వన్డే వరల్డ్ కప్లో సంచలన ప్రదర్శనలతో అందర్నీ షాక్కు గురిచేస్తున్నాడు భారత స్పీడ్స్టర్ మహ్మద్ షమి. నాకౌట్ మ్యాచ్లో న్యూజిలాండ్ను చిత్తు చేయడంలో అతడిదే మెయిన్ రోల్.
వన్డే వరల్డ్ కప్లో సంచలన ప్రదర్శనలతో అందర్నీ షాక్కు గురిచేస్తున్నాడు భారత స్పీడ్స్టర్ మహ్మద్ షమి. నాకౌట్ మ్యాచ్లో న్యూజిలాండ్ను చిత్తు చేయడంలో అతడిదే మెయిన్ రోల్.
ప్రతిష్టాత్మక వన్డే వరల్డ్ కప్-2023 వేటలో మరో అడుగు ముందుకేసింది భారత్. న్యూజిలాండ్తో బుధవారం జరిగిన సెమీస్ ఫైట్లో 70 రన్స్ తేడాతో నెగ్గి ఫైనల్కు దూసుకెళ్లింది. మెగా టోర్నీలో ఛాంపియన్గా నిలవాలంటే ఇంకొక్క మ్యాచ్ గెలిస్తే చాలు. సౌతాఫ్రికా-ఆస్ట్రేలియా మధ్య జరిగే సెకండ్ సెమీఫైనల్లో నెగ్గిన టీమ్తో టీమిండియా తుదిపోరులో తాడోపేడో తేల్చుకోనుంది. అయితే కివీస్పై విజయం ఊరికే రాలేదు. గత వరల్డ్ కప్స్ రికార్డులు భయపెడుతున్న వేళ, ఫుల్ ప్రెజర్లో భారత్ టీమ్ సత్తా చాటింది. న్యూజిలాండ్ ఆఖరి వరకు పోరాడినా అప్పటికే మ్యాచ్ మన చేతుల్లోకి వచ్చేసింది. ఈ మ్యాచ్లో బ్యాటింగ్లోనూ మనోళ్లు కుమ్మేశారు.
టాస్ నెగ్గి బ్యాటింగ్కు దిగిన టీమిండియాకు రోహిత్ శర్మ (29 బంతుల్లో 47), శుబ్మన్ గిల్ (66 బంతుల్లో 80) అదిరిపోయే స్టార్ట్ ఇచ్చారు. ముఖ్యంగా హిట్మ్యాన్ కివీస్ టాప్ బౌలర్లైన ట్రెంట్ బౌల్ట్, టిమ్ సౌతీని టార్గెట్ చేసుకొని హిట్టింగ్కు దిగాడు. గిల్ కూడా అడపాదడపా బౌండరీలు బాదడంతో స్కోరు 8 ఓవర్లలోనే 70 రన్స్కు చేరుకుంది. ఆ తర్వాత రోహిత్ పెవిలియన్కు చేరుకున్నా.. విరాట్ కోహ్లీ (113 బంతుల్లో 117), శ్రేయస్ అయ్యర్ (70 బంతుల్లో 105) సెంచరీలతో దుమ్మురేపారు. అయ్యర్ అయితే మెరుపు బ్యాటింగ్తో న్యూజిలాండ్కు చుక్కలు చూపించాడు.
కింగ్ కోహ్లీ ఒక ఎండ్లో పాతుకుపోగా.. అయ్యర్ మరో ఎండ్లో భారీ షాట్లు ఆడుతూ స్కోరు బోర్డును పరుగులు పెట్టించాడు. ఆఖర్లో కేఎల్ రాహుల్ (20 బంతుల్లో 39) కూడా బౌండరీలు, సిక్సులు బాదడంతో టీమ్ 397 రన్స్ చేసింది. ఇక ఛేజింగ్కు దిగిన న్యూజిలాండ్ను వెటరన్ పేసర్ మహ్మద్ షమి ఒంటిచేత్తో కుప్పకూల్చాడు. ఏడుగురు కివీస్ బ్యాటర్లను అతనొక్కడే ఔట్ చేశాడు. దీన్ని బట్టే మ్యాచ్లో అతడి బౌలింగ్ ఏ రేంజ్లో సాగిందో అర్థం చేసుకోవచ్చు. కేన్ విలియమ్సన్ (73 బంతుల్లో 69), డారిల్ మిచెల్ (119 బంతుల్లో 134) బ్యాటింగ్ చేస్తున్నప్పుడు కివీస్ ఛేజ్ చేసేస్తుందేమోనని అనిపించింది. కానీ వీళ్లిద్దర్నీ షమీనే పెవిలియన్కు పంపాడు.
ఏడు వికెట్లు తీసి భారత్ విజయంలో కీలక పాత్ర పోషించిన మహ్మద్ షమి ప్లేయర్ ఆఫ్ ది మ్యాచ్ అవార్డు దక్కించుకున్నాడు. దీంతో ఈ పేసర్పై ప్రశంసల వర్షం కురుస్తోంది. ఎంఎస్ ధోని కెప్టెన్సీలో టీమిండియాలో చోటు దక్కించుకున్నాడీ పేసర్. ధోని సపోర్ట్తో జట్టులో ప్లేస్ను ఫిక్స్ చేసుకున్నాడు. అప్పట్లో మాహీ పెట్టుకున్న నమ్మకం వల్లే ఈ స్థాయికి చేరుకున్నాడు షమి. ధోని తర్వాత కెప్టెన్సీ చేసిన కోహ్లీతో పాటు ప్రస్తుత సారథి రోహిత్ కూడా ఈ సీనియర్ బౌలర్కు అండగా ఉన్నారు.
ఏ ప్లేయర్కైనా తన ఫస్ట్ కెప్టెన్ ముఖ్యం కాబట్టి షమి కెరీర్లో ధోని రోల్ను ఎవరూ మర్చిపోలేరు. అలాంటి మాహీ తన మీద ఉంచిన నమ్మకాన్ని నిలబెడుతూ వరల్డ్ కప్లో రెచ్చిపోతున్నాడు షమి. నాకౌట్ మ్యాచ్లో ఏడు వికెట్లు తీశాడతను. దీంతో ధోని ఫ్యాన్స్ అతడ్ని మెచ్చుకుంటున్నారు. మాహీ జెర్సీ నంబర్ 7.. షమి వికెట్ల సంఖ్య కూడా ఏడేనని.. తన తొలి కెప్టెన్ రుణాన్ని ఈ విధంగా తీర్చుకున్నాడని అంటున్నారు. మాహీ జెర్సీ నంబర్కు సరిపోయేలా వికెట్లు తీయడమే గాక టీమిండియాను ఫైనల్కు చేర్చాడని.. అందర్నీ గర్వపడేలా చేశాడంటూ కామెంట్స్ చేస్తున్నారు. మరి.. షమి పెర్ఫార్మెన్స్ మీకెలా అనిపించిందో కామెంట్ల రూపంలో తెలియజేయండి.
ఇదీ చదవండి: సొంత ఊరులో ధోని సందడి.. మహిళ పాదాలకు నమస్కారం..
Bro took exactly 7 wickets just like the jersey number of his first captain pic.twitter.com/puDY8Kkw6L
— Sagar (@sagarcasm) November 15, 2023
