భారత స్టార్ బౌలర్ మహ్మద్ షమి లైఫ్లోకి ఓ కొత్త అమ్మాయి రావడం చర్చనీయాంశంగా మారింది. ఆమె రాక వల్లే షమి అద్భుతంగా రాణిస్తున్నాడని.. వరల్డ్ కప్లో అతడి తలరాత మార్చేసిందని అంటున్నారు.
భారత స్టార్ బౌలర్ మహ్మద్ షమి లైఫ్లోకి ఓ కొత్త అమ్మాయి రావడం చర్చనీయాంశంగా మారింది. ఆమె రాక వల్లే షమి అద్భుతంగా రాణిస్తున్నాడని.. వరల్డ్ కప్లో అతడి తలరాత మార్చేసిందని అంటున్నారు.
వన్డే ప్రపంచ కప్-2023లో టీమిండియా వరుస విజయాలతో దుమ్మురేపుతోంది. ఒకటి, రెండు కాదు.. ఇప్పటిదాకా ఆడిన 8 మ్యాచుల్లోనూ నెగ్గి హాట్ ఫేవరెట్గా అవతరించింది రోహిత్ సేన. లీగ్ స్టేజ్లో భాగంగా నెదర్లాండ్స్తో చివరి మ్యాచ్లో తలపడనుంది. ఈ మ్యాచ్ అంత ఇంపార్టెంట్ కాదు కాబట్టి నాకౌట్ ఫైట్ పైనే భారత్ ఫోకస్ చేస్తోంది. ఇప్పటికే ఒక సెమీస్లో సౌతాఫ్రికా-ఆస్ట్రేలియాలు పోటీపడతాయని తెలిసిపోయింది. మరో సెమీస్లో టీమిండియాతో తలపడబోయేది ఎవరో తేలాల్సి ఉంది. న్యూజిలాండ్, పాకిస్థాన్ల్లో ఒక టీమ్తో రోహిత్ సేన ఆడే అవకాశాలు ఉన్నాయి. ఏ టీమ్ వచ్చినా రండి చూస్కుందామంటూ సవాల్ విసురుతున్నారు భారత క్రికెటర్లు. ఈ వరల్డ్ కప్లో టీమిండియా భీకర ఫామ్లో ఉంది.
వరల్డ్ కప్లో భారత వరుస విజయాల్లో బ్యాటర్ల పాత్ర ఎంత ఉందో.. అంతకంటే ఎన్నో రెట్లు బౌలర్ల రోల్ ఉందని చెప్పొచ్చు. మొదట బ్యాటింగ్ చేసినా లేదా ఛేజింగ్ చేసినా మన బ్యాట్స్మెన్ అంత స్వేచ్ఛగా ఆడుతున్నారంటే బౌలర్ల మీద ఉన్న నమ్మకమనే చెప్పాలి. ముఖ్యంగా భారత పేస్ అటాక్ ధాటికి ప్రత్యర్థి బ్యాట్స్మెన్ క్రీజులో నిలబడలేకపోతున్నారు. సీనియర్ స్పీడ్స్టర్ మహ్మద్ షమి వచ్చాక భారత బౌలింగ్ డెప్త్ మరింత పెరిగింది. మెగా టోర్నీలో ఆడిన నాలుగు మ్యాచుల్లో కలిపి ఏకంగా 16 వికెట్లు పడగొట్టిన షమి మోస్ట్ డేంజరస్ బౌలర్గా మారాడు. అతడి సీమ్ డెలివరీస్ను ఎదుర్కోవాలంటేనే టాప్ బ్యాటర్స్ కూడా భయపడుతున్నారు. షమి బౌలింగ్ వేస్తుంటే దాదాపుగా ప్రతి బాల్కు వికెట్ పడుతుందేమోనని అనిపిస్తోంది. దీన్ని బట్టే వెటరన్ పేసర్ బౌలింగ్లో పదును ఎలా ఉందో అర్థం చేసుకోవచ్చు.
షమి బౌలింగ్ గురించి సోషల్ మీడియాలో పెద్ద చర్చే నడుస్తోంది. అతడి బౌలింగ్ సూపర్బ్ అని.. మాజీ భార్య హసీన్ జహాన్ను ఊహించుకొని వికెట్లను టార్గెట్ చేసి బ్యాటర్లను బౌల్డ్ చేస్తున్నాడంటూ నెటిజన్స్ కామెంట్స్ చేస్తున్నారు. అయితే ఇదే టైమ్లో షమి లైఫ్లోకి ఒక కొత్తమ్మాయి వచ్చిందని నెట్టింట వినిపిస్తోంది. ఆ అమ్మాయి రావడం వల్లే వరల్డ్ కప్లో షమి తలరాత మారిందని కామెంట్స్ వినిపిస్తున్నాయి. ఆ అమ్మాయి మరెవరో కాదు.. హీరోయిన్ పాయల్ ఘోష్ అని టాక్. యంగ్ టైగర్ జూనియర్ ఎన్టీఆర్ ‘ఊసరవెల్లి’లో తమన్నాకు ఫ్రెండ్గా నటించిందీ బ్యూటీ. తెలుగు ఆడియెన్స్కు సుపరిచితమైన ఈ సుందరి.. క్రికెటర్ షమీకి ప్రపోజ్ చేసిందని తెలుస్తోంది. అయితే భారత పేసర్ తన ఇంగ్లీష్ను మెరుగుపర్చుకుంటేనే తాను పెళ్లి చేసుకుంటానని ఒక కండీషన్ పెట్టిందని తెలిసింది.
సెమీఫైనల్లో బెస్ట్‌ పెర్ఫార్మెన్స్ ఇవ్వడానికి తన నుంచి ఏదైనా సాయం కావాలా చెప్పాలని షమీని ట్విట్టర్లో కోరింది పాయల్ ఘోష్. ముందుగా టీమిండియా ఫైనల్స్లో ప్లేస్ సంపాదించాలని.. అక్కడ షమి హీరోగా నిలిస్తే చూడాలని ఉందని ఆమె పేర్కొంది. అయితే టీమిండియా పేసర్తో పాయల్ ప్రేమలో పడిందా? లేదా పబ్లిసిటీ కోసమే ఇలా ట్వీట్ చేసిందా? అని సోషల్ మీడియాలో క్రికెట్ ఫ్యాన్స్ ప్రశ్నిస్తున్నారు. పాయల్ ఇచ్చిన ఆఫర్ వల్లే షమి చెలరేగి బౌలింగ్ చేస్తున్నాడని కొందరు నెటిజన్స్ కామెంట్స్ చేస్తున్నారు. కాగా, హసీన్ జహాన్ అనే మహిళను 2014లో షమి పెళ్లాడాడు. వారికి ఆ మరుసటి ఏడాది ఒక కూతురు పుట్టింది. అయితే షమి తనను వేధిస్తున్నాడంటూ 2018లో అతడిపై కేసు పెట్టింది హసీన్. అప్పటి నుంచి ఈ జంట వేర్వేరుగా ఉంటున్నారు. ఈ కేసు విషయంలో రీసెంట్గా తీర్పును ఇచ్చిన కోల్కతా కోర్టు.. హసీన్కు భరణం కింద ప్రతి నెలా రూ.1.30 లక్షలు చెల్లించాలని షమీని ఆదేశించింది.
ఇదీ చదవండి: బంగ్లా కెప్టెన్ షకీబ్ పరువు తీసిన క్రిస్ వోక్స్.. అంపైర్ దగ్గరకు వెళ్లి..!
#Shami Tum apna English sudharlo, I’m ready to marry you 🤣🤣
— Payal Ghoshॐ (@iampayalghosh) November 2, 2023
