యానంలో అగ్నిప్రమాదం..బూడిదైన బోటు! అందులోని..

ఇటీవల తరచూ అగ్నిప్రమాదాలు జరుగుతూనే ఉన్నాయి. ముఖ్యంగా  షార్ట్ సర్క్యూట్, రసాయనాల పేలుడు వంటి ఇతర కారణాలతో ఈ ప్రమాదాలు చోటుచేసుకుంటాయి. ఇక ఈ అగ్నిప్రమాదాల కారణంగా ఎంతో మంది ప్రాణాలు కోల్పోతుంటారు. మరెందరో తీవ్ర గాయాలతో జీవితాన్ని నరకంగా అనుభవిస్తుంటారు. ఇక ఈ ప్రమాదాల కారణంగా భారీ ఆస్తి నష్టం కూడా జరిగిన సందర్భాలు అనేకం ఉన్నాయి. ఇటీవలే విశాఖపట్నంలోని హార్బర్ లో భారీ అగ్నిప్రమాదం జరిగిన సంగతి తెలిసిందే. ఈ ప్రమాదంలో పదుల సంఖ్యలో బోట్లు కాలిబూడిదయ్యాయి. తాజాగా యానాంలో ఓ బోటుకు అగ్నిప్రమాదానికి గురైంది. ఈ ఘటనలో దారుణం చోటుచేసుకుంది.

కేంద్ర పాలిత ప్రాంతం యానాంలోని దరియాల తిప్ప వద్ద అగ్నిప్రమాదం జరిగింది. దరియాల తిప్ప వద్ద ఉన్న ఓ బోటు నుంచి మంటలు చెలరేగాయి. క్షణాల వ్యవధిలో ఆ బోటును మంటలు చుట్టు ముట్టాయి. ఇక ఈ ప్రమాదంలో బోటులో గంగాద్రి అనే వ్యక్తి  చిక్కుకున్నాడు. తప్పించుకునే అవకాశం లేకపోవడంతో అందులోని చిక్కుకుపోయి.. మంటల్లో సజీవదహనమయ్యారు. ఇక ఈ ఘటనపై సమాచారం అందుకున్న అగ్నిమాపక సిబ్బంది.. ఘటన స్థలానికి చేరుకున్నారు.

అంతేకాక బోటు నుంచి ఎగసి పడుతున్న మంటలను అదుపు చేశారు. ఇక  ఈ ప్రమాదానికి గురైన పోటు భైరవ పాలెం నుంచి గౌతమి నది నుంచి దరియాల తిప్పకు వచ్చినట్లు స్థానికులు చెబుతున్నారు. ఇక ఈ ప్రమాదంపై సమాచారం అందుకున్న స్థానికులు ఘటన స్థలానికి చేరుకుని అందులో చిక్కుకున్న వ్యక్తి  కాపాడే ప్రయత్నం చేశారు. అయితే మంటలు పెద్ద ఎత్తున ఎగసి పడుతుండటంతో కాపాడే సాహసం చేయలేక పోయారు. ఇక ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు. అసలు  ప్రమాదనికి కారణం ఏంటి అనే కోణంలో పోలీసులు దర్యాప్తు చేస్తున్నారు. గతంలో విశాఖలోని షిప్ హార్బర్ లో కూడా ప్రమాదం జరిగిన సంగతి తెలిసిందే. ఈ ప్రమాదంలో పెద్ద సంఖ్యలో బోటులు కాలి బూడిదయ్యాయి.

విశాఖ ఘటన అప్పట్లో పెను సంచలనంగా మారింది. అలానే కొన్ని రోజుల క్రితం హైదరాబాద్ లోని నాంపల్లి ప్రాంతంలోని ఓ భవనంలో అగ్నిప్రమాదం జరిగిన సంగతి తెలిసిందే. అక్కడ రసాయనాలు నిల్వ ఉన్న డ్రమ్ములు పేలిపోవడంతో భారీ అగ్నిప్రమాదం జరిగింది. ఈ ప్రమాదంలో  తొమ్మిది మంది మరణించిన సంగతి తెలిసిందే. ఇక తాజాగా యానాంలో కూడా  అగ్నిప్రమాదం సంభవించి.. ఓ వ్యక్తి సజీవ దహనం అయ్యారు. ఇలా అనుకోకుండా జరిగే ప్రమాదల కారణంగా చాలా మంది మృత్యు ఒడికి చేరుతున్నారు. మరి.. తాజాగా యానాంలో జరిగిన బోటు ప్రమాద ఘటనపై మీ అభిప్రాయాలను కామెంట్స్ రూపంలో తెలియజేయండి.