WhatsApp Web వాడుతున్నారా? ఇలా చేయకుంటే అంతే సంగతులు!

వాట్సాప్ ఎప్పుడూ కూడా తమ యూజర్ల కోసం ఎప్పటికప్పుడు సరికొత్త ఫీచర్లను తెస్తూనే ఉంది. వాట్సాప్ లో చాలా సెక్యూరిటీ ఫీచర్లు ఉన్నాయి. ఇక వాట్సాప్ వెబ్​ కోసం సెక్యూరిటీ ఫీచర్ ఉంది. ఎందుకంటే ఆఫీసుల్లో డెస్క్​టాప్​, ల్యాప్​టాప్​ల్లో వాట్సాప్ వెబ్​ వాడే యూజర్లు కొంచెం ఇబ్బంది పడుతుంటారు. ఎందుకంటే వాళ్ళు సిస్టమ్ నుంచి వాట్స్ యాప్ వాడుతున్నప్పుడు తమ డేటాని వెనకవాళ్ళు చూస్తారేమో చిన్నపాటి భయం. కొందరు వ్యక్తులు మనం ఏమరుపాటుగా ఉండడం చూసి.. మన వాట్సాప్​కు వచ్చిన మెసేజ్​లను ఓపెన్​ చేసి చూస్తారనే భయం ఉంటుంది. కొన్నిసార్లు మన సెన్సిటివ్ ఇన్ఫర్మేషన్ కూడా ఇతరుల చేతికి చిక్కే ప్రమాదం ఉంటుంది. అయితే దీనిని నివారించడానికి చాలా మంది బయటకు వెళ్లేటప్పుడు వాట్సాప్​ నుంచి లాగ్​అవుట్ అవుతూ ఉంటారు.

తిరిగి వచ్చి కుర్చీలో కూర్చున్నాక మళ్ళీ లాగిన్‌ అవుతూ ఉంటారు. అయితే ఇలా మాటిమాటికీ క్యూఆర్‌ కోడ్‌ను స్కాన్‌ చేసి లాగిన్‌ కావటం అనేది విసుగు తెప్పించే అంశం. పైగా తరచూ లాగ్అవుట్, లాగిన్​​ అవుతూ ఉంటే.. గత మెసేజ్‌లు ఒక్కోసారి వెంటనే కనిపించకపోవచ్చు కూడా. అందుకే ఇలాంటి సమస్యలకు చెక్​ పెడుతూ వాట్సాప్ వాట్సాప్​ స్క్రీన్ లాక్ ఫీచర్​ను తీసుకొచ్చింది. మన డేటా సేఫ్టీకి ఈ ఫీచర్​ చాలా అద్భుతంగా ఉపయోగపడుతుంది. ఇక ఈ ఫీచర్ ని ఎలా ఎనేబుల్ చేసుకోవాలి? పూర్తి వివరాలు ఇప్పుడు మనం తెలుసుకునే ప్రయత్నం చేద్దాం.

ముందుగా మీరు web.whatsapp.com ని ఓపెన్ చేయాలి. ఆ తరువాత క్యూఆర్‌ కోడ్‌తో web.whatsapp.com లోకి లాగిన్‌ కావాలి. తరువాత స్క్రీన్​ పైన ఉన్న సెట్టింగ్స్  మీద క్లిక్‌ చేసి, సెటింగ్స్‌లోకి వెళ్లాలి.ప్రైవసీ సెట్టింగ్స్​లోకి వెళ్లి, కిందికి స్క్రోల్‌ చేస్తూ ఉంటే..అక్కడ స్క్రీన్‌ లాక్​ ఆప్షన్​ కనిపిస్తుంది. అప్పుడు మీరు​ ఆ స్క్రీన్ లాక్​ ఆప్షన్‌ను సెలెక్ట్ చేసుకోవాలి. ఆ తరువాత..వాట్సాప్​ స్క్రీన్​ మీద కనిపించే సూచనలు పాటిస్తూ ఒక పాస్‌వర్డ్‌ను క్రియేట్ చేసుకోవాలి. అలాగే మీరు కావాలనుకుంటే స్క్రీన్‌ లాక్‌ టైమింగ్‌ను కూడా సెట్​ చేసుకోవచ్చు. ఇలా ఈ ఫీచర్ ద్వారా మీరు మీ వాట్సాప్ వెబ్ ని సేఫ్ గా వాడుకోవచ్చు. కాబట్టి వాట్సప్ వెబ్ వాడేవారు కచ్చితంగా ఈ వాట్సాప్ స్క్రీన్ లాక్ సేఫ్టీ ఫీచర్ ని వాడండి. ఇక ఈ సేఫ్టీ ఫీచర్ గురించి మీరేమి అనుకుంటున్నారో మీ అభిప్రాయాన్ని కింద కామెంట్ రూపంలో తెలియజేయండి.