పొట్టి కప్పును కైవసం చేసుకున్న టీమిండియా ఫుల్ జోష్లో ఉంది. ఎన్నో ఏళ్ల కల నెరవేరడంతో మన టీమ్ ఫ్యాన్స్ సంతోషంలో మునిగిపోయారు. ఈ తరుణంలో లెజెండ్ గౌతం గంభీర్ ఆసక్తికర వ్యాఖ్యలు చేశాడు.
పొట్టి కప్పును కైవసం చేసుకున్న టీమిండియా ఫుల్ జోష్లో ఉంది. ఎన్నో ఏళ్ల కల నెరవేరడంతో మన టీమ్ ఫ్యాన్స్ సంతోషంలో మునిగిపోయారు. ఈ తరుణంలో లెజెండ్ గౌతం గంభీర్ ఆసక్తికర వ్యాఖ్యలు చేశాడు.
అమెరికా-వెస్టిండీస్ వేదికగా జరిగిన పొట్టి కప్పును కైవసం చేసుకున్న టీమిండియా ఫుల్ జోష్లో ఉంది. ఎన్నో ఏళ్ల కప్పు కల తీరడంతో మన టీమ్ ఫ్యాన్స్ సంతోషంలో మునిగిపోయారు. ఓవరాల్గా భారత్ సాధించిన నాలుగో వరల్డ్ కప్గా ఇది నిలిచింది. 1983లో కపిల్ డెవిల్స్, 2007, 2011లో ధోని నాయకత్వంలోని జట్లు ప్రపంచ కప్ను ముద్దాడాయి. ఇప్పుడు రోహిత్ శర్మ సారథ్యంలో నాలుగో కప్పును అందుకుంది. అయితే కపిల్ దేవ్ లీడర్షిప్లో గెలిచాక దాదాపుగా 24 ఏళ్లు జట్టుకు కప్పు రాలేదు. ద్వైపాక్షిక టోర్నమెంట్లు, మూగ్నాలుగు దేశాలతో జరిగే సిరీస్ల్లో గెలిచినా మెగాటోర్నీలో మాత్రం విజేతగా నిలిచింది లేదు. పలుమార్లు సెమీస్, ఫైనల్ వరకు వెళ్లినా ఖాళీ చేతులతోనే తిరిగొచ్చేసింది. దీంతో అభిమానులు కప్పు కోసం ఏళ్లుగా ఎదురుచూస్తూ వచ్చారు.
ఆ టైమ్లో లెజెండ్ గౌతం గంభీర్ కూడా ఎంతో బాధపడ్డాడట. ముఖ్యంగా 1992 వరల్డ్ కప్ లీగ్ స్టేజ్లో భారత్ ఇంటిదారి పట్టడంతో గౌతీ కన్నీళ్లు పెట్టుకున్నాడట. ఒక్క పరుగు తేడాతో ఆస్ట్రేలియా చేతుల్లో టీమిండియా ఓడటంతో గంభీర్కు ఆ రోజు రాత్రంతా నిద్రపట్టలేదట. అప్పుడు తనకు 11 ఏళ్లు అని.. ఆ రోజే భారత్ కోసం వరల్డ్ కప్ గెలవాలని ప్రతిజ్ఞ చేశానని అతడు గుర్తుచేసుకున్నాడు. ‘భారత్-ఆసీస్ మ్యాచ్ చూశాక నేను బాగా ఏడ్చాను. ఆ రోజంతా నిద్రపట్టలేదు. టీమిండియా చివరి వరకు పోరాడినా ఒక్క రన్ తేడాతో ఓడిపోయింది. ఆ రోజు ఎంత ఏడ్చానో చెప్పలేను. అంతలా బాధపడిన రోజు మరొకటి లేదు. అప్పుడే దేశానికి కప్పు అందించాలని ఫిక్స్ అయ్యా’ అని గంభీర్ చెప్పుకొచ్చాడు.
టీమిండియాకు వరల్డ్ కప్ అందించాలనే తన డ్రీమ్ 2011 ప్రపంచ కప్తో నెరవేరిందన్నాడు గంభీర్. అంతకుముందే టీ20 వరల్డ్ కప్-2007ను గెలుచుకుంది భారత్. అయితే వన్డే కప్పును మాత్రం 2011లో ఒడిసిపట్టింది. ఈ రెండు మెగాటోర్నీల్లోనూ జట్టు విజయంలో గంభీర్ కీలక పాత్ర పోషించాడు. 2007 టీ20 కప్పులో అత్యధిక పరుగులు చేసిన బ్యాట్స్మన్గా నిలిచాడు. 2011 వరల్డ్ కప్ ఫైనల్లో శ్రీలంక మీద 97 పరుగులు చేసి టీమ్ సక్సెస్లో ముఖ్య భూమిక వహించాడు. అలాంటోడు త్వరలో భారత జట్టు కోచ్గా బాధ్యతలు తీసుకోబోతున్నాడు. భారత క్రికెట్ బోర్డు ఇంకా అధికారికంగా ప్రకటించనప్పటికీ గౌతీ కోచ్గా రావడం ఫిక్స్ అయిందని తెలుస్తోంది. మరి.. కోచ్గా గంభీర్ రాక కోసం మీరెంతగా ఎదురు చూస్తున్నారో కామెంట్ చేయండి.
