Mohammed Shami Diet: టీమిండియా వెటరన్ పేసర్ మహ్మద్ షమి డైట్ విషయం ఇప్పుడు చర్చనీయాంశంగా మారింది. అతడు రోజుకు ఎంత మాంసం తింటాడో తెలిస్తే మీరు కూడా షాక్ అవ్వాల్సిందే.
Mohammed Shami Diet: టీమిండియా వెటరన్ పేసర్ మహ్మద్ షమి డైట్ విషయం ఇప్పుడు చర్చనీయాంశంగా మారింది. అతడు రోజుకు ఎంత మాంసం తింటాడో తెలిస్తే మీరు కూడా షాక్ అవ్వాల్సిందే.
క్రీడల్లో రాణించాలంటే టాలెంట్ ఒక్కటే ఉంటే సరిపోదు. మెంటల్గా, ఫిజికల్గా కూడా ఆటగాళ్లు ఫిట్గా ఉండాలి. అప్పుడే మంచి పెర్ఫార్మెన్స్ ఇవ్వడంతో కెరీర్ను సుదీర్ఘ కాలం పొడిగించుకునేందుకు వీలుంటుంది. క్రికెటర్లు కూడా దీనికి మినహాయింపేమీ కాదు. ఏళ్ల పాటు క్రికెట్ ఆడాలంటే ప్లేయర్లు చాలా ఫిట్గా ఉండాలి. అందుకే మెంటల్ హెల్త్ను కాపాడుకునేందుకు యోగా, ధ్యానం లాంటివి చేస్తుంటారు క్రికెటర్లు. ఫిజికల్ ఫిట్నెస్లో భాగంగా జిమ్లో కసరత్తులు చేస్తూ చెమటోడ్చుతుంటారు. ఫిజికల్ ఫిట్నెస్ను మరింత మెరుగుపర్చుకునేందుకు మంచి పౌష్టికాహారాన్ని కూడా తీసుకుంటారు. ఇతర దేశాల ఆటగాళ్లను పక్కనబెడితే టీమిండియా క్రికెటర్లు మాత్రం పాలు, పండ్లు, చేపలు లాంటివి ఎక్కువగా తీసుకుంటారు.
డైట్లో భాగంగా గుడ్లు, మాంసాన్ని కూడా టీమిండియా ప్లేయర్లు తీసుకుంటారు. అయితే వాటి మోతాదు తక్కువగానే ఉంటుంది. కానీ వెటరన్ పేసర్ మహ్మద్ షమి మాత్రం నాన్వెజ్ అందులోనూ మటన్ను హెవీగా తీసుకుంటాడట. అతడి డైట్ గురించి తెలిస్తే ఎవ్వరైనా షాక్ అవ్వాల్సిందే. రోజూ కిలో మటన్ లేనిదే షమికి ముద్ద దిగదట. కిలో మటన్ తినకపోతే తర్వాతి రోజు అతడి బౌలింగ్ స్పీడ్ అమాంతం పడిపోతుందట. ఈ విషయాన్ని షమి క్లోజ్ ఫ్రెండ్ ఉమేశ్ కుమార్ రివీల్ చేశాడు. ‘డైలీ ఒక కేజీ మటన్ తినకపోతే షమి బౌలింగ్ స్పీడ్ ఏకంగా 15 కిలోమీటర్లు తగ్గిపోతుంది. అతడి డైట్లో మటన్ ఉండి తీరాల్సిందే. దేన్నయినా అతడు తట్టుకుంటాడు. కానీ భోజనంలో మటన్ లేకపోతే మాత్రం షమి అస్సలు ఉండలేడు’ అని ఉమేశ్ కుమార్ చెప్పుకొచ్చాడు.
ఒకవేళ ఏదైనా రోజు మటన్ తినకపోతే నెక్స్ట్ డే షమి డిఫరెంట్గా బిహేవ్ చేస్తాడని, మూడో రోజు అతడికి మెంటల్ ఎక్కుతుందని చెబుతూ ఉమేశ్ కుమార్ నవ్వుల్లో మునిగిపోయాడు. షమి పూర్తి నాన్వెజిటేరియన్ అని చెప్పాడు. ఇక, వన్డే వరల్డ్ కప్-2023 తర్వాత గాయం తిరగబెట్టడంతో షమి చాన్నాళ్లుగా క్రికెట్కు దూరంగా ఉంటూ వస్తున్నాడు. సర్జరీ అనంతరం కొన్నాళ్లు రెస్ట్ తీసుకున్న ఈ ఎక్స్ప్రెస్ బౌలర్.. రీసెంట్గా బౌలింగ్ ప్రాక్టీస్ మొదలుపెట్టాడు. స్లో రనప్తో అతడు బౌలింగ్ చేస్తున్న వీడియోలు నెట్టింట వైరల్ అయ్యాయి. బంగ్లాదేశ్ సిరీస్తో అతడు తిరిగి కమ్బ్యాక్ ఇచ్చే అవకాశం ఉందని కొత్త కోచ్ గౌతం గంభీర్ ఇటీవల ప్రెస్మీట్లో క్లారిటీ ఇచ్చాడు. మరి.. షమి రాక కోసం మీరెంతగా ఎదురు చూస్తున్నారో కామెంట్ చేయండి.
Umesh Kumar “If Mohammad Shami doesn’t eat 1 kg mutton daily,his bowing speed will reduce by up to 15 kmph.He can bear everything but can’t survive without Mutton.He can tolerate it for one day & agitated on the 2nd day & he will lose his mind on the 3rd”pic.twitter.com/CC5d1MiN5B
— Sujeet Suman (@sujeetsuman1991) July 24, 2024
