Yuvraj Singh: పాక్​ను చిత్తు చేసి విజేతగా భారత్.. యువరాజ్ ఆల్​టైమ్ రికార్డ్!

భారత్ మరో కప్పును సొంతం చేసుకుంది. వరల్డ్ ఛాంపియన్​షిప్ ఆఫ్ లెజెండ్స్ టోర్నీ​ ఫైనల్​లో చిరకాల ప్రత్యర్థి పాకిస్థాన్​ను చిత్తు చేసి ఛాంపియన్​గా అవతరించింది. శనివారం రాత్రి బర్మింగ్​హామ్​లో జరిగిన ఫైనల్ మ్యాచ్​లో దాయాదులు ఢీ అంటే ఢీ అంటూ పోరాడాయి. అయితే మ్యాచ్ ఆఖరి వరకు పట్టు వదలని టీమిండియా విజేతగా నిలిచింది. ఈ మ్యాచ్​లో తొలుత బ్యాటింగ్​కు దిగిన పాక్ 6 వికెట్ల నష్టానికి 156 పరుగులు చేసింది. షోయబ్ మాలిక్ (36 బంతుల్లో 41), కమ్రాన్ అక్మల్ (19 బంతుల్లో 24) రాణించారు. భారత బౌలర్లలో అనురీత్​ సింగ్ 3 వికెట్లతో సత్తా చాటాడు. ఇర్ఫాన్ పఠాన్ ఒక వికెట్ పడగొట్టాడు. ఆ తర్వాత ఛేజింగ్​కు దిగిన మెన్ ఇన్ బ్లూ.. ఇంకో 5 బంతులు ఉండగా లక్ష్యాన్ని చేరుకుంది.

అంబటి రాయుడు (30 బంతుల్లో 50), గురుకీరత్ సింగ్ మాన్ (33 బంతుల్లో 34) రాణించారు. టోర్నీ మొత్తం ఫర్వాలేదనిపించిన రాయుడు.. ఫైనల్​లో మాత్రం బ్యాట్​తో చెలరేగిపోయాడు. 5 బౌండరీలు బాదిన ఈ తెలుగు తేజం.. 2 భారీ సిక్సులతో పాక్ బౌలర్లను రఫ్ఫాడించాడు. ఆఖర్లో యూసుఫ్ పఠాన్ (16 బంతుల్లో 30) కూడా భారీ సిక్సులతో ప్రత్యర్థి బౌలర్లపై విరుచుకుపడ్డాడు. అతడు ఔట్ అయినా కెప్టెన్ యువరాజ్ సింగ్ (15) మిగిలిన పనిని పూర్తి చేశాడు. ఈ మ్యాచ్​తో యువీ ఆల్​టైమ్ రికార్డ్ క్రియేట్ చేశాడు. సుదీర్ఘ కెరీర్​లో అతడు ఎన్నో మర్చిపోలేని విజయాలు అందుకున్నాడు. యంగ్ ఏజ్​లో అండర్-15తో పాటు అండర్-19 వరల్డ్ కప్​ విన్నర్​గా నిలిచాడు.

టీ20 ప్రపంచ కప్-2007తో పాటు వన్డే వరల్డ్ కప్-2011ను గెలుచుకున్న భారత జట్టులో యువరాజ్​ కీలక పాత్ర పోషించాడు. ఆ తర్వాత ఛాంపియన్స్ ట్రోఫీని కూడా అతడు చేజిక్కించుకున్నాడు. ఐపీఎల్​లో సన్​రైజర్స్ హైదరాబాద్ తరఫున ఆడుతూ ట్రోఫీని ఒడిసిపట్టాడు. ఇప్పడు వరల్డ్ ఛాంపియన్స్ ట్రోఫీని గెలుచుకొని తన కెరీర్​ను మరింత చిరస్మరణీయం చేసుకున్నాడు. వీటితో పాటు దులీప్ ట్రోఫీ, సాల్వే ఛాలెంజర్స్ ట్రోఫీ, బీసీసీఐ కార్పొరేట్ ట్రోఫీ, ఇరానీ కప్, టీ10 లీగ్, రోడ్ సేఫ్టీ ట్రోఫీ కూడా అతడి ఖాతాలో ఉండటం హైలైట్ అనే చెప్పాలి. వరల్డ్ ఛాంపియన్​షిప్ ఆఫ్ లెజెండ్స్  టోర్నీ ఆసాంతం అతడు బ్యాట్​తో చెలరేగిపోయాడు. భారీ సిక్సులు బాదుతూ వింటేజ్ యువీని తలపించాడు. అలాగే తన మార్క్ కెప్టెన్సీతో టీమ్​ను ఫైనల్ చేర్చడమే గాక పాక్​ను చిత్తు చేసి విజేతగా నిలబెట్టాడు. అతడి కెరీర్​లో ఇది ఆరో కప్పు కావడం విశేషం. ఒక ప్లేయర్ అన్ని మెగా టోర్నీల్లోనూ విజేతగా నిలిచి కప్ అందుకోవడం ఆల్​టైమ్ రికార్డ్ అనే చెప్పాలి.

• ఇదీ చదవండి: ఆ విషయంలో రోహిత్​ను ఫాలో అవుతున్న గిల్.. ఇంక అన్ని కప్పులు మనవే!

Yuvraj Singh in his career has won:

– U15 World Cup.
– U19 World Cup.
– T20 World Cup.
– ODI World Cup.
– Champions Trophy.
– IPL Trophy.
– Duleep Trophy.
– Salve Challengers Trophy.
– BCCI Corporate Trophy.
– Irani Cup.
– T10 League.
– Road Safety Trophy.
– WCL Trophy. pic.twitter.com/Gc84IMj89A

— Mufaddal Vohra (@mufaddal_vohra) July 14, 2024