రానున్న బతుకమ్మ, దసరా పండుగల నేపధ్యంలో తెలంగాణ విద్యాశాఖ స్కూల్ విద్యార్థులకు ముందుగానే సెలవులు ప్రకటించిన విషయం తెలిసిందే. ఈ నెల 13 నుంచి 25 వరకు ప్రభుత్వ, ప్రైవేట్ పాఠశాలలకు సెలవులు ఉంటాయని తెలిపింది. ఈ ప్రకటనలో విద్యార్థులు ఆనందం వ్యక్తం చేస్తున్నారు. అయితే ఈ క్రమంలోనే తెలంగాణ ఇంటర్ బోర్డ్ సైతం విద్యార్థులకు శుభవార్తను అందించింది. రానున్న బతుకమ్మ, దసరా పండుగల సందర్భంగా రాష్ట్రంలోని ప్రభుత్వ, ప్రైవేట్ జూనియర్ కాలేజీలకు హలీడేస్ ను ప్రకటించింది.
ఈ నెల ఈ నెల 19 నుంచి 25వ తేదీ వరకు పండగ సెలవులు ఉంటాయని ఇంటర్ బోర్డ్ తాజాగా ప్రకటించింది. 7 రోజుల పాటు పండుగ సెలవులు ఖారారు చేశామని, ఆ తర్వాత విద్యార్థులు తిరిగి కాలేజీకి రావాలని తెలంగాణ ఇంటర్ బోర్డ్ సూచించింది. విద్యాశాఖ వారం రోజుల పాటు బతుకమ్మ, దసరా సెలవులు ప్రకటించడంతో విద్యార్థులు సంతోషం వ్యక్తం చేస్తున్నారు.
