సిటీ బస్సులోనే ప్రసవం.. మహిళా కండక్టర్ మానవత్వం! సజ్జనార్ ట్వీట్

సాధారణంగా మహిళలు బిడ్డకు జన్మనివ్వడం అంటే కొత్త జన్మ ఎత్తినట్లే అంటారు. ప్రసవ సమయంలో ఆమె ధైర్యంగా ఉండాలని పుట్టింటికి పంపుతారు. ఈ మధ్య కాలంలో చాలా వరకు నార్మల్ డెలివరీ కాకుండా ఆపరేషన్ ద్వారా పిల్లలు కంటున్నారు. హైదరాబాద్ లో ఓ నిండు గర్భిణి బస్సు లో ప్రయాణం చేస్తుంది. మధ్యలో ఆమెకు అనుకోకుండా పురిటినొప్పులు రావడంతో బస్సులో ఉన్న తోటి ప్రయాణికులు కంగారు పడ్డారు. ఆ సమయంలో లేడీ కండక్టర్ సమయస్ఫూర్తి ప్రదర్శించారు. ఆమె చేసిన పనికి ఇప్పుడు ఎంతో గొప్పగా ప్రశంసలు అందుకుంటున్నారు. ఇంతకీ ఆ లేడీ కండక్టర్ ఏం చేసిందీ? స్వయంగా ఆర్టీసీ ఎండీ సజ్జనార్ ఆమెను పొగుడుతున్నారు? పూర్తి వివరాల్లోకి వెళితే..

హైదరాబాద్ ఆరంఘర్ నుంచి సర్వీస్ 81/1 రూట్ నెంబరు 1Z బస్సులో సికింద్రబాద్ కి వస్తున్న ఓ నిండు గర్భిణికి బస్సులో పురిటినొప్పులు రావడం మొదలయ్యాయి. దీంతో తోటి ప్రయాణికులు ఈ విషయం సరోజ అనే కండెక్టర్ కి తెలిపారు. వెంటనే ఆమె డ్రైవర్ ని బస్సు పక్కకు ఆపాలని సూచించింది. బస్సు పక్కకు ఆపగానే ప్రయాణికులను కిందకు దింపేశారు. తోటి మహిళా ప్రయాణికులు సాయంతో సరోజ ఆ మహిళకు డెలివరీ చేశారు.ఈ రోజు (జులై 5) ఉదయం 7 గంటల 30 నిమిషాలకు పండంటి ఆడ శిశువుకు జన్మనిచ్చింది ఆ మహిళ. వెంటనే అదే బస్సులో తల్లీ బిడ్డలను గవర్నమెంట్ ఆస్పత్రికి తరలించారు. మెరుగైన వైద్యం అందించారు.

ఈ సంఘటన చూసి తోటి ప్రయాణికులు, డ్రైవర్ మహిళా కండెక్టర్ సరోజను అభినందించారు. బస్సులో కాన్పు చేసి మానవత్వం చాటుకున్న కండక్టర్ సరోజ తో పాటు సహ మహిళా ప్రయాణికులను టీఎస్ఆర్టీసీ ఎండీ సజ్జనార్ అభినందించారు. ఆమె అప్రమత్తమైన వెంటనే స్పందించడం వల్ల ఈ రోజు తల్లీ బిడ్డా క్షేమంగా ఉన్నారని పేర్కొన్నారు. ప్రయాణికులను గమ్య స్థానానికి చేర్చడమే కాదు.. ఇలాంటి సేవా స్ఫూర్తిని ఆర్టీసీ సిబ్బంది చాటుకోవడం గర్వించదగ్గ విషయం అని సంతోషం వ్యక్తం చేశారు.

బస్సులోనే ప్రసవం.. మహిళా కండక్టర్ మానవత్వం#TGSRTC బస్సులో పురిటి నొప్పులతో బాధపడుతున్న ఓ గర్భిణికి ఆర్టీసీ కండక్టర్ పురుడు పోసి మానవత్వం చాటుకున్నారు. #Hyderabad ముషీరాబాద్ డిపోనకు చెందిన 1 జెడ్ రూట్ బస్సులో శుక్రవారం ఉదయం శ్వేతా రత్నం అనే గర్భిణీ ఆరాంఘర్ లో ఎక్కారు. బహదూర్… pic.twitter.com/7ISJM8fDJ5

— VC Sajjanar – MD TGSRTC (@tgsrtcmdoffice) July 5, 2024