టీమిండియా హెడ్ కోచ్గా కొనసాగే విషయంలో రాహుల్ ద్రవిడ్ కీలక నిర్ణయం తీసుకున్నాడని వార్తలు వస్తున్నాయి. కాంట్రాక్ట్ పొడిగింపు విషయంలో ఆయన ఓ నిర్ణయానికి వచ్చాడట.
టీమిండియా హెడ్ కోచ్గా కొనసాగే విషయంలో రాహుల్ ద్రవిడ్ కీలక నిర్ణయం తీసుకున్నాడని వార్తలు వస్తున్నాయి. కాంట్రాక్ట్ పొడిగింపు విషయంలో ఆయన ఓ నిర్ణయానికి వచ్చాడట.
వరల్డ్ కప్-2023 ముగియడంతో ఇప్పుడు టీమిండియా ఆడే మిగతా సిరీస్లపై ఆడియెన్స్ ఫోకస్ షిఫ్ట్ అయింది. మెగా టోర్నీ ఫైనల్లో తలపడిన ఆస్ట్రేలియాతోనే నెక్స్ట్ సిరీస్ ఆడేందుకు భారత్ రెడీ అయిపోయింది. ఈ ఇరు జట్ల మధ్య ఐదు టీ20 మ్యాచ్ల సిరీస్ జరగనుంది. ఇందులో భాగంగా ఇవాళ జరిగే తొలి మ్యాచ్కు విశాఖపట్నం ఆతిథ్యం ఇస్తోంది. ఆసీస్తో టీ20 సిరీస్లో పాల్గొనే భారత జట్టుకు మిస్టర్ 360 సూర్యకుమార్ యాదవ్ కెప్టెన్గా వ్యవహరించనున్నాడు. అతడితో పాటు అక్షర్ పటేల్ లాంటి ఇద్దరు, ముగ్గురు సీనియర్స్ మాత్రమే ఈ టీమ్లో ఉన్నారు. ఈ నేపథ్యంలో యంగ్స్టర్స్తో నిండిన జట్టును సూర్య ఎలా ముందుకు నడిపిస్తాడో చూడాలి.
వరల్డ్ కప్ ముగిసిన నేపథ్యంలో భారత స్టార్ క్రికెటర్లు రోహిత్ శర్మ, విరాట్ కోహ్లీ భవితవ్యంపై ప్రశ్నలు తలెత్తుతున్నాయి. వీళ్లిద్దరూ తమ కెరీర్ విషయంలో ఎలాంటి డెసిజన్ తీసుకుంటారనేది ఇంట్రెస్టింగ్గా మారింది. ఈ ఇద్దరు సీనియర్ క్రికెటర్ల కొనసాగింపు విషయంలో బీసీసీఐ ఎలా వ్యవహరిస్తుందనేది కూడా కీలకంగా మారింది. క్రికెట్ వర్గాల నుంచి అందుతున్న సమాచారం ప్రకారం కోహ్లీ-రోహిత్లు టీ20 క్రికెట్కు దూరంగా ఉండాలని నిర్ణయించుకున్నారట. వన్డేలతో పాటు టెస్టుల్లో కొనసాగాలనే నిర్ణయానికి వచ్చారని సమాచారం. అయితే దీనిపై ఇటు వీళ్లిద్దరి నుంచి గానీ అటు బీసీసీఐ నుంచి గానీ ఇంకా అఫీషియల్ కన్ఫర్మేషన్ మాత్రం ఇంకా రాలేదు.
కోహ్లీ, రోహిత్తో పాటు భారత హెడ్ కోచ్ రాహుల్ ద్రవిడ్ కొనసాగింపు పైనా సందేహాలు ఏర్పడ్డాయి. కోచ్గా అతడ్ని కంటిన్యూ చేస్తారా? లేదా వేరే ఎవరికైనా బాధ్యతలు అప్పజెబుతారా? అనేది ఆసక్తికరంగా మారింది. హెడ్ కోచ్గా టీమ్ను రెండున్నరేళ్ల పాటు నడిపించిన ద్రవిడ్ పదవీ కాలం ముగిసింది. అయితే, ఈ పదవిలో కంటిన్యూ అయ్యేందుకు అతడు ఇంట్రెస్ట్గా లేడట. ఈ లెజెండరీ ప్లేయర్ ఓకే అంటే కాంట్రాక్ట్ను మరో ఏడాది పొడిగించేందుకు ఛాన్స్ ఉంది. కానీ అందుకు ద్రవిడ్ ఆసక్తిగా లేడట. దీంతో అతడి ప్లేసులో హెడ్ కోచ్గా హైదరాబాదీ వీవీఎస్ లక్ష్మణ్ పేరును దాదాపుగా కన్ఫర్మ్ చేశారని వార్తలు వస్తున్నాయి.
నేషనల్ క్రికెట్ అకాడమీ (ఎన్సీఏ) చీఫ్గా ఉన్న లక్ష్మణ్.. ఆసీస్తో జరుగుతున్న ఐదు టీ20ల సిరీస్లో తాత్కాలిక కోచ్గా బాధ్యతలు నిర్వహిస్తున్నాడు. వీవీఎస్కు పట్టం కట్టేందుకు బీసీసీఐ ఏర్పాట్లు పూర్తి చేసినట్లు క్రికెట్ వర్గాల్లో వినిపిస్తోంది. గత రెండేళ్ల కాలంలో ద్రవిడ్ అందుబాటులో లేని పలు సిరీస్ల్లో లక్ష్మణ్ భారత హెడ్ కోచ్గా వ్యవహరించాడు. ఇక, వీవీఎస్ టీమిండియా హెడ్ కోచ్ బాధ్యతలు చేపట్టిన తర్వాత ద్రవిడ్ తిరిగి ఎన్సీఏ చీఫ్గా షిఫ్ట్ అవుతాడని న్యూస్ వస్తోంది. ఒక ఐపీఎల్ టీమ్తో అతడు చర్చలు జరుపుతున్నాడని కూడా టాక్ నడుస్తోంది. మరి.. ద్రవిడ్ తప్పుకోనున్నాడంటూ వస్తున్న వార్తలపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: రోహిత్, కోహ్లీకి BCCI ఓపెన్ ఆఫర్! ఇదే మంచి ఛాన్స్!
