వీడియో: కుల్దీప్ పరువు తీసిన రోహిత్.. అంత సాధించినా తీసిపారేశాడు!

స్టార్ స్పిన్నర్ కుల్దీప్ యాదవ్ టీమిండియాకు చాలా కీలకంగా మారాడు. గత ఏడాది కాలంలో జట్టు సాధించిన విజయాల్లో అతడు ముఖ్య భూమిక పోషించాడు. వన్డే వరల్డ్ కప్-2023లో 15 వికెట్లు తీశాడీ చైనామన్ బౌలర్. సుడులు తిరిగే బంతులతో ప్రత్యర్థి బ్యాటర్ల వెన్నులో వణుకు పుట్టించాడు. మిడిల్ ఓవర్స్​లో పరుగులు కట్టడి చేస్తూనే వికెట్లు కూడా తీయడం కుల్దీప్ బలంగా చెప్పుకోవచ్చు. ఎప్పుడు బ్రేక్ త్రూ కావాలన్నా కెప్టెన్ రోహిత్ శర్మ అతడి చేతికే బంతిని అందిస్తుంటాడు. కుల్దీప్ కూడా సారథి నమ్మకాన్ని నిలబెట్టుకుంటూ వస్తున్నాడు. సూపర్బ్‌ పెర్ఫార్మెన్స్​తో మూడు ఫార్మాట్లలోనూ జట్టులో కీలక సభ్యుడిగా మారాడు కుల్దీప్. బ్యాటింగ్​లోనూ తన ప్రతిభను చాటుతున్న ఈ స్టార్ ప్లేయర్ పరువు తీశాడు హిట్​మ్యాన్. ఇంత సాధించినా అతడ్ని తీసిపారేశాడు.

కుల్దీప్ కెరీర్​లో 2023 ఎప్పటికీ గుర్తుండిపోతుంది. గాయం నుంచి కోలుకొని అద్భుతంగా కమ్​బ్యాక్ ఇచ్చాడతను. భారత జట్టు ఆసియా కప్​ను కైవసం చేసుకోవడంలోనూ, అలాగే వన్డే వరల్డ్ కప్ ఫైనల్​కు చేరడంలోనూ అతడిది కీలక పాత్ర. ఆ ఏడాది వన్డేల్లో అతడు ఆకాశమే హద్దుగా చెలరేగాడు. 2023లో ఆడిన 30 వన్డే మ్యాచుల్లో కలిపి 49 వికెట్లు పడగొట్టాడు. ఆ ఏడాదికి గానూ టాప్ వికెట్ టేకర్​గా నిలిచిన కుల్దీప్​కు ఐసీసీ ఓడీఐ టీమ్ ఆఫ్ ది ఇయర్-2023లో చోటు దక్కింది. దీంతో తాజాగా ఐసీసీ నుంచి అతడికి స్పెషల్ క్యాప్ లభించింది. కెప్టెన్ రోహిత్ శర్మ చేతుల మీదుగా ఈ క్యాప్​ను అందుకున్నాడతను. అయితే క్యాప్ ఇస్తున్న టైమ్​లో కుల్దీప్ పరువు తీశాడు హిట్​మ్యాన్. తాను బాల్​తో పాటు బ్యాటర్​గా కూడా రాణించానని కుల్దీప్ చెప్పగా.. ఔనా, ఎప్పుడు రన్స్ చేశావ్ అంటూ అతడి గాలి తీసేశాడు.

‘గతేడాది నాకు అద్భుతంగా గడిచింది. ఆ సీజన్​లో నేను బాల్​తో పాటు బ్యాట్​తోనూ రాణించా. అందుకు హ్యాపీ’ అని కుల్దీప్ చెప్పాడు. బ్యాట్​ అనే శబ్దం వినగానే.. బ్యాట్​తోనా? ఎప్పుడు? అని రోహిత్ ఆశ్చర్యం వ్యక్తం చేశాడు. టెస్ట్ సిరీస్​లో బ్యాట్​తో రాణించానని అంటూ కుల్దీప్ నవ్వాడు. దీంతో ఇది వన్డే టీమ్​ కోసం ఇచ్చిన క్యాప్ అని హిట్​మ్యాన్ అన్నాడు. అయితే రోహిత్ పరువు తీసినా కుల్దీప్ వెనక్కి తగ్గలేదు. గతేడాది తాను బ్యాట్​తోనూ రాణించానని అన్నాడు. కుల్దీప్ కామెంట్స్​పై మళ్లీ రియాక్ట్ అయ్యాడు రోహిత్. తాను టీమ్​కు కెప్టెన్​ను అని, అతడు బాగా బ్యాటింగ్ చేయగా ఎప్పుడూ చూడలేదంటూ జోక్ చేశాడు. రోహిత్-కుల్దీప్ కన్వర్జేషన్ వీడియో ఇప్పుడు నెట్టింట వైరల్​గా మారింది. దీన్ని చూసిన ఫ్యాన్స్.. హిట్​మ్యాన్ అంతేనని, అతడి జోక్స్ ఇలాగే ఉంటాయని అంటున్నారు. ఎంత సీరియస్ సిచ్యువేషన్​ను అయినా తన కామెడీ టైమింగ్​తో రోహిత్ కూల్​గా చేసేస్తాడని చెబుతున్నారు.

• ఇదీ చదవండి: రైనాకు సారీ చెప్పిన అఫ్రిదీ.. కావాలని చేయలేదంటూ..!

 

View this post on Instagram

 

A post shared by Sadaiyandi Arumugam (@sandy_apm)