నీరజ్ చోప్రాతో ప్రేమాయణం అంటూ రూమర్స్.. క్లారిటీ ఇచ్చిన మనూ భాకర్!

ఒకే ఒక్క టోర్నమెంట్​తో నేషనల్ స్టార్ అయిపోయింది మనూ భాకర్. పారిస్ ఒలింపిక్స్-2024కు ముందు ఆమె ఎవరికీ తెలియదు. కానీ విశ్వక్రీడల్లో రెండు బ్రాంజ్ మెడ్సల్ సాధించి రికార్డు సృష్టించడంతో ఆమె పేరు మార్మోగిపోతోంది. యూత్ హార్ట్​త్రోబ్​గా మారిపోయింది మనూ. ఆమె టాలెంట్, అందానికి అంతా ఫిదా అయిపోతున్నారు. మనూ ఏం చేసినా సోషల్ మీడియాలో ట్రెండింగ్ అవుతోంది. ఈ క్రమంలోనే ఒలింపిక్ సిల్వర్ మెడలిస్ట్, స్టార్ జావెలిన్ త్రోయర్ నీరజ్ చోప్రాతో ఆమె కలసి ఉన్న ఓ వీడియో నెట్టింట వైరల్ అయింది. ఇందులో ఇద్దరూ సిగ్గుపడుతూ మాట్లాడుతున్నట్లుగా కనిపించింది. మనూ తల్లి నీరజ్​తో మాట్లాడటం, తలపై అతడి చేతిని ఉంచి ఒట్టు తీసుకున్నట్లు కనిపించడం ట్రెండింగ్ అయింది.

మనూ-నీరజ్ లవ్​లో ఉన్నారని.. త్వరలో వీళ్ల మ్యారేజ్ జరుగుతుందని సోషల్ మీడియాలో పుకార్లు జోరుగా చక్కర్లు కొట్టాయి. అయితే వీటిని మనూ భాకర్ ఫ్యామిలీ ఖండించింది. తాజాగా ఈ రూమర్స్​పై నేరుగా మనూ క్లారిటీ ఇచ్చింది. ఒక్క కామెంట్​తో ఆమె తేల్చిపారేసింది. తాము ప్రేమలో ఉన్నామనేది పూర్తిగా అవాస్తవమని స్పష్టం చేసింది. ‘ఆ రూమర్స్ నా వరకు వచ్చాయి. వీటిపై నన్ను రియాక్ట్ అవ్వనివ్వండి. ఈ న్యూస్​లో ఎలాంటి నిజం లేదు. నీరజ్ చోప్రాతో మాట్లాడా. దాన్ని ఎవరో వీడియో తీశారు. మా ఇద్దరి మధ్య పెద్దగా ఇంటరాక్షన్ లేదు. టోర్నమెంట్స్, ఈవెంట్స్​లో ఎదురుపడినప్పుడు సరదాగా పలకరించుకుంటాం. అంతేగానీ మేం లవ్​లో ఉన్నామని వస్తున్న వార్తలన్నీ అవాస్తవం’ అని మనూ స్పష్టం చేసింది.

నీరజ్​తో తన తల్లి మాట్లాడినప్పుడు అక్కడ లేనని మనూ భాకర్ తెలిపింది. కాబట్టి వాళ్లిద్దరూ ఏం మాట్లాడుకున్నారనేది తాను చెప్పలేనని పేర్కొంది. స్వయంగా మనూనే రియాక్ట్ అయింది. కాబట్టి నీరజ్​తో ఆమె ప్రేమాయణం నడిపిస్తోందనే రూమర్స్​కు ఇకనైనా చెక్ పడుతుందేమో చూడాలి. ఇక, పారిస్ ఒలింపిక్స్​లో 10 మీటర్ల ఎయిర్ పిస్టల్ పర్సనల్ క్యాటగిరీలో బ్రాంజ్ మెడల్ నెగ్గిన మనూ.. మరో షూటర్ సరబ్​జోత్ సింగ్​తో కలసి 10 మీటర్ల మిక్స్​డ్ డబుల్స్ విభాగంలో ఇంకో కాంస్య పతకాన్ని గెలుచుకుంది. విశ్వక్రీడల ముగింపు వేడుకల్లో హాకీ లెజెండ్ శ్రీజేష్​తో కలసి భారత పతాకధారిగానూ వ్యవహరించింది.

• ఇదీ చదవండి: ఒలింపిక్స్ లో అనర్హత వేటు.. అయినా చరిత్ర సృష్టించిన వినేశ్ ఫొగాట్!