రింకూకు అన్యాయం జరిగింది.. అంతా ఆ రూల్ వల్లే: భారత క్రికెటర్

టీ20 వరల్డ్ కప్​-2024 కోసం భారత ఆటగాళ్లంతా అమెరికా చేరుకొని ప్రాక్టీస్ మొదలుపెట్టారు. ఫినిషర్ రింకూ సింగ్​ కూడా యూఎస్​కు చేరుకున్నాడు. మెయిన్ స్క్వాడ్​లో చోటు దక్కకపోయినా నిరాశకు లోనవకుండా నెట్స్​లో శ్రమిస్తున్నాడు. గత ఏడాది కాలంగా జట్టు విజయాల్లో కీలకంగా ఉంటూ వచ్చాడు రింకూ. వన్డేలు, టీ20ల్లో నమ్మదగ్గ ప్లేయర్​గా ఎదిగాడు. ముఖ్యంగా పొట్టి ఫార్మాట్​లో ఆఖర్లో వచ్చి ధనాధన్ ఇన్నింగ్స్​లు ఆడుతూ టీమ్​కు విజయాలు అందించాడు. ఆస్ట్రేలియా, సౌతాఫ్రికా, ఆఫ్ఘానిస్థాన్ సిరీస్​ల్లో టీమిండియా గెలుపులో అతడిదే కీరోల్. నీళ్లు తాగినంత ఈజీగా బౌండరీలు, భారీ సిక్సులు బాదుతుండటంతో టీ20 వరల్డ్ కప్​కు వెళ్లే భారత జట్టులో అతడికి చోటు దక్కడం ఖాయమని అంతా అనుకున్నారు. ఫినిషర్ రోల్​కు అతడే కరెక్ట్ అని భావించారు.

రింకూ లాంటి ఫినిషర్ జట్టులో ఉంటే అవతలి జట్లు వణుకుతాయి కాబట్టి అతడ్ని ఎలాగైనా టీ20 ప్రపంచ కప్​కు తీసుకెళ్తారని అందరూ అనుకున్నారు. కానీ వరల్డ్ కప్​ మెయిన్ స్క్వాడ్​లో అతడికి చోటు దక్కలేదు. రిజర్వ్​డ్ ప్లేయర్స్​లో ఒకడిగా అమెరికా విమానం ఎక్కాడు రింకూ. దీంతో అతడి ఫ్యాన్స్ నిరాశకు లోనవుతున్నారు. టీమిండియా తరఫున అంత బాగా ఆడినా ప్రధాన జట్టులోకి తీసుకోకపోవడం దారుణమని అంటున్నారు. తాజాగా ఈ అంశంపై భారత మాజీ పేసర్ ఆర్పీ సింగ్ రియాక్ట్ అయ్యాడు. ఇంపాక్ట్ ప్లేయర్ రూల్ వల్లే రింకూ పరిస్థితి ఇలా తయారైందని అన్నాడు. తప్పక జట్టులో ఉండాల్సిన ప్లేయర్ అని.. కానీ అతడికి అన్యాయం జరిగిందన్నాడు. తుదిజట్టులో రింకూ ఉంటే సూపర్బ్​గా ఉండేదన్నాడు ఆర్పీ సింగ్.

‘రింకూ సింగ్​ను మెయిన్ టీమ్​లోకి తీసుకోవాల్సింది. అతడి విషయంలో అలా జరిగి ఉండాల్సింది కాదు. ఒకవేళ ఇంపాక్ట్ ప్లేయర్ రూల్ లేకపోతే మాత్రం రింకూ స్క్వాడ్​లో ఉండేవాడు’ అని ఆర్పీ సింగ్ చెప్పుకొచ్చాడు. ఈ ఏడాది ఐపీఎల్​లో రింకూ ఫ్లాప్ అయ్యాడు. కేవలం 168 పరుగులు మాత్రమే చేశాడు. అతడికి చాలా మ్యాచుల్లో బ్యాటింగ్ అవకాశం రాలేదు. ఛాన్స్ వచ్చిన కొన్నిసార్లు అతడు భారీ స్కోర్లు బాదలేకపోయాడు. వెంకటేష్ అయ్యర్​, ఆండ్రీ రస్సెల్​ను బ్యాటింగ్ ఆర్డర్​లో పైకి పంపడం అతడికి మైనస్​గా మారింది. ఇంపాక్ట్‌ ప్లేయర్​ రూల్​ వల్ల వెంకీ అయ్యర్, అంగ్క్రిష్ రఘువంశీ, రమణ్​దీప్ సింగ్ లాంటి పవర్ హిట్టర్లను ముందు పంపడం కూడా రింకూకు శాపంగా మారింది. ఐపీఎల్​కు ముందు వరకు అద్భుతంగా ఆడుతూ వచ్చిన ఈ లెఫ్టాండ్ బ్యాటర్​కు.. లీగ్​లో సరైన ఛాన్సులు రాకపోవడంతో అతడు అనుకున్నంతగా పెర్ఫార్మ్ చేయలేదు. దీంతో అతడి స్థానంలో భీకర ఫామ్​లో ఉన్న శివమ్ దూబేను ఫినిషర్​గా ఎంపిక చేశారు సెలెక్టర్లు.

• ఇదీ చదవండి: వీడియో: అశ్విన్‌ కూతుళ్ల క్రికెట్‌ నాలెడ్జ్‌కు ఫిదా అవ్వాల్సిందే.. తండ్రిని మించిపోయారుగా!

RP Singh ” Rinku Singh should have definitely been there. I think he was unfortunate to miss out. If the Impact Player rule was not there, I think Rinku would have made it.”pic.twitter.com/xPOnm48uhF

— Sujeet Suman (@sujeetsuman1991) May 31, 2024