టీ20 వరల్డ్ కప్-2024కు ఆతిథ్యం ఇస్తున్న వెస్టిండీస్ తమ స్క్వాడ్ను ప్రకటించింది. ఆ టీమ్లోని ఒక్కో ప్లేయర్ పేరు చెబితే వణికిపోవడం ఖాయం. ఇంత స్ట్రాంగ్గా ఉన్న విండీస్ను కప్పు కొట్టకుండా ఆపగలగడం చాలా కష్టంగానే కనిపిస్తోంది.
టీ20 వరల్డ్ కప్-2024కు ఆతిథ్యం ఇస్తున్న వెస్టిండీస్ తమ స్క్వాడ్ను ప్రకటించింది. ఆ టీమ్లోని ఒక్కో ప్లేయర్ పేరు చెబితే వణికిపోవడం ఖాయం. ఇంత స్ట్రాంగ్గా ఉన్న విండీస్ను కప్పు కొట్టకుండా ఆపగలగడం చాలా కష్టంగానే కనిపిస్తోంది.
క్రికెట్ లవర్స్ ఇప్పుడు ఐపీఎల్-2024 మాయలో ఉన్నారు. క్యాష్ రిచ్ లీగ్ గ్రూప్ దశ ముగింపునకు చేరుకుంది. ప్రతి జట్టు దాదాపుగా 10 మ్యాచ్లు ఆడేసింది. గ్రూప్ స్టేజీ ముగిశాక ప్లేఆఫ్స్, ఆ తర్వాత ఫైనల్తో టోర్నీ కంప్లీట్ అవుతుంది. అయితే ఐపీఎల్ ముగిసిన వెంటనే టీ20 వరల్డ్ కప్ రూపంలో ఆడియెన్స్కు మరింత వినోదం లభించనుంది. మెగా టోర్నీ కోసం ఇప్పటికే చాలా టీమ్స్ తమ స్క్వాడ్స్ను ప్రకటించాయి. ప్రపంచ కప్కు ముందు ఒకట్రెండు టీ20 సిరీస్లు ఆడేందుకు కూడా సన్నాహాలు చేస్తున్నాయి. ఈ తరుణంలో మెగా టోర్నీకి ఆతిథ్యం ఇస్తున్న వెస్టిండీస్ తమ వరల్డ్ కప్ జట్టును అనౌన్స్ చేసింది. ఆ టీమ్లోని ఆటగాళ్ల పేర్లను చూస్తే ఎవ్వరికైనా వెన్నులో వణుకు పుట్టాల్సిందే.
విండీస్ 15 మంది సభ్యులతో కూడిన వరల్డ్ కప్ స్క్వాడ్ను ప్రకటించింది. ఈ టీమ్కు రోమాన్ పావెల్ కెప్టెన్గా వ్యవహరించనున్నాడు. అతడితో పాటు స్టార్ ఆల్రౌండర్ ఆండ్రూ రస్సెల్, నికోలస్ పూరన్, షిమ్రాన్ హెట్మెయిర్, అల్జారీ జోసెఫ్, జాన్సన్ చార్లెస్, రోస్టన్ ఛేజ్, జేసన్ హోల్డర్, షై హోప్, అకీల్ హొస్సేన్, షమర్ జోసెఫ్, బ్రాండన్ కింగ్, గుడకేశ్ మోతీ, షెర్ఫేన్ రూథర్ఫర్డ్, రొమారియో షెఫర్డ్ జట్టులో చోటు దక్కించుకున్నారు. కరీబియన్ టీమ్ నిండా ఆల్రౌండర్లే ఉన్నారు. వీళ్లందరికీ బ్యాట్తో విధ్వంసం సృష్టించడం వెన్నతో పెట్టిన విద్య. పూరన్, రస్సెల్, హెట్మెయిర్, పావెల్.. ఇలా ఒకర్ని మించిన పించ్ హిట్టర్ మరొకరు. కొడితే బాల్ బౌండరీ లేదా సిక్స్కు వెళ్లాల్సిందే అనేలా విరుచుకుపడతారు.
వెస్టిండీస్ వరల్డ్ కప్ స్క్వాడ్ మీద సోషల్ మీడియాలో నెటిజన్స్ రియాక్ట్ అవుతున్నారు. ఇదేం టీమ్ సామి.. మొత్తం రాక్షసులతో నింపేశారుగా అని కామెంట్స్ చేస్తున్నారు. వీళ్లను తట్టుకొని నిలబడటం ఏ టీమ్ బౌలర్లకైనా అసాధ్యమేనని.. కప్పు కొట్టకుండా కరీబియన్ జట్టును ఆపడం కష్టమేనని అంటున్నారు. బౌలింగ్ కంటే బ్యాటింగ్ సూపర్బ్గా ఉందని, సొంత గ్రౌండ్స్లో ఆడనుండటం ఆ టీమ్కు మరింత బలం చేకూర్చుతుందని చెబుతున్నారు. బౌలింగ్ యూనిట్ కూడా రాణిస్తే విండీస్కు తిరుగుండదని కామెంట్స్ చేస్తున్నారు. అయితే ఈ జట్టులో సునీల్ నరైన్ లాంటి వరల్డ్ క్లాస్ స్పిన్నర్ ఒక్కడే మిస్సయ్యాడని అంటున్నారు. మరి.. విండీస్ స్క్వాడ్పై మీ ఒపీనియన్ను కామెంట్ చేయండి.
WEST INDIES T20 WORLD CUP SQUAD 🏆
Powell (C), Russell, Pooran, Hetmyer, Joseph, Charles, Chase, Holder, Hope, Akeal Hossain, Shamar, King, Motie, Rutherford and Shepherd. pic.twitter.com/7dChJijmYk
— Mufaddal Vohra (@mufaddal_vohra) May 3, 2024
