్ట్రేలియా 49.3 ఓవర్లలో 199 రన్స్కు ఆలౌటైంది. స్పిన్నర్లు అశ్విన్, జడేజా, కుల్దీప్ కలసి ఆరు వికెట్లతో ఆసీస్ పతనాన్ని శాసించారు. అనంతరం ఛేదనను మొదలుపెట్టిన టీమిండియా.. 41.2 ఓవర్లలో 4 వికెట్ల నష్టానికి 201 రన్స్ చేసింది. భారత్ విజయంలో సీనియర్ బ్యాటర్లు విరాట్ కోహ్లీ (85), కేఎల్ రాహుల్ (97 నాటౌట్) కీలక పాత్ర పోషించారు. రోహిత్, ఇషాన్, అయ్యర్లు గోల్డెన్ డక్గా వెనుదిరగడంతో చిన్న టార్గెట్ను కూడా భారత్ ఛేజ్ చేయలేదేమో అనే డౌట్ వచ్చింది. ఒకవేళ ఆ టైమ్లో గనుక మరో వికెట్ పడుంటే టీమిండియా చేతి నుంచి మ్యాచ్ చేజారేది.
క్లిష్ట పరిస్థితుల్లో బ్యాటింగ్కు దిగిన కోహ్లీ-రాహుల్లు అసాధారణ బ్యాటింగ్తో టీమ్ను గట్టెక్కించారు. అయితే ఈ మ్యాచ్లో బ్యాటింగ్తో పాటు ఫీల్డింగ్లోనూ కోహ్లీ అదరగొట్టాడు. బుమ్రా బౌలింగ్లో ఆసీస్ ఓపెనర్ మిచెల్ మార్ష్ ఇచ్చిన క్యాచ్ను అద్భుతంగా ఒడిసి పట్టాడు. ఆ క్యాచ్తో పాటు గ్రౌండ్ ఫీల్డింగ్లోనూ పాదరసంలా కదులుతూ విలువైన రన్స్ కాపాడాడు. దీంతో మ్యాచ్ అనంతరం డ్రెస్సింగ్ రూమ్లో కోచ్ ద్రవిడ్ నేతృత్వంలోని టీమిండియా మేనేజ్మెంట్ అతడ్ని సత్కరించింది. కోహ్లీ ఫీల్డింగ్ను మెచ్చుకుంటూ గోల్డ్ మెడల్ను అందించారు. ఈ పతకాన్ని అందుకున్న విరాట్ ఫుల్ సెలబ్రేషన్స్లో మునిగిపోయాడు. కోహ్లీ సెలబ్రేట్ చేసుకుంటున్న వీడియో నెట్టింట వైరల్ అవుతోంది.
ఇదీ చదవండి: వాళ్లిద్దరి వల్లే ఈ విజయం.. కేఎల్ రాహుల్, విరాట్ కోహ్లీపై రోహిత్ ప్రశంసలు!
📽️ BTS from the #TeamIndia 🇮🇳 dressing room 😃👌 – By @28anand
A kind of first 🥇 #CWC23 | #INDvAUS
And the best fielder of the match award goes to….🥁
WATCH 🎥🔽https://t.co/wto4ehHskB
— BCCI (@BCCI) October 9, 2023
