ఒక్క సెంచరీతో రెండు క్రేజీ రికార్డులు.. వరల్డ్ క్రికెట్​లో ఫస్ట్ ప్లేయర్​గా అశ్విన్!

బంగ్లాదేశ్​తో జరుగుతున్న తొలి టెస్ట్​ను చిరస్మరణీయంగా మార్చుకుంటున్నాడు ఏస్ స్పిన్నర్ రవిచంద్రన్ అశ్విన్. తనలో నిద్రపోతున్న బ్యాటర్​ను మరోమారు లేపిన అతడు.. కీలక సమయంలో రెచ్చిపోయి ఆడాడు. సెంచరీతో విజృంభించి అందరూ తన గురించి మాట్లాలేలా చేశాడు. రోహిత్ శర్మ, విరాట్ కోహ్లీ, శుబ్​మన్ గిల్, కేఎల్ రాహుల్, రిషబ్ పంత్ లాంటి స్టార్ బ్యాటర్లు ఫెయిలైన చోట క్లాస్ ఇన్నింగ్స్​తో అలరించాడు అశ్విన్. కష్టాల్లో ఉన్న జట్టును స్పిన్ ఆల్​రౌండర్ రవీంద్ర జడేజాతో కలసి ఒడ్డున పడేశాడు. ఈ క్రమంలో అశ్విన్ చరిత్ర సృష్టించాడు. వరల్డ్ క్రికెట్​లో ఎవరికీ సాధ్యం కాని అరుదైన ఘనతను అతడు అందుకున్నాడు. అశ్విన్ సాధించిన ఆ రేర్ ఫీట్ గురించి ఇప్పుడు తెలుసుకుందాం..

చెన్నై వేదికగా బంగ్లాతో జరుగుతున్న తొలి టెస్టులో స్టన్నింగ్స్ ఇన్నింగ్స్ ఆడాడు అశ్విన్. 112 బంతుల్లో 102 పరుగులతో నాటౌట్​గా నిలిచాడు. స్టార్లంతా విఫలమైన చోట.. అతడు పరుగుల విధ్వంసం సృష్టించాడు. 144 పరుగులకు 6 వికెట్లు కోల్పోయి టీమిండియా పీకల్లోతు కష్టాల్లో ఉన్న టైమ్​లోకి క్రీజులోకి వచ్చిన అశ్విన్.. జడేజా (117 బంతుల్లో 86 నాటౌట్)తో కలసి టీమ్​ను ఆదుకున్నాడు. ఇద్దరూ కలసి ఏడో వికెట్​కు అజేయంగా 195 పరుగులు జోడించారు. దీంతో తొలి రోజు ముగిసేసరికి 6 వికెట్లకు 339 పరుగులతో పటిష్టమైన స్థితికి చేరుకుంది మెన్ ఇన్ బ్లూ. ఈ క్రమంలో అశ్విన్ రేర్ ఫీట్ నమోదు చేశాడు. అతడి టెస్ట్ కెరీర్​లో ఫిఫ్టీ ప్లస్ స్కోరు చేయడం ఇది 20వ సారి కావడం విశేషం. తద్వారా ప్రపంచ టెస్ట్ క్రికెట్ చరిత్రలో 20కి పైగా ఫిఫ్టీ ప్లస్ స్కోర్లు, 30కి పైగా 5 వికెట్స్ హాల్స్ సాధించిన మొదటి క్రికెటర్​గా అశ్విన్ కొత్త చరిత్ర లిఖించాడు.

టెస్టుల్లో అశ్విన్ ఇప్పటిదాకా 36 సార్లు ఐదు వికెట్ల ఘనత సాధించాడు. కాగా, అత్యధిక ఫిఫ్టీలు, 30కి పైగా ఫైవ్ వికెట్ హాల్స్ సాధించిన ప్లేయర్ల జాబితాలో అశ్విన్ తర్వాతి ప్లేస్​లో న్యూజిలాండ్ లెజెండ్ రిచర్డ్ హ్యాడ్లీ ఉన్నాడు. అతడు 17కు పైగా హాఫ్ సెంచరీలు, 30 కంటే ఎక్కువ 5 వికెట్స్ హాల్స్ తీశాడు. చెన్నై టెస్ట్​తో భారత స్పిన్నర్ మరో రేర్ ఫీట్​ను నెలకొల్పాడు. ఒకే వేదికలో రెండు టెస్టు సెంచరీలతో పాటు మోస్ట్ ఫైవ్ వికెట్స్ హాల్స్ సాధించిన క్రికెటర్​గా అశ్విన్ రికార్డు క్రియేట్ చేశాడు. చెపాక్ స్టేడియంలో 2 సెంచరీలతో పాటు 4 సార్లు ఐదు వికెట్ల ఘనతను అందుకున్నాడతను. ఇప్పటిదాకా ఈ రికార్డు ఇంగ్లండ్ దిగ్గజ ఆటగాడు ఇయాన్ బోథమ్ పేరు మీద ఉండేది. లీడ్స్​లో రెండు సెంచరీలతో పాటు మూడు సార్లు 5 వికెట్ల ఘనత సాధించాడతను. తాజా మ్యాచ్​తో బోథమ్ ఆల్​టైమ్ రికార్డును అశ్విన్ బద్దలుకొట్టేశాడు. మొత్తంగా ఒక్క సెంచరీతో రెండు క్రేజీ రికార్డులను తన ఖాతాలో వేసుకున్నాడు స్టార్ క్రికెటర్. మరి.. అశ్విన్ అరుదైన ఘనతను అందుకోవడంపై మీ ఒపీనియన్​ను కామెంట్ చేయండి.

• ఇదీ చదవండి: బంగ్లాదేశ్‌కు టీమిండియా భయపడిందా? ఈ మార్పు గమనించారా?