Troy Johnson: వీడియో: కళ్లు చెదిరే కాదు.. ఒళ్లు జలదరించే క్యాచ్‌!

ఒకప్పుడు క్రికెట్​లో బ్యాటింగ్, బౌలింగ్​కు ఇచ్చినంత ఇంపార్టెన్స్ ఫీల్డింగ్​కు ఇచ్చేవారు కాదు. క్యాచులు మిస్సయినా, రన్స్ లీకైనా పెద్దగా పట్టించుకునేవారు కాదు. కానీ ఇప్పుడు సిచ్యువేషన్ పూర్తిగా మారిపోయింది. బౌలింగ్, బ్యాటింగ్​కు ఎంత ప్రాముఖ్యత ఇస్తున్నారో ఫీల్డింగ్​కు అంతే ఇంపార్టెన్స్ ఇస్తున్నారు. ప్రతి జట్టు ప్రత్యేకంగా ఫీల్డింగ్ కోచ్​లను అపాయింట్ చేసుకుంటున్నాయి. టీమ్​లో ఉన్న ప్రతి ఆటగాడు గ్రౌండ్ ఫీల్డింగ్​తో పాటు క్యాచింగ్​పై స్పెషల్ ఫోకస్ పెట్టేలా చేస్తున్నాయి. బాగా పెర్ఫార్మ్ చేసిన వారికి మెడల్స్ ఇవ్వడం కూడా ఇటీవల వరల్డ్ కప్ టైమ్​లో చూశాం. భారత జట్టు మెగా టోర్నీలో బాగా ఫీల్డింగ్ చేసిన వారికి మెడల్స్ ఇచ్చి ఎంకరేజ్ చేసింది. ఇప్పుడు ఫీల్డింగ్ ప్రమాణాలు పెరగడంతో బెస్ట్ క్యాచ్​లు ఎక్కువయ్యాయి. అయితే ఇది మాత్రం అలాంటి ఇలాంటి క్యాచ్ కాదు.. ఒళ్లు జలదరించే క్యాచ్.

సూపర్ స్మాష్-2024 టోర్నమెంట్​లో భాగంగా వెల్లింగ్టన్, సెంట్రల్ డిస్ట్రిక్ట్స్ జట్ల మధ్య జరిగిన ఓ మ్యాచ్ జరిగింది. ఇందులో ఇద్దరు ప్లేయర్లు అద్భుతమైన క్యాచ్​తో అలరించారు. మీరు ఇప్పటిదాకా కళ్లు చెదిరే క్యాచులను మాత్రమే చూసుంటారు.. కానీ ఇది మాత్రం ఒళ్లు జలదరించే క్యాచ్. ఈ మ్యాచ్​లో సెంట్రల్ డిస్ట్రిక్ట్స్‌ బ్యాటర్ విల్ యంగ్ కొట్టిన బాల్ బాగా పైకి లేచింది. అది ఈజీగా బౌండరీకి పోతుందని అనిపించింది. కానీ ట్రాయ్ జాన్సన్ అనే ఫీల్డర్ ఆ బాల్​ను అందుకునేందుకు పరిగెత్తాడు. వెనక్కి పరిగెత్తుకుంటూ వెళ్లి సరిగ్గా బౌండరీ లైన్ దగ్గర దాన్ని అందుకున్నాడు. అయితే కిందపడిన జాన్సన్ ఫోర్ లైన్ దాటే లోపు గాల్లోకి ఎగిరి ఆ బాల్​ను వెనక్కి విసిరాడు. వెనుక నుంచి పరిగెత్తుకుంటూ వచ్చిన నిక్ కెల్లీ దాన్ని అందుకున్నాడు. దీంతో షాట్ కొట్టిన విల్ యంగ్ సహా గ్రౌండ్​లోని ఆడియెన్స్ అంతా షాకయ్యారు. వెల్లింగ్టన్ ప్లేయర్లు కూడా నమ్మశక్యం కాని క్యాచ్​ను చూసి​ నోరెళ్లబెట్టారు. అసలు ఇది నిజమేనా? అంటూ ఆశ్చర్యానికి లోనయ్యారు.

ట్రాయ్ జాన్సన్-నిక్ కెల్లీ పట్టిన క్యాచ్​కు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. దీన్ని చూసిన క్రికెట్ ఫ్యాన్స్ ఇదేం క్యాచ్​ రా బాబు అంటూ షాకవుతున్నారు. జెంటిల్మన్ గేమ్​లో ఇదే బెస్ట్ క్యాచ్ అని మెచ్చుకుంటున్నారు. వెనక్కి పరిగెత్తుకుంటూ వెళ్లి క్యాచ్​ను పట్టడమే గాక, బౌండరీ లైన్ క్రాస్ అయ్యే లోపు దాన్ని లోపలకు విసిరిన తీరు అద్భుతమంటూ ట్రాయ్ జాన్సన్​ను ప్రశంసల్లో ముంచెత్తుతున్నారు. ఇలాంటి ఫీల్డర్లు టీమ్​లో ఉంటే బౌలర్ల కాన్ఫిడెన్స్ మరింత పెరుగుతుందని.. షాట్స్ కొట్టేందుకు ప్రత్యర్థి బ్యాటర్లు వణుకుతారని కామెంట్స్ చేస్తున్నారు. ఇక, ఈ మ్యాచ్​లో తొలుత బ్యాటింగ్​కు దిగిన వెల్లింగ్టన్ 20 ఓవర్లలో 147/8 స్కోరు చేసింది. సెంట్రల్ డిస్ట్రిక్ట్స్ ఈ టార్గెట్​ను 16.5 ఓవర్లలోనే ఛేజ్ చేసేసింది. మరి.. ట్రాయ్ జాన్సన్-నిక్ కెల్లీ ద్వయం పట్టిన క్యాచ్​ మీకెలా అనిపించిందో కామెంట్ చేయండి.

ఇదీ చదవండి: రెండో ఇన్నింగ్స్‌ స్టార్ట్‌ చేస్తున్న యువరాజ్‌! టీమిండియాకు నెక్ట్స్‌ కోచ్‌?

THAT’S AN ILLEGAL CATCH…!!! 🤯pic.twitter.com/bWNWCzrJ2s

— Mufaddal Vohra (@mufaddal_vohra) January 13, 2024