Rohit Sharma: ఆ ఒక్క ఆలోచనే నన్ను నడిపిస్తోంది.. రోహిత్ ఇంట్రెస్టింగ్ కామెంట్స్!

టీ20 ప్రపంచ కప్-2024 వేటను మొదలుపెట్టేందుకు టీమిండియా సిద్ధమవుతోంది. గురువారం జరిగే తొలి మ్యాచ్​లో ఐర్లాండ్​ను ఎదుర్కోనుంది రోహిత్ సేన. ఈ మ్యాచ్​కు కావాల్సిన అన్ని ఏర్పాట్లు పూర్తయ్యాయి. న్యూయార్క్​లోని నసావు కౌంటీ క్లబ్ స్టేడియం దీనికి వేదిక కానుంది. ఇప్పటిదాకా చిన్న జట్ల మధ్య పోరాటాన్ని చూసి ఎంజాయ్ చేసిన ఆడియెన్స్.. ఇప్పుడు ఫేవరెట్ భారత జట్టు ప్రదర్శనను చూసేందుకు సిద్దంగా ఉన్నారు. ప్రాక్టీస్ మ్యాచ్​లో బంగ్లాదేశ్​ను టీమిండియా చిత్తు చేసింది. ఇదే పెర్ఫార్మెన్స్​ను ఐర్లాండ్​ మీద కూడా రిపీట్ చేయాలని చూస్తోంది. తద్వారా దాయాది పాకిస్థాన్​తో పోరుకు మరింత కాన్ఫిడెన్స్​తో వెళ్లొచ్చనేది రోహిత్ ప్లాన్. అటు ఐర్లాండ్ కూడా ఈ మ్యాచ్​ కోసం అంతే ఆసక్తిగా ఎదురు చూస్తోంది.

ఫేవరెట్ టీమిండియాకు షాక్ ఇవ్వాలని ఐర్లాండ్ భావిస్తోంది. ఆ టీమ్ బ్యాటింగ్ విభాగం బాగుండటంతో ఈ మ్యాచ్ ఇంట్రెస్టింగ్​గా సాగడం ఖాయంగా కనిపిస్తోంది. ఈ తరుణంలో రోహిత్ శర్మ ఆసక్తికర వ్యాఖ్యలు చేశాడు. ఆ ఒక్క ఆలోచనే తనను నడిపిస్తోందని అన్నాడు. ఎప్పటికైనా దాన్ని సాధించి తీరతానని చెప్పాడు. హిట్​మ్యాన్ మాట్లాడింది వరల్డ్ కప్ గురించే. ప్రపంచ కప్​ నెగ్గాలనేది తన డ్రీమ్ అని రివీల్ చేశాడు. మెగా టోర్నీలో విజేతగా నిలవడాన్ని మించిన అతిపెద్ద విషయం ఇంకా ఏదీ లేదన్నాడు. పొట్టి ఫార్మాట్​లో ఇప్పటివరకు జరిగిన అన్ని వరల్డ్ కప్స్​లోనూ ఆడుతూ వచ్చానని గుర్తుచేశాడు రోహిత్. ఇన్ని టోర్నీలు జరిగినా ఏదీ మారలేదన్నాడు. కప్​ను ఒడిసిపట్టాలనే కసి, పట్టుదల అలాగే ఉన్నాయని స్పష్టం చేశాడు. ఛాంపియన్​గా నిలవాలనే ఆలోచన తనను ముందుకు నడిపిస్తోందన్నాడు.

టీమిండియాకు కొత్త కోచ్ రానుండటంపై కూడా హిట్​మ్యాన్ రియాక్ట్ అయ్యాడు. ప్రస్తుత కోచ్ రాహుల్​ ద్రవిడ్​తో తనకు ప్రత్యేక అనుబంధం ఉందని అన్నాడు. తన కెరీర్​లో ఫస్ట్ కెప్టెన్ అతడేనని చెప్పాడు. రాహుల్ భాయ్ దగ్గర నుంచి ఎన్నో విషయాలు నేర్చుకున్నానని.. ఎప్పటికీ అతడే తన రోల్ మోడల్ అని వ్యాఖ్యానించాడు. తన ఒక్కడికే కాదు.. జట్టు సభ్యులందరికీ ద్రవిడే ఆదర్శమని తెలిపాడు. కోచ్​గా మరికొన్నాళ్లు కంటిన్యూ అవ్వాల్సిందిగా బతిమిలాడానని.. కానీ దాన్ని అతడు తిరస్కరించాడని పేర్కొన్నాడు. అయితే ఇన్నాళ్లూ ద్రవిడ్ కోచింగ్​లో ఆడటం అద్భుతమైన ఫీలింగ్​ను ఇస్తోందన్నాడు. అతడి నేతృత్వంలో ఐసీసీ కప్పులు మిస్సైనా.. మిగిలిన అన్ని మేజర్ టోర్నమెంట్స్​, సిరీస్​ల్లోనూ టీమిండియా విజేతగా నిలిచిందని రోహిత్ గుర్తుచేశాడు. మరి.. వరల్డ్ కప్ గెలవాలనే కోరికను భారత సారథి ఈసారి నెరవేర్చుకుంటాడని మీరు భావిస్తే కామెంట్ చేయండి.

• ఇదీ చదవండి: ఆజమ్‌ ఖాన్ చెత్త క్రికెటర్ అంటూ ట్రోల్స్.. వీళ్ళ నాన్న ఇంకా చెత్త ప్లేయర్ అని తెలుసా?

Rohit Sharma said “It has always been the dream to win World Cups, winning the World Cup is the most prestigious thing that you can ever do and for me, nothing changes from all the World Cups that I have played. I always wanted to win & I will still keep driving towards that”. pic.twitter.com/9EADSipr6w

— Johns. (@CricCrazyJohns) June 5, 2024