Ravichandran Ashwin: వీడియో: అశ్విన్​ ట్రిక్​ను అతడి మీదే ప్రయోగించిన బౌలర్.. దెబ్బకు షాక్!

టీమిండియా వెటరన్ స్పిన్నర్ రవిచంద్రన్ అశ్విన్ ఇప్పుడు తమిళనాడు ప్రీమియర్ లీగ్​తో బిజీగా ఉన్నాడు. భారత జట్టు తరఫున టెస్టుల్లో మాత్రమే ఆడుతున్న అశ్విన్ మిగతా రెండు ఫార్మాట్లకు దూరంగా ఉంటున్నాడు. గతేడాది వన్డే వరల్డ్ కప్​లో ఆడిన అశ్విన్.. టీ20ల్లో కనిపించి చాలా టైమ్ అయింది. అక్షర్ పటేల్, కుల్దీప్ యాదవ్, రవి బిష్ణోయ్ లాంటి యంగ్​స్టర్స్ దూసుకురావడంతో అశ్విన్​ను టెస్ట్ స్పెషలిస్ట్​గా పరిమితం చేసింది బోర్డు. అయితే భారత మ్యాచ్​లతో పాటు ఇండియన్ ప్రీమియర్ లీగ్​లో ఆడుతున్న అతడు.. మిగతా టైమ్​లోనూ ఖాళీగా ఉండటం లేదు. ఇప్పుడు తమిళనాడు ప్రీమియర్ లీగ్​లో ఆడుతూ అందర్నీ అలరిస్తున్నాడు.

టీఎన్​పీఎల్​లో ఆడుతున్న అశ్విన్​కు ఓ కుర్రాడు షాకిచ్చాడు. మన్కడింగ్ స్పెషలిస్ట్ అయిన అశ్విన్​కే ఆ బౌలర్ మన్కడింగ్ రుచి చూపించాడు. బాల్ వేయకముందే క్రీజును దాటుతుంటే వార్నింగ్ ఇచ్చాడు. సాధారణంగా మన్కడింగ్ పేరు చెబితే క్రికెట్ లవర్స్​కు అశ్విన్ పేరే గుర్తుకొస్తుంది. తన బౌలింగ్​లో ఈ రూల్ కారణంగా పలువురు నాన్​స్ట్రయికర్ బ్యాటర్స్​ను అతడు ఔట్ చేసిన సందర్భాలు ఉన్నాయి. ఐపీఎల్​లో కూడా మన్కడింగ్​తో పలువుర్ని అశ్విన్ ఔట్ చేశాడు. అలాంటి దిగ్గజ బౌలర్​కు ఓ కుర్రాడు ఝలక్ ఇచ్చాడు. అశ్విన్ ట్రిక్​ను అతడి మీదే ప్రయోగించాడు. టీఎన్​పీఎల్​లో భాగంగా దిండిగల్ డ్రాగన్స్, నెల్లాయ్ రాయల్ కింగ్స్ టీమ్స్ మధ్య ఆదివారం మ్యాచ్ జరిగింది. ఇందులో దిండిగల్ బౌలర్ మోహన్ ప్రశాంత్ 15వ ఓవర్ వేశాడు.

బౌలింగ్ చేసేందుకు వచ్చిన మోహన్ ప్రశాంత్ బంతి వేయకముందే నాన్​ స్ట్రైకింగ్ ఎండ్​లో ఉన్న అశ్విన్ క్రీజును దాటే ప్రయత్నం చేశాడు. దీన్ని గమనించిన బౌలర్ బౌలింగ్ ఆపి అశ్విన్​ను హెచ్చరించాడు. ఈ విషయాన్ని అంపైర్ దృష్టికి కూడా తీసుకెళ్లాడు. దీంతో అశ్విన్ షాకయ్యాడు. దీనికి సంబంధించిన వీడియో నెట్టింట వైరల్ అవుతోంది. బౌలర్ సీరియస్​గా వార్నింగ్ ఇవ్వడం, అశ్విన్ షాక్ అవ్వడం, కామెంటేటర్లు నవ్విన వీడియో సోషల్ మీడియాను షేక్ చేస్తోంది. దీన్ని చూసిన నెటిజన్స్.. నువ్వు నేర్పిన విద్యే కదా అని అశ్విన్​ను ఉద్దేశించి కామెంట్స్ చేస్తున్నారు. ఆ బౌలర్ మామూలోడు కాదని.. ఎలాంటి తడబాటు లేకుండా లెజెండరీ ప్లేయర్ దగ్గరకు వెళ్లి హెచ్చరించడం గ్రేట్ అని అంటున్నారు. మరి.. అశ్విన్​ ట్రిక్​ను అతడి మీదే బౌలర్ ప్రయోగించడంపై మీరేం అనుకుంటున్నారో కామెంట్ చేయండి.

• ఇదీ చదవండి: శ్రీలంకతో చివరి టీ20కి టీమిండియాలో మార్పులు! ఎవరు ఔట్‌? ఎవరు ఇన్‌?

 

View this post on Instagram

 

A post shared by ᴘʀᴀɢᴀ_ꜰx🥃❌ (@praga_fx)