భారత హెడ్ కోచ్ రాహుల్ ద్రవిడ్ ఎప్పుడూ ప్రశాంతంగా ఉంటాడు. ఎంత టెన్షన్ ఉన్నా బయటపడకుండా కూల్గా ఉంటాడు. అలాంటోడు సడన్గా సీరియస్ మోడ్లోకి వెళ్లడంతో ఏమైందని అందరూ షాకవుతున్నారు.
భారత హెడ్ కోచ్ రాహుల్ ద్రవిడ్ ఎప్పుడూ ప్రశాంతంగా ఉంటాడు. ఎంత టెన్షన్ ఉన్నా బయటపడకుండా కూల్గా ఉంటాడు. అలాంటోడు సడన్గా సీరియస్ మోడ్లోకి వెళ్లడంతో ఏమైందని అందరూ షాకవుతున్నారు.
సౌతాఫ్రికా టూర్ను ఘనంగా స్టార్ట్ చేయాలనుకున్న టీమిండియాకు ఆడిన తొలి మ్యాచ్లోనే షాక్ తగిలింది. సఫారీ పర్యటనలో భాగంగా మొదలైన టీ20 సిరీస్లో భారత్కు మంచి ఆరంభం దక్కలేదు. వర్షం కారణంగా ఫస్ట్ మ్యాచ్ రద్దవగా.. రెండో మ్యాచ్కూ వరుణుడు అడ్డు తగిలాడు. అయితే ఎట్టకేలకు డక్వర్త్ లూయిస్ పద్ధతిలో మ్యాచ్ను కంప్లీట్ చేశారు. టాస్ ఓడి తొలుత బ్యాటింగ్కు దిగిన సూర్యకుమార్ సేనకు ఆదిలోనే ఎదురుదెబ్బ తగిలింది. ఇద్దరు ఓపెనర్లు శుబ్మన్ గిల్ (0), యశస్వి జైస్వాల్ (0) గోల్డెన్ డక్లుగా వెనుదిరిగారు. దీంతో ఇన్నింగ్స్ను నిర్మించాల్సిన బాధ్యత కెప్టెన్ సూర్యకుమార్ యాదవ్ మీద పడింది. ఓపెనర్లు వెనుదిరిగినా ఏమాత్రం తొణకకుండా ఎప్పటిలాగే అటాకింగ్ గేమ్తో సౌతాఫ్రికా బౌలర్లను చితగ్గొట్టాడు సూర్య.
స్ట్రయిక్ రొటేట్ చేస్తూనే అవకాశం దొరికిన ప్రతిసారి ఫోర్లు, సిక్సులు కొడుతూ భారత్ను నిలబెట్టాడు సూర్య (39 బంతుల్లో 68). అతడికి తిలక్ వర్మ (29) మంచి సహకారం అందించాడు. ఆ తర్వాత తిలక్ ఔటైనా రింకూ సింగ్ (68 నాటౌట్) కెప్టెన్గా సపోర్ట్గా నిలబడ్డాడు. అనంతరం సూర్య పెవిలియన్కు చేరుకున్నా రింకూ మాత్రం ఆఖరి వరకు నిలబడి టీమ్కు భారీ స్కోరును అందించాడు. అతడు కొట్టిన ఓ బాల్ ఏకంగా మీడియా బాక్స్ అద్దాలను బద్దలు కొట్టడం విశేషం. వాన కారణంగా సౌతాఫ్రికా టార్గెట్ను 15 ఓవర్లలో 152గా నిర్దేశించారు. ఓపెనర్ హెండ్రిక్స్ (49), మార్క్రమ్ (30) రాణించడంతో ఆ టీమ్ 5 వికెట్లు కోల్పోయి 13.5 ఓవర్లలోనే లక్ష్యాన్ని చేరుకుంది. ఆఖర్లో మిల్లర్ (17), స్టబ్స్ (14 నాటౌట్) ఒత్తిడిలోనూ నిలబడి మ్యాచ్ను ఫినిష్ చేశారు.
సెకండ్ టీ20 టైమ్లో స్టేడియంలో జరిగిన ఓ ఘటన అందర్నీ ఆశ్చర్యానికి గురిచేసింది. టీమిండియా హెడ్ కోచ్ రాహుల్ ద్రవిడ్ ఎప్పుడూ కూల్గా ఉంటాడనేది తెలిసిందే. ప్లేయర్గా క్రికెట్ ఆడుతున్నప్పుడు, ఇప్పుడు కోచ్గా బాధ్యతలు నిర్వర్తిస్తున్నా అతడు తన ప్రశాంతతను ఎప్పుడూ కోల్పోలేదు. కానీ ఎన్నడూ లేనిది ఈ మ్యాచ్లో సీరియస్గా కనిపించాడు ది వాల్. అంపైర్తో సీరియస్గా మాట్లాడుతూ.. గ్రౌండ్ మీద చేతులతో చరుస్తూ కనిపించాడు. దీంతో అసలు ఏమైందో తెలియక అందరూ కన్ఫ్యూజ్ అవుతున్నారు. అయితే ఈ మ్యాచ్కు ఆతిథ్యం ఇచ్చిన గ్రౌండ్ నచ్చకే ఆయన ఇలా బిహేవ్ చేసినట్లు తెలుస్తోంది.
రెండో టీ20కి ఆతిథ్యం ఇచ్చిన సెయింట్ జార్జ్స్‌ ఓవల్ గ్రౌండ్లో ఔట్ ఫీల్డ్ సరిగ్గా లేదు. ఆలెడ్రీ వర్షం, తేమ వల్ల బాల్ బాగా తడిసిపోవడంతో బౌలర్లకు దాని మీద పట్టు దొరకలేదు. బౌలింగ్ చేస్తున్నప్పుడు వాళ్ల చేతుల్లో నుంచి బాల్ జారిపోయింది. ఫీల్డర్లు కూడా బాల్ను పట్టేందుకు ఇబ్బందులు పడ్డారు. మరోవైపు ఔట్ఫీల్డ్ మీద ఉన్న తేమను సరిగ్గా రిమూవ్ చేయకపోవడంతో అక్కడ పడితే చాలు బాల్ బౌండరీకి వేగంగా దూసుకుపోయింది. దీంతో ఇది చూసిన భారత కోచ్ అంపైర్ మీద సీరియస్ అయ్యాడు. ఔట్ఫీల్డ్ కారణంగానే మ్యాచ్ ఓడిపోవడంతో అక్కడ తన చేతులతో తేమను చూపిస్తూ సీరియస్ అయ్యాడు. ద్రవిడ్ సీరియస్ అయిన వీడియో నెట్టింట వైరల్ అవుతోంది. ఇది చూసిన ఫ్యాన్స్ గ్రౌండ్ స్టాఫ్, అంపైర్లు, నిర్వాహకులదే తప్పంటూ ఫైర్ అవుతున్నారు. వాళ్ల నిర్లక్ష్యం వల్లే భారత్ ఓడిపోయిందని కామెంట్స్ చేస్తున్నారు. మరి.. అంపైర్పై ద్రవిడ్ సీరియస్ అవ్వడం మీద మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: Mohammed Shami: షమీకి భారత దేశ రెండో అత్యున్నత క్రీడా పురస్కారం! త్వరలోనే గుడ్ న్యూస్?
