అఫీషియల్: లక్నో మెంటార్​గా లెజెండ్ జహీర్ ఖాన్.. స్పెషల్ వీడియోతో అనౌన్స్​మెంట్!

ఐపీఎల్-2025కు ఇంకా చాలా టైమ్ ఉంది. మెగా ఆక్షన్ కూడా ఏడాది ఆఖర్లో జరగనుంది. కానీ ఇప్పటి నుంచే ఫ్రాంచైజీలు అలర్ట్ అవుతున్నాయి. తమకు కావాల్సిన ప్లేయర్లను అట్టి పెట్టుకోవడం, వద్దనుకున్న వారికి బైబై చెప్పడం స్టార్ట్ చేస్తున్నాయి. ఈ మేరకు వారికి సమాచారం ఇస్తున్న టీమ్స్.. కోచింగ్ స్టాఫ్​ను కూడా మార్చేస్తున్నాయి. ఆస్ట్రేలియా దిగ్గజం రికీ పాంటింగ్​కు ఢిల్లీ క్యాపిటల్స్ టాటా చెప్పేసింది. ఇతర జట్లు కూడా తమ కోచ్​లు, కెప్టెన్లను మార్చే పనిలో పడ్డాయి. ఈ తరుణంలో లక్నో సూపర్ జియాంట్స్ ఫ్రాంచైజీ కీలక ప్రకటన చేసింది. తమ కొత్త మెంటార్​గా టీమిండియా లెజెండరీ పేసర్ జహీర్​ ఖాన్​ను నియమించినట్లు వెల్లడించింది. ఈ మేరకు ఓ స్పెషల్ వీడియోను రిలీజ్ చేసింది ఎల్​ఎస్​జీ.

లక్నోలోని యంగ్ క్రికెటర్లు బౌలింగ్ చేస్తున్న వీడియోను షేర్ చేసింది ఎల్​ఎస్​జీ. ఈ ప్లేయర్లందరూ జహీర్ ఖాన్ బౌలింగ్ యాక్షన్​ను కాపీ చేస్తూ కనిపించారు. అతడి మాదిరిగానే పరిగెత్తుతూ జంప్ చేసి బౌలింగ్ చేశారు. ఆ తర్వాత జహీర్​ భారత్ తరఫున ఆడినప్పటి విజువల్స్​ను చూపించారు. ఆఖర్లో ఎంట్రీ ఇచ్చిన జహీర్.. లక్నోకు వచ్చేశా అని అన్నాడు. ఈ వీడియోతో పాటు మరో ఫొటోను ఎల్​ఎస్​జీ ఫ్రాంచైజీ షేర్ చేసింది. ఇందులో టీమ్ ఓనర్ సంజీవ్ గోయెంకా 34వ నంబర్ జెర్సీని జహీర్​కు ఇస్తూ జట్టులోకి ఆహ్వానించడాన్ని చూడొచ్చు. జహీర్ లక్నోకు మెంటార్​గా వెళ్లడంపై సోషల్ మీడియాలో నెటిజన్స్ రియాక్ట్ అవుతున్నారు. సరైనోడ్ని దింపారని, ఇంక ఎల్​ఎస్​జీకి తిరుగుండదని అంటున్నారు.

గౌతం గంభీర్​కు సరైన రీప్లేస్​మెంట్ జహీర్ అని అంటున్నారు నెటిజన్స్. డొమెస్టిక్, ఇంటర్నేషనల్ క్రికెట్​తో పాటు ఐపీఎల్​లో అతడికి సుదీర్ఘ కాలం ఆడిన అనుభవం ఉందని.. అది టీమ్​కు ఎంతో ప్లస్ చేస్తుందని చెబుతున్నారు. కూల్​గా, కామ్​గా తన పని తాను చేసుకుపోయే జహీర్ వల్ల ఎంతో మంది యంగ్ టాలెంట్ వెలుగులోకి వచ్చే ఛాన్స్ ఉందని అంటున్నారు. ఇక, మెంటార్​గా బాధ్యతలు చేపట్టిన జహీర్ తన బెస్ట్ ఇవ్వాల్సి ఉంటుంది. ఎందుకంటే ఇంతకుముందు ఈ పొజిషన్​లో ఉన్న గంభీర్.. మెంటార్​గా సక్సెస్ అయ్యాడు. లక్నో టీమ్​ను బాగా నడిపించాడు. ఆ తర్వాత కేకేఆర్​కు మెంటార్​గా వెళ్లి అక్కడా సక్సెస్ అయి.. ఇప్పుడు టీమిండియా కోచ్​గా బిజీగా ఉన్నాడు. గౌతీ రోల్​లోకి వెళ్తున్నాడు కాబట్టి జహీర్​పై అంచనాలు, ఒత్తిడి రెండూ ఉంటాయి. దీన్ని అధిగమించి అతడు టీమ్​ను ఎలా నడిపిస్తాడో చూడాలి. మరి.. ఎల్​ఎస్​జీ మెంటార్​గా జహీర్ సక్సెస్ అవుతాడని మీరు భావిస్తే కామెంట్ చేయండి.

Zaheer, Lucknow ke dil mein aap bohot pehle se ho 🇮🇳💙 pic.twitter.com/S5S3YHUSX0

— Lucknow Super Giants (@LucknowIPL) August 28, 2024

Zaheer Khan once suggested Ganguly to promote Sehwag as an opener and the rest, is history.

With an eye for talent, Zak is the perfect person to mentor a young team like the LSG.

Excited to see how the talent blossom under his guidance.#ZaheerNowSuperGiant pic.twitter.com/tQ4WqFFOa3

— Johns. (@CricCrazyJohns) August 28, 2024