Nidhan
IPL 2025: చెన్నై సూపర్ కింగ్స్ మాజీ కెప్టెన్ ఎంఎస్ ధోని వచ్చే ఐపీఎల్ సీజన్ మీద బిగ్ అప్డేట్ ఇచ్చాడు. తాను ఆడేది, లేనిది ఒక్క కామెంట్తో అతడు తేల్చిపారేశాడు.
IPL 2025: చెన్నై సూపర్ కింగ్స్ మాజీ కెప్టెన్ ఎంఎస్ ధోని వచ్చే ఐపీఎల్ సీజన్ మీద బిగ్ అప్డేట్ ఇచ్చాడు. తాను ఆడేది, లేనిది ఒక్క కామెంట్తో అతడు తేల్చిపారేశాడు.
Nidhan
చెన్నై సూపర్ కింగ్స్ మాజీ సారథి మహేంద్ర సింగ్ ధోనీని మళ్లీ గ్రౌండ్లో చూసేందుకు ఆయన అభిమానులతో పాటు క్రికెట్ లవర్స్ అంతా ఎదురు చూస్తున్నారు. ఈ మధ్య కాలంలో ఎన్నడూ లేని రీతిలో ఐపీఎల్-2024లో మాహీ చెలరేగి బ్యాటింగ్ చేశాడు. ఆఖరి ఓవర్లలో బ్యాటింగ్కు వస్తూ ధనాధన్ ఇన్నింగ్స్లతో మెరిశాడు. ఆరేడు బంతులే ఆడినా ఉన్నంత సేపు ఫోర్లు, సిక్సులతో ప్రత్యర్థి బౌలర్లను ఊచకోత కోశాడు. మెరుపు ఇన్నింగ్స్లతో టీమ్ భారీ స్కోరు అందుకోవడంలో తన కాంట్రిబ్యూషన్ను అందించాడు. వింటేజ్ ధోనీని గుర్తుచేసేలా అతడి బ్యాటింగ్ సాగింది. సీఎస్కే ప్లేఆఫ్స్కు చేరుకోకపోయినా మాహీ తన ఆటతీరుతో ఫ్యాన్స్కు ఫుల్ ఎంటర్టైన్మెంట్ అందించాడు.
గతేడాది ఐపీఎల్ టైమ్లో ధోని మోకాలికి గాయమైన సంగతి తెలిసిందే. ఆ సీజన్ ముగిసిన తర్వాత కాలికి సర్జరీ చేయించుకున్నాడు మాహీ. దాని నుంచి కోలుకున్నాక ఈ ఏడాది క్యాష్ రిచ్ లీగ్లో ఆడాడు. అయితే ఫుల్గా రికవర్ కాకపోవడంతో ఈ సీజన్ ఐపీఎల్లో ఆఖరి రెండు ఓవర్లు ఉన్నప్పుడే బ్యాటింగ్కు వచ్చాడు. ఎక్కువ సేపు బ్యాటింగ్ చేసేందుకు శరీరం సహకరించకపోవడంతో ఈ డెసిషన్ తీసుకున్నాడు. దీంతో వచ్చే సీజన్లో ధోని ఆడతాడా? అనే అనుమానాలు రేకెత్తాయి. ఆల్రెడీ మూడ్నాలుగు సీజన్ల నుంచి అతడి ఐపీఎల్ రిటైర్మెంట్పై వార్తలు వస్తున్నాయి. ఇప్పుడు రుతురాజ్ గైక్వాడ్ రూపంలో కెప్టెన్సీకి మంచి ఆప్షన్ దొరకడంతో ధోని లీగ్కు గుడ్బై చెబుతాడనే పుకార్లు మరింత ఎక్కువయ్యాయి. ఈ నేపథ్యంలో ఐపీఎల్-2025 గురించి అతడు బిగ్ అప్డేట్ ఇచ్చాడు. ఆడతానంటూనే మెలిక పెట్టాడు.
‘ఐపీఎల్-2025కు ఇంకా చాలా సమయం ఉంది. ప్లేయర్ రిటెన్షన్తో పాటు ఇతర అంశాలపై బీసీసీఐ ఎలాంటి నిర్ణయాలు తీసుకుంటుందో చూడాలి. ఇప్పుడు ఏ డెసిషన్ తీసుకోవాలన్నా అది బోర్డు చేతుల్లోనే ఉంది. కాబట్టి రూల్స్, రెగ్యులేషన్స్ అన్నీ ఒకసారి ఫైనలైజ్ అయ్యాక లీగ్లో కొనసాగాలా? వద్దా? అనే విషయంపై నేను నిర్ణయం తీసుకుంటా. అయితే నేను ఏ డెసిషన్ తీసుకున్నా అది టీమ్కు మంచి చేసేదిలాగే ఉండాలి. జట్టుకు ఏది మంచో అదే చేస్తా’ అని ధోని స్పష్టం చేశాడు. వచ్చే ఐపీఎల్ సీజన్లో ఆడతాడో లేదో మాహీ కచ్చితంగా చెప్పలేదు. తనకు ఆడాలనే ఉందని.. కానీ ప్లేయర్ల రిటెన్షన్తో పాటు ఇతర అంశాల్లో బీసీసీఐ తీసుకునే నిర్ణయాల మీదే ఇది ఆధారపడుతుందని చెప్పాడు. కచ్చితంగా ఇంకో సీజన్ ఆడతాడని అనుకుంటే మాహీ ఇలా ట్విస్ట్ ఇచ్చాడేంటి? తాము ఇది ఎక్స్పెక్ట్ చేయలేదని నెటిజన్స్ అంటున్నారు. మరి.. ధోని ఇంకో సీజన్ ఆడితే చూడాలని ఉందా? మీ ఒపీనియన్ను కామెంట్ చేయండి.
