Team India: రోహిత్, కోహ్లీ కాదు.. టీమిండియాలో డేంజరస్ ప్లేయర్ అతడే: లాంగర్

ప్రస్తుత భారత జట్టులో తోపు ఎవరంటే అందరూ ఇద్దరి పేర్లే చెబుతారు. వాళ్లే రోహిత్ శర్మ, విరాట్ కోహ్లీ. అందులో హిట్​మ్యాన్ కెప్టెన్​గా టీమ్​ను అద్భుతంగా ముందుకు నడిస్తూనే, బ్యాట్​తోనూ విధ్వంసకర ఇన్నింగ్స్​లు ఆడుతున్నాడు. మాజీ కెప్టెన్ అయిన విరాట్ ప్రస్తుత సారథి రోహిత్​​కు అన్ని విషయాల్లోనూ సపోర్ట్​గా ఉంటున్నాడు. అలాగే బ్యాటింగ్​లో టీమ్​కు మూలస్తంభంలా నిలబడుతూ మ్యాచ్​లు ఫినిష్ చేస్తున్నాడు. ఈ ఇద్దరూ లేని టీమిండియాను ఊహించుకోలేం. అంతగా భారత క్రికెట్​పై రోకో (రోహిత్, కోహ్లీ) జోడీ తమ స్టాంప్ వేశారు. ఇండియన్ క్రికెట్​లోనే కాదు.. ప్రస్తుత వరల్డ్ క్రికెట్​లోనూ వీళ్లు టాప్ ప్లేయర్స్​గా కంటిన్యూ అవుతున్నారు. టీమిండియాతో మ్యాచ్ అంటే అపోజిషన్ టీమ్స్ వీళ్లిద్దర్నీ ఔట్ చేయడం పైనే ఫోకస్ చేస్తుంటాయి. అయితే ఆస్ట్రేలియా మాజీ కోచ్ జస్టిన్ లాంగర్ మాత్రం భారత జట్టులో మరో కీలక ఆటగాడు ఉన్నాడని అన్నాడు. రోహిత్​, కోహ్లీల కంటే అతడే మోస్ట్ డేంజరస్ అని చెప్పాడు.

జస్టిన్ లాంగర్ చెప్పిన ఆ డేంజరస్ ప్లేయర్ మరెవరో కాదు.. కేఎల్ రాహుల్. ప్రస్తుతం టీమిండియాలో అందరికంటే రాహుల్ చాలా ప్రమాదకర ఆటగాడని లాంగర్ తెలిపాడు. ‘నేను ఆస్ట్రేలియా కోచ్​గా ఉన్న సమయంలో భారత్​తో సిరీస్ ఉంటే.. విరాట్ కోహ్లీ, కేఎల్ రాహుల్ ఔట్ అయ్యే వరకు రిలాక్స్ అయ్యేవాడ్ని కాదు. ఎందుకంటే రాహుల్ చాలా డేంజరస్ ప్లేయర్. అతడి ఆట చూసేందుకు చాలా అద్భుతంగా ఉంటుంది. అతడికి ఇంటర్నేషనల్ లెవల్లో మంచి ఎక్స్​పీరియెన్స్ ఉంది. గ్రౌండ్​కు ఇరువైపులా అతడు ఆడగలడు. పేస్ అటాక్​తో పాటు క్వాలిటీ స్పిన్నర్లను కూడా అంతే బాగా ఎదుర్కోగలడు’ అని లాంగర్ చెప్పుకొచ్చాడు. రాహుల్​తో కలసి ఐపీఎల్​లో వర్క్ చేసేందుకు రెడీగా ఉన్నానని పేర్కొన్నాడు. అలాంటి ఆటగాడు టీమ్​కు కెప్టెన్​గా ఉండటం గొప్ప విషయమన్నాడు.

లక్నో సూపర్​జెయింట్స్​ ఫ్రాంచైజీ తమ కొత్త హెడ్ కోచ్​గా జస్టిన్ లాంగర్​ను నియమించిన విషయం తెలిసిందే. ఈ నేపథ్యంలో లక్నో కెప్టెన్ అయిన కేఎల్ రాహుల్​ మీద లాంగర్ పైవ్యాఖ్యలు చేశాడు. అతడితో కలసి పని చేసేందుకు ఆతృతగా ఎదురు చూస్తున్నానని తెలిపాడు. పేస్​తో పాటు స్పిన్ బౌలింగ్​ను కూడా అంతే దీటుగా ఎదుర్కోవడం రాహుల్ స్ట్రెంగ్త్ అన్నాడు లాంగర్. ఇక, సౌతాఫ్రికాతో జరిగే రెండో టెస్ట్ కోసం రెడీ అవుతున్నాడు రాహుల్. ఆ జట్టుతో జరిగిన తొలి టెస్ట్​ మొదటి ఇన్నింగ్స్​లో సెంచరీతో ఆకట్టుకున్నాడీ స్టైలిష్ బ్యాట్స్​మన్. కీలక బ్యాటర్లు పెవిలియన్​కు చేరుకున్న వేళ.. పట్టుదలతో ఆడి టీమ్​కు మంచి స్కోరు అందించాడు. అయితే రెండో ఇన్నింగ్స్​లో కేవలం 4 పరుగులే చేసి ఔటయ్యాడు. ఈ నేపథ్యంలో రెండో టెస్ట్​లో అతడు ఎలా బ్యాటింగ్ చేస్తాడనేది ఇంట్రెస్టింగ్​గా మారింది. మరి.. రాహుల్​ డేంజరస్ బ్యాటర్ అంటూ లాంగర్ చేసిన వ్యాఖ్యలపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: Team India: 2023లో టీమిండియా సాధించిన ఘనతలు.. ఎదుర్కొన్న అవమానాలు ఇవే!

LSG coach Justin Langer heaps praise on skipper KL Rahul. pic.twitter.com/IxCH1zeAOh

— CricTracker (@Cricketracker) December 31, 2023