కోట్లాది మంది భారత అభిమానుల ఆశలు మళ్లీ అడియాశలు అయ్యాయి. టీమిండియా ఇంకో వరల్డ్ కప్ను మిస్సయింది. దీంతో ఫ్యాన్స్ అందరూ లెజెండరీ ఆల్రౌండర్ యువరాజ్ సింగ్ను గుర్తుచేసుకుంటున్నారు.
కోట్లాది మంది భారత అభిమానుల ఆశలు మళ్లీ అడియాశలు అయ్యాయి. టీమిండియా ఇంకో వరల్డ్ కప్ను మిస్సయింది. దీంతో ఫ్యాన్స్ అందరూ లెజెండరీ ఆల్రౌండర్ యువరాజ్ సింగ్ను గుర్తుచేసుకుంటున్నారు.
టీమిండియా కల చేజారింది. మన జట్టు ఇంకో వరల్డ్ కప్ను మిస్సయింది. దీంతో భారత ఆటగాళ్లతో పాటు కోట్లాది మంది అభిమానులు నిరాశలో కూరుకుపోయారు. గతేడాది వన్డే వరల్డ్ కప్-2023ని చేజార్చుకున్న టీమిండియా.. తాజాగా అండర్-19 ప్రపంచ కప్నూ కోల్పోయింది. సీనియర్లు ఓడిన చోట కుర్రాళ్లు అయినా సత్తా చాటి కప్పును తీసుకొస్తారనుకుంటే వాళ్లూ సత్తా చాటడంలో ఫెయిలయ్యారు. అండర్-19 వరల్డ్ కప్లో భాగంగా ఆదివారం జరిగిన ఫైనల్ మ్యాచ్లో ఆస్ట్రేలియా చేతిలో 79 పరుగుల తేడాతో ఓటమిపాలైంది భారత్. సులువుగా నెగ్గాల్సిన మ్యాచులో బ్యాటర్ల వైఫల్యంతో ఓటమి మూటగట్టుకుంది. దీంతో అభిమానులు లెజెండరీ ఆల్రౌండర్ యువరాజ్ సింగ్ను తలచుకుంటున్నారు. యువీ మళ్లీ రావాలని కోరుకుంటున్నారు.
అన్ని జట్లను ఆస్ట్రేలియా భయపెడుతుంది. కానీ ఆసీస్నే వణికించాడు యువరాజ్. ముఖ్యంగా ఐసీసీ టోర్నీల్లో ఆ టీమ్ను రెండుసార్లు చావుదెబ్బ తీశాడు యువీ. తొలిసారి 2007లో స్టార్ ఆల్రౌండర్ కంగారూలను ఒక రేంజ్లో పోయించాడు. ఆ ఏడాది జరిగిన టీ20 వరల్డ్ కప్లో సెమీస్లో భారత్తో ఆసీస్ తలపడింది. ఆ మ్యాచ్లో మ్యాన్ ఆఫ్ ది మ్యాచ్గా నిలిచిన యువీ.. కంగారూల ఓటమిని శాసించాడు. 30 బంతుల్లోనే ఏకంగా 70 పరుగులు చేశాడు. దీంతో 20 ఓవర్లలో భారత్ 188 పరుగుల భారీ స్కోరు చేసింది. ఛేజింగ్లో ఆసీస్ 173 పరుగులకే పరిమితమై ఓటమిపాలైంది. ఆ తర్వాత 2011లో మరోమారు కంగారూలను ఆల్రౌండ్ పెర్ఫార్మెన్స్తో దెబ్బతీశాడు యువీ. ఆ టోర్నీ క్వార్టర్ ఫైనల్స్లో ఆసీస్తో మ్యాచ్లో 2 వికెట్లు తీయడమే గాక 57 పరుగులతో నాటౌట్గా నిలిచాడు. విన్నింగ్ షాట్తో మ్యాచ్ను ఫినిష్ చేశాడు.
2007, 2011 వరల్డ్ కప్స్లో ఆస్ట్రేలియాను ఫైనల్ చేరకుండా అడ్డుకున్నాడు యువరాజ్. అప్పుడు అతడు ఉన్న ఊపులో ఒకవేళ టైటిల్ ఫైట్ ఆసీస్తో జరిగినా చెలరేగి ఆడేవాడు. ఆ రెండు టోర్నీలనే కాదు.. క్వాలిటీ పేస్ అటాక్ కలిగిన కంగారూ టీమ్ ఎప్పుడు ఎదురుపడినా యువరాజ్ సూపర్బ్గా ఆడేవాడు. అందుకే సోషల్ మీడియాలో ఫ్యాన్స్, నెటిజన్స్ అతడ్ని తలచుకుంటున్నారు. ఫైనల్ ఫోబియా, ఆసీస్ ఫోబియా పోవాలంటే యువీ మళ్లీ రావాలని అంటున్నారు. రిటైర్ అయిన యువీ మళ్లీ రావడం కుదరదు కాబట్టి అతడి స్ఫూర్తిగా టీమ్లో ఉన్న క్రికెటర్లు ఫియర్లెస్ అప్రోచ్తో చెలరేగి ఆడాలని చెబుతున్నారు. యువీలా ఆడే మరో యంగ్స్టర్ అయినా ఎంట్రీ ఇస్తే ఈ కప్పు కష్టాలు పోతాయని కామెంట్స్ చేస్తున్నారు. ఆ యంగ్స్టర్ను యువీనే తయారు చేయాలని.. ద్రవిడ్ తర్వాత అతడు కోచింగ్ పగ్గాలు తీసుకోవాలని నెటిజన్స్ కామెంట్స్ చేస్తున్నారు.
ఇక, క్రికెట్లో ప్రస్తుతం ఆస్ట్రేలియా హవా నడుస్తోంది. ఫార్మాట్తో సంబంధం లేకుండా, సీనియర్ లేదా జూనియర్ అనే తేడా లేకుండా జెంటిల్మన్ గేమ్పై ఆ దేశం పెత్తనం చెలాయిస్తోంది. దీనికి వరుసగా సాధిస్తున్న ఐసీసీ ట్రోఫీలు సాక్ష్యమని చెప్పొచ్చు. ఒక్క ఏడాది కాలంలో మూడు ఐసీసీ టైటిల్స్ను కొట్టేసింది ఆసీస్. గతేడాది ఆరంభంలో వరల్డ్ టెస్ట్ ఛాంపియన్షిప్, అదే సంవత్సరం వన్డే వరల్డ్ కప్, తాజాగా అండర్-19 ప్రపంచ కప్ను దక్కించుకున్నారు కంగారూలు. అయితే ఈ మూడు సందర్భాల్లోనూ ఆ టీమ్ ఓడించింది భారత్నే కావడం గమనార్హం. ద్వైపాక్షిక టోర్నీల్లో దుమ్మురేపుతున్న టీమిండియా.. ఐసీసీ టోర్నీల్లోనూ ఫైనల్స్ వరకు ఈజీగా వెళ్తోంది. కానీ ఫైనల్లో ఆసీస్ను ఓడించలేక కప్పులు చేజార్చుకుంటోంది. దీంతో ఆ టీమ్ను ఓ రేంజ్లో పోయించిన యువీని ఫ్యాన్స్ గుర్తుచేసుకుంటున్నారు. అతడు తిరిగి రావాలని అంటున్నారు. మరి.. భారత్ కప్పు కల నెరవేర్చే మరో యువీ వస్తాడని మీరు అనుకుంటున్నట్లయితే కామెంట్ చేయండి.
ఇదీ చదవండి: U19 World Cup 2024: చేజారిన వరల్డ్ కప్.. గెలవాల్సిన మ్యాచ్లో మనోడి వల్లే ఓటమి!
The Name Is Yuvraj Singh!🔥 pic.twitter.com/PdGFCBzRxx
— RVCJ Media (@RVCJ_FB) February 12, 2024
Yuvraj Singh was built differently.
We are fortunate that he played for India and because of him we have two ICC World Cups to celebrate. pic.twitter.com/ckSkPdzzff
— Vishal. (@SPORTYVISHAL) February 11, 2024
