భారత ఆటగాళ్లకు దేశభక్తి లేదు.. వరల్డ్ కప్ హీరో సెన్సేషనల్ కామెంట్స్!

టీ20 ప్రపంచ కప్-2024 సందడి ఇంకా పూర్తవలేదు. ఆటగాళ్లతో పాటు మొత్తం భారతావని ఆ ఆనందం నుంచి ఇంకా బయటకు రాలేదు. రోహిత్ సేన కప్పు అందుకున్న క్షణాలను ఇంకా ఎవరూ మర్చిపోలేదు. 13 ఏళ్ల ప్రపంచ కప్ కల నెరవేరడంతో అందరూ సెలబ్రేషన్స్​లో బిజీగా ఉన్నారు. ఒకవైపు అందరూ మెగాటోర్నీ గురించి మాట్లాడుకుంటున్న తరుణంలోనే మరోవైపు ఇంట్రెస్టింగ్ సిరీస్​కు సన్నద్ధమవుతోంది మెన్ ఇన్ బ్లూ. జింబాబ్వేతో 5 టీ20ల సిరీస్ ఆడనుంది భారత జట్టు. ఈ టీమ్​కు యంగ్ ఓపెనర్ శుబ్​మన్ గిల్ కెప్టెన్​గా వ్యవహరించనున్నాడు. అతడితో పాటు అభిషేక్ శర్మ, రింకూ సింగ్, రుతురాజ్ గైక్వాడ్, ధృవ్ జురెల్, వాషింగ్టన్ సుందర్ లాంటి ఇతరులు కూడా ఈ సిరీస్​లో భారత్ తరఫున బరిలోకి దిగనున్నారు.

ఐపీఎల్-2024లో రఫ్ఫాడించిన రాజస్థాన్ రాయల్స్ బ్యాటర్ రియాన్ పరాగ్ కూడా ఈ సిరీస్​లో ఆడే అవకాశాన్ని దక్కించుకున్నాడు. టీమిండియా తరఫున అరంగేట్రం చేసే అవకాశం రావడంతో అతడు ఉబ్బితబ్బిబ్బవుతున్నాడు. ఐపీఎల్ ఫామ్​నే జింబాబ్వే మీద కూడా కొనసాగించాలని చూస్తున్నాడు. సూపర్బ్ ఇన్నింగ్స్​లు ఆడుతూ టీమ్​లో తన ప్లేస్​ను పర్మినెంట్ చేసుకోవాలని భావిస్తున్నాడు. ఈ తరుణంలో మాజీ క్రికెటర్, వరల్డ్ కప్ హీరో శ్రీశాంత్ అతడిపై సీరియస్ అయ్యాడు. భారత జట్టుకు ఆడే ముందు దేశభక్తి పెంచుకోమని అతడ్ని హెచ్చరించాడు. కొందరు యంగ్​స్టర్స్ టీ20 వరల్డ్ కప్​లో భారత్ ఆడే మ్యాచులు చూడలేదని అంటున్నారు. టీమ్​కు ఎంపిక కాలేదు కాబట్టి మ్యాచుల్ని చూడమని చెబుతున్నారు. ఇది ఎంత వరకు కరెక్ట్ అని శ్రీశాంత్ ప్రశ్నించాడు.

టీమిండియా ఆడే మ్యాచుల్ని చూడలేని వారు.. దేశానికి ప్రాతినిధ్యం వహిందుకు అర్హులా? అని శ్రీశాంత్ క్వశ్చన్ చేశాడు. ఇటీవల ఓ పాడ్​కాస్ట్​ షోలో రియాన్ పరాగ్ మాట్లాడుతూ భారత్ ఆడే వరల్డ్ కప్ మ్యాచులు చూడనని చెప్పాడు. తనకు ప్రపంచ కప్​లో ఆడాలని ఉందన్నాడు. కానీ మ్యాచులు మాత్రం చూడనని తెలిపాడు. ఒకవేళ టీమిండియా మ్యాచులు చూస్తే.. తన మీద తనకు డౌట్స్ వస్తాయని, తన కంటే ఇతర ప్లేయర్లు బెస్ట్, తాను వెనుకబడిపోయానా అనే అనుమానాలు వస్తాయని పరాగ్ పేర్కొన్నాడు. అప్పుడు నెట్స్​కు వెళ్లి బంతుల్ని బలంగా బాదడం తప్ప చేసేదేమీ ఉండదన్నాడు. ఈ వ్యాఖ్యలపై తాజాగా శ్రీశాంత్ పైవిధంగా రియాక్ట్ అయ్యాడు. క్రికెట్ లవర్స్ ఎవరైనా ముందు దేశాన్ని ప్రేమించాలన్నాడు. ఎంతటి ప్లేయర్ అయినా దేశభక్తి లేకపోతే ఎంత టాలెంట్ ఉన్నా వేస్ట్ అంటూ పరాగ్​ను విమర్శించాడు. మరి.. యంగ్ ప్లేయర్లకు దేశభక్తి లేదంటూ శ్రీశాంత్ చేసిన వ్యాఖ్యలపై మీ ఒపీనియన్​ను కామెంట్ చేయండి.

• ఇదీ చదవండి: Suryakumar Yadav: ఫైనల్​కు ముందు అతడి స్పీచ్​ మాలో కసి రేపింది.. సూర్యకుమార్ కామెంట్స్!

S. Sreesanth Slams Riyan Parag For Not Supporting India In T20 WC 2024

” Some youngsters have also said that they will not watch the world cup because they have not been selected.I would say that first you should be patriotic then you should be a Cricket lover.” pic.twitter.com/Xp7xuoj9rl

— Sujeet Suman (@sujeetsuman1991) July 2, 2024