లండన్‌ వీధుల్లో బ్యాగులు మోసుకుంటూ తిరుగుతున్న కోహ్లీ! బిగ్ స్టార్‌ అయినా.. భార్యకు గులామే!

టీమిండియా టాప్ బ్యాటర్ విరాట్ కోహ్లీ ప్రొఫెషనల్ లైఫ్​కు ఎంత ఇంపార్టెన్స్ ఇస్తాడో పర్సనల్ లైఫ్​కు కూడా అంతే ప్రాధాన్యత ఇస్తాడు. కాస్త ఫ్రీ టైమ్ దొరికినా ఫ్యామిలీతో గడిపేందుకు ప్రయత్నిస్తాడు. భార్య అనుష్క శర్మతో అతడు ఎంత అన్యోన్యంగా ఉంటాడో తెలిసిందే. విరాట్ ఏదైనా సాధిస్తే అనుష్క సంతోషంతో మురిసిపోతుంది. ఒక్కోసారి కన్నీళ్లు పెట్టుకొని ఎమోషనల్ అయిపోతుంది. కోహ్లీ కూడా ఏది ఉన్నా అనుష్కతోనే పంచుకుంటాడు. సక్సెస్, ఫెయిల్యూర్ ఏదొచ్చినా ఆమెతోనే షేర్ చేసుకుంటాడు. ఈ స్టార్ కపుల్ ఖాళీ సమయంలో వెకేషన్స్​కు వెళ్లి ఎంజాయ్ చేస్తుంటారు. బంగ్లాదేశ్​తో సిరీస్​కు ముందు భారీ గ్యాప్ దొరకడంతో ఫ్యామిలీతో కలసి లండన్​లో ఎంజాయ్ చేస్తున్నాడు కింగ్.

అనుష్కతో కలసి లండన్​ వీధుల్లో కోహ్లీ తిరుగుతున్న వీడియో తాజాగా వైరల్ అవుతోంది. ఇందులో షాపింగ్ బ్యాగుల్ని మోసుకుంటూ కనిపించాడు విరాట్. వైట్​ టీ-షర్ట్, బ్లాక్ కలర్ ప్యాంట్​ వేసుకొని చేతులకు హ్యాండ్ బ్యాగ్ తగిలించుకొని అనుష్క నడుస్తుండగా.. పింక్ కలర్ షర్ట్​, నెత్తికి క్యాప్​తో ఉన్న కోహ్లీ బ్యాగులు పట్టుకొని ఆమెను ఫాలో అవుతూ కనిపించాడు. ఈ వీడియో చూసిన నెటిజన్స్.. ఎంత బిగ్ స్టార్ అయినా భార్యకు గులామే అని ఫన్నీ కామెంట్స్ చేస్తున్నారు. వరల్డ్​లో టాప్ క్రికెటర్ అయినా భార్య బ్యాగులు మోయక తప్పదని అంటున్నారు. ఇంకొందరు మాత్రం కోహ్లీ సింప్లిసిటీ సూపర్బ్‌ అని మెచ్చుకుంటున్నారు. అంత పెద్ద స్టార్ అయినా సాధారణ మనుషుల్లా ఉండటం అందరి వల్లా కాదని.. పర్సనల్ లైఫ్​లో ఇంత సింపుల్​గా ఉండటాన్ని ప్రశంసించాల్సిందేనని చెబుతున్నారు.

ఇక, ఈ మధ్య కోహ్లీ ఎక్కువగా లండన్​లోనే ఉంటున్నాడు. టీమిండియా మ్యాచ్​లు లేని టైమ్​లో అక్కడికి వెళ్లిపోతున్నాడు. అనుష్క శర్మ సహా ఇద్దరు పిల్లలు అక్కడే ఉంటుండటంతో విరాట్ కూడా ముంబై-లండన్ మధ్య ఎక్కువగా చక్కర్లు కొడుతున్నాడు. దీంతో అతడు అక్కడే సెటిల్ అయిపోతాడని రూమర్స్ వస్తున్నాయి. ఇప్పటికే లండన్​లో ఓ ఖరీదైన బంగ్లాను వాళ్లు కొనేశారని, త్వరలో అక్కడికి షిఫ్ట్ అవుతారని వినిపిస్తోంది. లండన్​లో అయితే సెలెబ్రిటీ స్టేటస్​కు దూరంగా, సింపుల్​గా మామూలు జనాల్లా లైఫ్​ను లీడ్ చేయొచ్చనే ఆలోచనతో విరుష్క దంపతులు ఉన్నారని సమాచారం. కొడుకు అకాయ్ పుట్టిన తర్వాత ఈ ఇద్దరూ అక్కడే ఎక్కువ సమయం గడపడం, వరల్డ్ కప్ సెలబ్రేషన్స్ ముగిశాక, అలాగే లంక టూర్ తర్వాత కూడా కోహ్లీ నేరుగా లండన్​కు వెళ్లిపోవడంతో అక్కడే సెటిల్ అవుతారనే రూమర్స్​కు మరింత బలం చేకూరినట్లయింది. మరి.. స్టార్ హోదా పక్కనబెట్టి కోహ్లీ సామాన్యుడిలా భార్యతో షాపింగ్ చేయడం, బ్యాగులు మోయడంపై మీ ఒపీనియన్​ను కామెంట్ చేయండి.

• ఇదీ చదవండి: ఛాన్స్ వస్తే పాకిస్థాన్​లో ఆడతా.. టీమిండియా స్టార్ ఇంట్రెస్టింగ్ కామెంట్స్!

 

View this post on Instagram

 

A post shared by BollywoodShaadis.com (@bollywoodshaadis)