బడ్జెట్ ధరకే Infinix Hot 50 స్మార్ట్ ఫోన్.. లాంచ్ ఎప్పుడంటే?

ఇన్ఫీనిక్స్ తన తాజా స్మార్ట్ ఫోన్ ఇన్ఫీనిక్స్ హాట్ 50 లాంచ్ డేట్ ని కన్ఫామ్ చేసింది. ఈ స్మార్ట్ ఫోన్ సెప్టెంబర్ 5న రానున్నట్లు తెలిపింది కంపెనీ. ఈ ఫోన్ యొక్క ప్రత్యేకత ఏంటంటే.. కంపెనీ ఈ ఫోన్ ని చాలా స్లిమ్ గా డిజైన్ చేసింది. ఇది ఇండియాలోనే అతి సన్నని ఫోన్ అని కంపెనీ వెల్లడించింది. ఇటీవల కంపెనీ ఈ ఫోన్ టీజర్ ని విడుదల చేసింది. ఈ స్మార్ట్ ఫోన్ బ్లూ, గ్రీన్ కలర్ ఆప్షన్లలో రాబోతున్నట్లు తెలుస్తుంది. ఈ స్మార్ట్ ఫోన్ ఎంతో ఆకర్షణీయంగా ఉంటుందని తెలుస్తుంది. కచ్చితంగా ఈ ఫోన్ ప్రేక్షకాదరణ పొందుతుందని కంపెనీ భావిస్తుంది. ఇక ఈ స్మార్ట్ ఫోన్ గురించి పూర్తి వివరాలు ఇప్పుడు మనం తెలుసుకుందాం.

ఇన్ఫీనిక్స్ హాట్ 50 స్మార్ట్ ఫోన్ బాడీ 7.8 మీ.మీ. థిక్నెస్ తో డిజైన్ చేయబడింది. ఈ ఫోన్ లో వెనుక ట్రిపుల్ రియర్ కెమెరా వుంది. ఈ ఫోన్ కెమెరా మోడ్యూల్ ను రెగ్యులర్ గా కాకుండా డిఫెరెంట్ స్క్వేర్ షేప్ లో కంపెనీ డిజైన్ చేసింది. ఇది చూడటానికి ఎంతో అందంగా ఉంటుంది. ఇంకా అంతేకాదు, ఈ ఫోన్ కెమెరాకి డ్యూయల్ ఫ్లాష్ ను కూడా సపోర్ట్ గా అందించింది కంపెనీ. ఈ ఫోన్ హెచ్ డీ ప్లస్ డిస్ప్లే తో రాబోతుంది. అది 1600X720 రిజొల్యూషన్ తో రానుంది. ఈ స్మార్ట్ ఫోన్ 8 జీబీ ఇంకా 4 జీబీ ర్యామ్ లతో రానుంది. MT6835V మీడియా టెక్ చిప్ సెట్ 6100+ SoC డైమెన్సిటీతో ఈ స్మార్ట్ ఫోన్ రానుంది. ఈ స్మార్ట్ ఫోన్ ఆండ్రాయిడ్ 14 ఓఎస్ తో రానుంది.

ఇంకా ఈ ఫోన్ విషయానికి వస్తే.. ఇందులో 128 జీబీ ఇంటర్నల్ స్టోరేజ్ ఉంటుందని తెలుస్తుంది. ఇది నీరు మరియు దుమ్ము, ధూళిని తట్టుకునేలా చేయడానికి IP54 సర్టిఫికేషన్‌తో రానుంది. ఈ ఫోన్ బ్యాటరీ 5000 ఎంఏహెచ్ లేదా 4900 ఎంఏహెచ్ ఉంటుందని తెలుస్తుంది. ఈ ఫోన్ ధర బడ్జెట్ లోనే ఉంటుందని తెలుస్తుంది. దీని ధర 10 వేల లోపే ఉంటుందని సమాచారం. కానీ దీని అధికారిక ధర ఇంకా పూర్తి వివరాలు మాత్రం లాంచ్ అయ్యాకే వెల్లడి కానున్నాయి. మరి చూడాలి ఈ స్మార్ట్ ఫోన్ ఏ విధంగా ఆకట్టుకుంటుందో.. ఇక ఈ స్మార్ట్ ఫోన్ పై మీ అభిప్రాయాన్ని కామెంట్ రూపంలో తెలియజేయండి.