విద్యార్థులకు అలర్ట్.. రేపు సెలవు ప్రకటించిన ప్రభుత్వం!

విద్యార్థులు, ప్రభుత్వ ఉద్యోగులకు ముఖ్యమైన గమనిక.. ఫిబ్రవరి 8వ తేదీన ప్రభుత్వం సెలవు దినంగా ప్రకటించింది. ఈ రోజు ప్రభుత్వ కార్యాలయాలు కూడా పనిచేయవని సర్కార్ వెల్లడించింది. ఈ విషయాన్ని విద్యార్థులు, ఉద్యోగులు గుర్తుంచుకోవాలని తెలిపింది. ముస్లింల పండుగ షబ్ – ఎ – మెరాజ్ సందర్భంగా ప్రభుత్వ, ప్రైవేట్ పాఠశాలకు సెలవు దినంగా ప్రకటించింది. వాస్తవానికి ప్రభుత్వం రిలీజ్ చేసిన క్యాలెండర్ ప్రకారం ఫిబ్రవరి 8వ తేదీన సెలవు రోజుగా ప్రకటించింది. దీన్ని ప్రస్తుతం సాధారణ సెలవు రోజుగా మార్చింది. ఇక షబ్-ఎ-మెరాజ్ ముస్లింలకు పవిత్రమైన రోజుగా బావిస్తుంటారు. వివరాల్లోకి వెళితే..

తెలంగాణ విద్యార్థులు, ఉద్యోగులకు అలర్ట్.. ఫిబ్రవరి 8న తెలంగాణ ప్రభుత్వం సాధారణ సెలవు దినంగా ప్రకటిస్తూ.. జీవో విడుదల చేసింది. రేపు షబ్-ఎ-మెరాజ్ పండుగ దినం సందర్భంగా ప్రభుత్వం ఈ నిర్ణయం తీసుకుంది. తెలంగాణ సర్కార్ రిలీజ్ చేసిన సెలవుల క్యాలెండర్ లో ఫిబ్రవరి 8వ తేదీని షబ్-ఎ-మెరాజ్ కు సాధారణ సెలవు కాకుండా ఆప్షనల్ హాలిడేగా ప్రకటించింది. తాజాగా తెలంగాణ లో కొత్తగా ఏర్పడిన కాంగ్రెస్ ప్రభుత్వం ఫిబ్రవరి 8న సాధారణ సెలవుగా మార్చి పబ్లిక్ హాలిడే గా ప్రకటించింది. ఈ క్రమంలోనే విద్యా సంస్థలు, ఉద్యోగులకు సెలవు ప్రకటించింది. ముస్లింల పవిత్రమైన పండుగ సందర్భంగా దీపాలతో అందంగా ముస్తాబు చేస్తారు.

ఫిబ్రవరి 8న షబ్-ఎ-మెరాజ్ సందర్బంగా ముస్లిం సోదరులు రాత్రంతా ప్రార్ధనలు చేస్తూ.. జాగారం చేస్తారు. మసీదులన్నీ కలకలలాడుతుంటాయి.  ఈ షబ్-ఎ-మెరాజ్ పండగ సందర్బంగా ఇస్రా, మెరాజ్ ల కథను మసిదుల్లో ఉండేవారికి వివరిస్తుంటారు. ముస్లింల పవిత్రమైన పండుగ సందర్భంగా తెలంగాణ కాంగ్రెస్ ప్రభుత్వం సెలవు దినంగా ప్రకటించడంపై ముస్లిలందరూ హర్షం వ్యక్తం చేస్తున్నారు. ఈ నెలలో వేరే సెలవులు లేవు. మార్చి నెలలో మాత్రం వరుస సెలవులు ఉన్నాయి. మార్చి 8న మహాశివరాత్రి, 25న హూలీ, 29న గుడ్ ఫ్రైడే సందర్భంగా సెలవులు ఉండనున్నాయి. సెలవుల నేపథ్యంలో విద్యార్థులు, ఉద్యోగులు ముందుగానే ప్లాన్ చేసుకునే అవకాశం ఉంటుంది.