Realme Narzo 70 Turbo లాంచ్ డేట్ వచ్చేసింది.. ఎప్పుడంటే?

రియల్ మీ తన ఫోన్లతో మంచి ప్రజాదరణ పొందింది. తాజాగా ఈ కంపెనీ నార్జో 70 టర్బో 5జి స్మార్ట్ ఫోన్ ని లాంచ్ చేయబోతున్నట్లు ప్రకటించింది. దీంతో అందరి చూపు దీనిపై మళ్లింది. ఈ స్మార్ట్ ఫోన్ కి సంబంధించి కంపెనీ నుంచి వచ్చిన ఫోటోలు ఎంతగానో ఆకట్టుకున్నాయి. ఫొటోల్లో ఈ స్మార్ట్ ఫోన్ డిజైన్ చూస్తే ఇదో సూపర్ స్టైలిష్ ఫోన్ అని అర్ధం అవుతుంది. తాజాగా ఈ స్మార్ట్ ఫోన్ లాంచ్ డేట్ ను అనౌన్స్ చేసింది కంపెనీ. ఈ సరికొత్త రియల్ మీ నార్జో 70 టర్బో ఫోన్ సూపర్ ఫీచర్లతో రాబోతున్నట్లు సమాచారం తెలుస్తుంది. ఇక ఈ స్మార్ట్ ఫోన్ లాంచ్ డేట్ కి సంబంధించి పూర్తి వివరాలని ఇప్పుడు మనం తెలుసుకుందాం.

ముందుగా ఈ స్మార్ట్ ఫోన్ విషయానికి వస్తే.. ఇది మీడియాటెక్ లేటెస్ట్ మిడ్ రేంజ్ ప్రోసెసర్ తో వస్తుంది. ఈ స్మార్ట్ ఫోన్ ని మీడియాటెక్ డైమెన్సిటీ 7300 ఆక్టా కోర్ చిప్ సెట్ తో లాంచ్ చేయబోతున్నట్లు కంపెనీ తెలిపింది. ఈ సూపర్ స్మార్ట్ ఫోన్ యొక్క డైమెన్సిటీ చిప్ సెట్ 750K AnTuTu స్కోర్ ను కలిగి ఉంటుంది. అందువల్ల ఇది మంచి పెర్ఫార్మెన్స్ ఇస్తుందని రియల్ మీ కంపెనీ తెలిపింది. ఈ సూపర్ స్మార్ట్ ఫోన్ 4nm ఫ్యాబ్రికేషన్ పై రన్ అవుతుంది. ఇది ఎఫిషియంట్ గా ఉంటుంది. ఈ స్మార్ట్ ఫోన్ స్లీక్ డిజైన్ తో వస్తుందని కంపెనీ తెలిపింది. ఇది కేవలం 7.6mm మందం మాత్రమే ఉంటుంది. కేవలం 185 గ్రాముల బరువుతో చాలా తేలికగా ఉంటుందట.

ఈ స్మార్ట్ ఫోన్ ర్యామ్, ఇంటర్నల్ స్టోరేజ్ విషయానికి వస్తే.. ఇది 6GB + 128GB, 8GB + 128GB, 8GB + 256GB ఇంకా 12GB + 256GB వర్షన్ లో రానున్నట్లు తెలుస్తుంది. ర్యామ్ ని బట్టి ఈ స్మార్ట్ ఫోన్ ధరలు ఉంటాయట. ఈ స్మార్ట్ ఫోన్ కెమెరా విషయానికి వస్తే..బ్యాక్ కెమెరా 50 మెగా పిక్సల్ ఉంటుంది. దీని ఫ్రంట్ కెమెరా 8 మెగా పిక్సల్ లేదా 16 మెగా పిక్సల్ ఉంటుంది. ఈ స్మార్ట్ ఫోన్ ను సెప్టెంబర్ 9వ తేదీన మధ్యాహ్నం 12 గంటలకు భారత మార్కెట్లో విడుదల చేస్తున్నట్లు రియల్ మీ కంపెనీ ప్రకటించింది. ఇక దీని ధరకి సంబంధించిన పూర్తి వివరాలని కంపెనీ అప్పుడు వెల్లడించనుంది. మరి ఈ స్మార్ట్ ఫోన్ లాంచ్ గురించి మీ అభిప్రాయాన్ని కామెంట్ రూపంలో తెలియజేయండి.