రసవత్తరంగా సాగుతున్న వరల్డ్ కప్లో ఒక బ్యాటర్ అందరు బౌలర్లను భయపెడుతున్నాడు. అతడు క్రీజులోకి వస్తే పరుగుల వర్షం కురుస్తోంది. రోహిత్ శర్మ, విరాట్ కోహ్లీ కంటే డేంజరస్గా కనిపిస్తున్నాడా ప్లేయర్. అతడు ఎవరంటే..?
రసవత్తరంగా సాగుతున్న వరల్డ్ కప్లో ఒక బ్యాటర్ అందరు బౌలర్లను భయపెడుతున్నాడు. అతడు క్రీజులోకి వస్తే పరుగుల వర్షం కురుస్తోంది. రోహిత్ శర్మ, విరాట్ కోహ్లీ కంటే డేంజరస్గా కనిపిస్తున్నాడా ప్లేయర్. అతడు ఎవరంటే..?
వన్డే వరల్డ్ కప్-2023లో బ్యాట్స్మెన్ హవా కొనసాగుతోంది. పరుగుల వరద పారిస్తున్నారు బ్యాటర్స్. సెంచరీల మీద సెంచరీలు కొడుతూ బౌలర్ల వెన్నులో వణుకు పుట్టిస్తున్నారు. మెగా టోర్నీలో దాదాపు ప్రతి టీమ్ నుంచి ఒకరిద్దరు బ్యాటర్లు సూపర్ ఫామ్లో ఉన్నారు. టీమిండియా నుంచి రోహిత్ శర్మ, విరాట్ కోహ్లీ, కేఎల్ రాహుల్ మంచి ఫామ్లో ఉన్నారు. ముఖ్యంగా రోహిత్, విరాట్లు భీకర ఫామ్లో కనిపిస్తున్నారు. ఈ ఇద్దరు సీనియర్ క్రికెటర్లు ఒకరితో ఒకరు పోటీపడి మరీ రన్స్ చేస్తున్నారు. అయితే వీళ్లిద్దరి కంటే కూడా మరో బ్యాటర్ ఈ వరల్డ్ కప్లో మోస్ట్ డేంజరస్గా కనిపిస్తున్నాడు. అతడే సౌతాఫ్రికా ఓపెనర్ క్వింటన్ డికాక్.
ఈ ప్రపంచ కప్లో డికాక్ సూపర్ ఫామ్లో ఉన్నాడు. ఇప్పటికే మూడు సెంచరీలు కొట్టిన ఈ సౌతాఫ్రికా స్టార్.. ఈ వరల్డ్ కప్లో అత్యధిక శతకాలు బాదిన ప్లేయర్గా ఫస్ట్ ప్లేస్లో ఉన్నాడు. రీసెంట్గా బంగ్లాదేశ్తో జరిగిన మ్యాచ్లోనైతే ఏకంగా 174 రన్స్ బాదేశాడు డికాక్. ఈసారి మెగా టోర్నీలో ఇదే అత్యధిక వ్యక్తిగత స్కోరు కావడం విశేషం. ఇంకో 9 పరుగులు చేస్తే అతడు మరో మైల్స్టోన్ను అందుకునేవాడు. వన్డేల్లో అత్యధిక రన్స్ చేసిన వికెట్ కీపర్గా ఉన్న ఎంఎస్ ధోని (183 నాటౌట్) రికార్డుకు చేరువయ్యేవాడు. బ్యాటింగ్లో చెలరేగిపోతున్న డికాక్.. ఓవరాల్గా ఈ వరల్డ్ కప్లో ఆడిన ఐదు మ్యాచుల్లో 407 రన్స్తో అత్యధిక పరుగుల చేసిన బ్యాటర్గా నిలిచాడు.
ఈ వరల్డ్ కప్లో అత్యధిక పరుగులు బాదిన బ్యాటర్ల లిస్ట్లో డికాక్ తర్వాత స్థానంలో విరాట్ కోహ్లీ (354 రన్స్) ఉన్నాడు. భారత కెప్టెన్ రోహిత్ శర్మ (311) నాలుగో ప్లేస్లో ఉన్నాడు. కోహ్లీ, రోహిత్లు ఐదు మ్యాచుల్లో మూడొందల మార్క్కు చేరుకోగా.. డికాక్ మాత్రం అన్నే మ్యాచ్లు ఆడి నాలుగొందలకు పైగా రన్స్ చేశాడు. దీన్ని బట్టే అతడు ఎంత భీకరమైన ఫామ్లో ఉన్నాడో చెప్పొచ్చు. మెగా టోర్నీలో ప్రస్తుతం రోహిత్, కోహ్లీ కంటే డికాక్ మోస్ట్ డేంజసర్గా కనిపిస్తున్నాడు. ఇదే ఫామ్ను అతడు కంటిన్యూ చేస్తే వరల్డ్ కప్స్లో అత్యధిక స్కోరు చేసిన బ్యాటర్గా నిలిచే ఛాన్స్ ఉంది. అలాగే ఒకే ప్రపంచ కప్లో అత్యధిక సెంచరీలు చేసిన రోహిత్ శర్మ (7 సెంచరీలు) రికార్డు బ్రేక్ అయ్యే ఛాన్స్ కూడా ఉంది. డికాక్ను దాటాలంటే నెక్స్ట్ ఆడబోయే మ్యాచుల్లో రోహిత్, విరాట్లు మరింత రెచ్చిపోయి ఆడాల్సి ఉంటుంది. మరి.. డికాక్ బ్యాటింగ్పై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: బాబర్కు తలనొప్పిగా మారిన గిల్.. ఇండియన్స్తో పెట్టుకుంటే ఇలాగే ఉంటది!
