Ravindra Jadeja, MS Dhoni: బంగ్లాదేశ్ సిరీస్కు ముందు భారీ గ్యాప్ దొరకడంతో టీమిండియా స్టార్ ఆల్రౌండర్ రవీంద్ర జడేజా ఫుల్ ఎంజాయ్ చేస్తున్నాడు. భార్య రవీబాతో కలసి టూర్లకు వెళ్తున్నాడు. ఈ క్రమంలోనే తాజాగా ఓ టీమిండియా దిగ్గజాన్ని అతడు కలిశాడు.
Ravindra Jadeja, MS Dhoni: బంగ్లాదేశ్ సిరీస్కు ముందు భారీ గ్యాప్ దొరకడంతో టీమిండియా స్టార్ ఆల్రౌండర్ రవీంద్ర జడేజా ఫుల్ ఎంజాయ్ చేస్తున్నాడు. భార్య రవీబాతో కలసి టూర్లకు వెళ్తున్నాడు. ఈ క్రమంలోనే తాజాగా ఓ టీమిండియా దిగ్గజాన్ని అతడు కలిశాడు.
బంగ్లాదేశ్ సిరీస్కు ముందు భారీ గ్యాప్ దొరకడంతో టీమిండియా స్టార్ ఆల్రౌండర్ రవీంద్ర జడేజా ఫుల్ ఎంజాయ్ చేస్తున్నాడు. భార్య రవీబాతో కలసి వెకేషన్స్కు వెళ్తున్నాడు. ఇప్పటికే పలు నగరాలు చుట్టొచ్చిన జడేజా.. తాజాగా మరో ప్లేస్కు వెళ్లాడు. అయితే ఈసారి వెళ్లిన ప్రదేశం కంటే కలసిన వ్యక్తి చాలా ఇంపార్టెంట్ అని చెప్పాలి. ఒక వ్యవసాయ క్షేత్రానికి వెళ్లి అక్కడ ఉన్న టీమిండియా లెజెండ్ను కలిశాడు జడ్డూ. పత్తి చేన్లలో అతడితో కలసి ఫొటోలు దిగాడు. పత్తి చేను మొత్తం కలియదిరిగాడు. ఇంతకీ జడేజా కలసిన ఆ దిగ్గజం ఎవరు? అనేది ఇప్పుడు మనం తెలుసుకుందాం..
లెజెండరీ క్రికెటర్ మహేంద్ర సింగ్ ధోనీని కలిశాడు జడేజా. పత్తి చేనులో జడ్డూ-ధోని కలసి దిగిన ఫొటోలు ఇప్పుడు సోషల్ మీడియాలో వైరల్ అవుతున్నాయి. ఇందులో చేనును గమనిస్తూ ధోని కనిపించాడు. అతడితో సెల్ఫీ తీసుకుంటూ కెమెరాకు పోజు ఇచ్చాడు జడ్డూ. ఇది రాంచీలోని మాహీ ఫామ్హౌజ్లో తీసిన ఫొటో అని తెలుస్తోంది. వీటిని చూసిన నెటిజన్స్.. సీఎస్కే సూపర్ జోడీ అదిరిపోయిందని అంటున్నారు. వీళ్లను మళ్లీ గ్రౌండ్లో చెన్నై తరఫున ఆడితే చూడాలని ఉందని చెబుతున్నారు ఇక, ధోని మల్టీ టాలెంటెడ్ అనేది తెలిసిందే. గ్రౌండ్లోకి దిగితే బ్యాటింగ్, కీపింగ్, కెప్టెన్సీతో ఆకట్టుకునే ధోనీలో మరిన్ని ప్రత్యేకతలు ఉన్నాయి. బైక్లను విపరీతంగా ఇష్టపడే అతడు.. తన బైక్స్ను తానే బాగు చేసుకుంటాడు.
ఓ ఫామ్ హౌజ్ పెట్టి అందులో పంటల సాగు కూడా చేస్తున్నాడు ధోని. వీలున్నప్పుడల్లా అక్కడే సమయం గడుపుతాడు. ఇదే క్రమంలో తనను చూసేందుకు వచ్చిన జడేజాతో పత్తి చేనులో ఫొటో దిగినట్లు తెలిసింది. కాగా, వచ్చే ఏడాది ఐపీఎల్లో మాహీ ఆడతాడా? లేదా? అనేది ఇంకా క్లారిటీ రాలేదు. అతడ్ని సీఎస్కే ఎలా రీటెయిన్ చేసుకుంటుందనేది ఆసక్తికరంగా మారింది. అన్క్యాప్డ్ ప్లేయర్గా ధోనీని తక్కువ మొత్తానికి టీమ్లోకి తీసుకొస్తారని వినిపిస్తోంది. కొన్నేళ్ల కింద నిలిపివేసిన అన్క్యాప్డ్ ప్లేయర్ రూల్ను మాహీ కోసం బీసీసీఐ మళ్లీ తీసుకొస్తోందని వార్తలు వస్తున్నాయి. అయితే ఐపీఎల్-2025 మెగా ఆక్షన్కు ఇంకా చాలా సమయం ఉన్నందున ఇప్పుడే దీనిపై స్పష్టత వచ్చే అవకాశం లేదు. అయితే ఫిట్గా ఉన్న ధోని లీగ్లో ఆడటం పక్కా అని అభిమానులు చెబుతున్నారు. నెక్స్ట్ సీజనే కాదు.. ఇంకొన్ని సీజన్లు ఈ లెజెండ్ క్యాష్ రిచ్ లీగ్లో కంటిన్యూ అవుతాడని అంటున్నారు.
Imagine Thala & Thalapathy in this field together! 😉💛🤳#WhistlePodu #WhatIf@imjadeja @msdhoni pic.twitter.com/cjQMyu52Sk
— Chennai Super Kings (@ChennaiIPL) August 27, 2024
