Whatsapp నుంచి సూపర్‌ అప్‌డేట్‌.. QR కోడ్‌తో ఆ సమస్యలకు చెక్‌

వాట్సాప్‌ అంటే తెలియని వారు నేటి కాలంలో చాలా అరుదు. గ్రామాల్లో ఉన్న వారికి సైతం దీని గురించి తెలుసు. వాట్సాప్‌ ద్వారా కేవలం మెసేజ్‌లు మాత్రమే కాక ఆడియో, వీడియోలు కూడా సెండ్‌ చేసుకోవచ్చు. దాంతో పాటు ఎంత దూరంలో ఉన్న వారికి అయినా సరే వీడియో కాల్స్‌ చేసి మాట్లాడుకోవచ్చు. నేటి కాలంలో వృత్తిగత, వ్యక్తిగత జీవితాల్లో వాట్సాప్‌ అనేది తప్పనిసరి అయ్యింది. వినియోగదారులకు మెరుగైన సౌకర్యం కల్పించడం కోసం వాట్సాప్‌ కూడా ఎప్పటికప్పుడూ అప్‌డేట్స్‌ని విడుదల చేస్తుంది. ఇప్పటికే వాట్సాప్‌లో మెటా ఏఐని అందుబాటులోకి తీసుకురాగా.. ఇప్పుడు మరో సూపర్‌ అప్డేట్‌ అందుబాటులోకి తెచ్చింది. ఆ వివరాలు..

ఇక వాట్సాప్‌ తీసుకువచ్చిన కొత్త అప్డేట్‌ ఏంటంటే.. యూజర్లు నంబర్లు చెప్పకుండానే ఈజీగా కాంటాక్ట్స్‌ను  షేర్‌ చేసుకోవచ్చు. ఇందుకోసం వాట్సాప్‌.. ఒక ఆప్షన్‌ను అందిస్తోంది. అదే స్మార్ట్‌ వాట్సాప్‌ కాంటాక్ట్‌ షేరింగ్‌ ఆప్షన్‌. దీని సహాయంతో యూజర్లు నంబర్లు చెప్పకుండా.. ఇతరులతో కాంటాక్ట్స్ షేర్  చేసుకోవచ్చు.  ఇది యూజర్ల ప్రైవసీని పెంచడంలో సహాయపడుతుంది అంటున్నారు.

• ఇందుకోసం మీరు ముందుగా వాట్సాప్‌ ఒపెన్‌ చేయాలి.
• ఒకవేళ మీ వాట్సాప్‌ అప్‌డేట్‌ కాకపోతే.. మీరు ప్లే స్టోర్‌ నుంచి దాన్ని అప్‌డేట్‌ చేసుకోవాలి.
• తర్వాత సెట్టింగ్స్‌ ఆప్షన్‌కి వెళ్లాలి.
• ప్రొఫైల్‌ ఫొటో కుడివైపున మీరు క్యూర్‌ కోడ్‌ స్కానర్‌ కోసం ఒక ఆప్షపన్‌ చూస్తారు. దానిపై క్లిక్‌ చేయండి.
• అది కొత్త పేజ్‌ని ఓపెన్‌ చేస్తుంది.
• తర్వాత మీరు ఎవరితోనైనా క్యూఆర్‌ కోడ్‌ను షేర్‌ చేసుకోవచ్చు.
• ఇందుకోసం మీకు పైన మూలలో షేరింగ్‌ ఆప్షన్‌ కూడా కనిపిస​ఉతంది.
• దానిపై నొక్కిన తర్వాత మీరె ఎవరితో షేర్‌ చేయాలనుకుంటున్నారో.. వారితో కాంటాక్ట్స్‌ షేర్‌ చేసుకోవచ్చు.
• ఇక గతంలో కూడా వాట్సాప్‌ ఒక కొత్త అప్‌డేట్‌ను రిలీజ్‌ చేసింది.
• దీని సాయంతో హెచ్‌ డీ ఫొటోలు, వీడియోలను ఆటోమాటిక్‌గా షేర్‌ చేయవచ్చు.

ఇక వాట్సాప్‌ ఎప్పటికప్పుడు సరికొత్త అప్‌డేట్స్‌ తీసుకు వస్తూ.. యూజర్ల ప్రైవసీకి అధికా ప్రాధాన్యత ఇస్తోంది.